नागपूर,२८ जानेवारी २०२४: खासदार औद्योगिक महोत्सव – ॲडव्हांटेज विदर्भच्या पहिल्याच दिवशी विदर्भातील स्टार्टअपला आर्थिक मदत देण्याच्या उद्देशाने एंजल गुंतवणूकदारांशी एकुण २५ सामंजस्य करारांवर स्वाक्षरी करण्यात आली. ज्यात हल्दीराम, नुवाल्स, वर्ल्ड ट्रेड सेंटर यांच्या मोठ्या गुंतवणूकदारांसोबतच अमरावतीमधील काही उद्योगांनी स्टार्टअपला मदत करण्यासाठी हे करार केले.
प्रत्येक गुंतवणूकदाराने स्टार्टअप्सला वार्षिक २५ लाख रुपये आर्थिक मदतीसोबतच मार्गदर्शन करण्यासाठी हे करार करण्यात आले. याशिवाय, देशभरातील काही सीड फंड्सनी या भागातील स्टार्टअपला मदत करण्यासाठीदेखील करार केले.
विदर्भातील गुंतवणुकीला गती देण्यासाठी अमरावती मार्गावरील राष्ट्रसंत तुकडोजी महाराज नागपूर विद्यापीठाच्या जमनालाल बजाज परिसरात खासदार औद्योगिक महोत्सव – ॲडव्हांटेज विदर्भ आयोजित करण्यात आला आहे. या महोत्सवाच्या औपचारिक उद्घाटनानंतर झालेल्या ‘उच्च शिक्षण आणि राष्ट्रप्रगती’ हा विषयावरील चर्चासत्रात केंद्रीय मंत्री नितीन गडकरी व उपमुख्यमंत्री देवेंद्र फडणवीस यांच्या उपस्थितीत हे करार झाले.
स्टार्टअपचे संयोजक शशीकांत चौधरी यांनी यासंदर्भात विस्तृत माहिती दिली.
या सत्रात अणुशास्त्रज्ञ डॉ. अनिल काकोडकर यांचा सत्कार करण्यात आला. यावेळी विद्यापीठाचे कुलगुरू डॉ. सुभाष चौधरी, राज्य सरकारच्या तंत्रशिक्षण विभागाचे संचालक डॉ. विनोद मोहितकर, व्हिएनआयटीचे संचालक डॉ. प्रमोद पडोळे, उरॉस ग्रुपचे संचालक अतुल पांडे, आय. आय. एम. नागपूरचे संचालक डॉ. भीमराया मैत्री प्रामुख्याने उपस्थित होते.
नितीन गडकरी यांनी संशोधन केवळ चांगले महत्वाचे नसून तंत्रज्ञान, मार्केटीबिलीटी, दर्जेदार उत्पादनांची गरज असते. सोबतच सकारात्मकता, तत्परता, आत्मविश्वासाचीदेखील गरज असल्याचे सांगितले. विदर्भात उपलब्ध असलेल्या कच्च्या मालापासून आपण काय तयार करू शकतो, याचाही विचार होण्याची गरज असल्याचे त्यांनी सांगितले.
महाराष्ट्रात स्टार्टअपची इकोसिस्टीम-
देवेंद्र फडणवीस यांनी महाराष्ट्रातील स्टार्टअप इकोसिस्टीमबाबत माहिती दिली. महाराष्ट्रात देशाच्या तुलनेत २० टक्के स्टार्टअप असून २५ टक्के युनिकॉर्न आहेत त ४० टक्के युनिकॉर्न मालक महाराष्ट्रातील रहिवासी आहेत. पूर्वी मेट्रो सिटीमध्ये स्टार्टअप मोठे व्हायचे पण आता टू टीयर व थ्री टीयर शहरांमध्येदेखील स्टार्टअपला पोषक वातावरण उपलब्ध आहे असे सांगताना त्यांनी शासनस्तरावर स्टार्टअपला प्रोत्साहन देण्यासाठी सुरू असलेल्या प्रयत्नांची माहिती दिली
…………………………..
आमचे चॅनल subscribe करा
