Homeनागपूर न्यूजयुवासेनेतर्फे महागाई विरोधात आंदोलन

युवासेनेतर्फे महागाई विरोधात आंदोलन

Advertisements
Advertisements
Advertisements
Advertisements

वाढत्या महागाईकडे लक्ष वेधण्यासाठी युवा सेनेतर्फे रविवारी महालात शिवाजी पुतळ्याजवळ थाळी वाजवून केंद्रातील मोदी सरकारचा निषेध करण्यात आला.

गेली दोन वर्षे करोनामुळे लोक त्रस्त झाले आहेत. करोनाकाळात अनेकांना रोजगार गमवावा लागला, तर काहींचे उत्पन्न कमी झाले. अनेकांचे व्यवसाय बंद पडले. करोनावरील उपचार घेताना कर्जबाजारी होण्याची पाळी आलेल्यांची संख्याही मोठी आहे. त्यातच आता महागाईचा फटका लोकांना बसत आहे. पेट्रोल, डिझेलने शंभरी पार केली आहे तर घरगुती वापराचे सिलिंडर १ हजार रुपयांच्या वर गेले आहे. चुलीवरून सिलिंडरच्या दिशेने झालेली वाटचाल आता पुन्हा उलट्या दिशेने म्हणजे चुलीकडे होण्याची परिस्थिती निर्माण झाली आहे.

दुसरीकडे वीज, पाणी यांचेही वाढले आहेत. धान्य-किराणा यांची स्थिती तशीच आहे. भाजीपाला, फळे अशा रोज लागणाऱ्या वस्तू महागल्यामुळे घरातील बजेट बिघडले आहे. त्यामुळे सर्वसामान्य माणसाला जगणे कठीण झाले आहे, असे या आंदोलनाच्यावेळी सांगण्यात आले.

वाढत्या महागाईविरोधात राज्यभर आंदोलन करण्यास युवासेनाप्रमुख आदित्य ठाकरे यांनी आपल्या कार्यकर्त्यांना सांगितले होते. त्यानुसार, नागपुरात जिल्हा युवा अधिकारी विक्रम राठोड यांच्या नेतृत्वात हे आंदोलन झाले. यावेळी थाळ्या तसेच टाळ्या वाजवून केंद्र सरकारचा निषेध करण्यात आला.

महागाई कमी करा व सामान्य माणसाचे जगणे सोपे करा, अशा घोषणा यावेळी कार्यकर्त्यांकडून देण्यात आल्या. केंद्र सरकारच्या विरोधात जोरदार नारेबाजी करण्यात आली.

Advertisements

Latest बातम्या