नागपूर: नागपुरात करोना विषाणूची लागण झालेल्या एकूण १८ संशयितांची चाचणी शनिवार दिनांक १४ मार्च रोजी करण्यात आली यातील ४ संशयितांच्या चाचणीचा अहवाल पॉझिटिव्ह आला आहे,नागपूरात आता एकूण करोनाची लागण झालेल्या रुग्णांची संख्या ४ झाली असून यातील ३ मेडीकल तर १ मेयौ रुग्णालयातील रुग्ण आहे.
विदर्भात शनिवारपर्यंत एकूण १०२ करोना संशयित रुग्णाची तपासणी करण्यात आली यातील २१ रुग्ण मेयो तर मेडिकल मधील २९ रुग्णांची चाचणी करण्यात आली. मेयो येथील १ तर मेडिकल मधील ३ रुग्णांना करोनाची बाधा झाल्याचे अहवालात निष्पन्न झाले,नागपुरात एकूण ४ करोना बधितांची संख्या झाल्याचे खात्रीलायक सूत्राकडून कळले.
याशिवाय यवतमाळ येथील ९ पैकी २ रुग्णांचा अहवाल पॉझीटीव्ह आला असून अमरावती-१,वर्धा-२,सेवाग्राम-१,अकोला-१,गोंदिया-१, नागपूर महानगरपालिका रुग्णालय-८, चंद्रपूर-२,छत्तीसगढ-२०,मध्यप्रदेश-७ संशयित रुग्णांचे अहवाल अद्याप यायचे आहे,असे सूत्रा कडून कळले. जगभरात थैमान घातलेला करोना आता विदर्भातही धडकला आहे.
आमचे चॅनल subscribe करा
