Advertisements
Advertisements
मुंबई: पालघरच्या घटनेनंतर पोलिसांनी १०१ व्यक्तींना ताब्यात घेतले. त्यापैकी कोणीही मुस्लिम नाही, असे गृहमंत्री अनिल देशमुख यांनी जाहीरही केले. मात्र ज्या तत्परतेने व घाईघाईत त्यांनी गुन्हेगारांची यादी जाहीर केली, त्याच तत्परतेने त्यांनी या प्रकरणातील सीसीटीव्ही फुटेजमध्ये कोण कोण आहेत व ते कोणाशी संबंधित आहेत, त्यांचे फोटो आणि नावेही जाहीर करावीत, असे आवाहन करत विरोधी पक्षनेते प्रवीण दरेकर यांनी गृहमंत्र्यांवर निशाणा साधला आहे.
सीसीटीव्ही फुटेजमध्ये राष्ट्रवादी काँग्रेसचे जिल्हा परिषद सदस्य काशीराम चौधरी, पंचायत समिती सदस्य सीताराम चौधरी, कम्युनिस्ट पक्षाचे कार्यकर्ते सुनील रावते रामदास असारे दिसत आहेत. यांचीही नावे गृहमंत्र्यांनी जनतेसमोर जाहीर केल्यास यामध्ये कोणाचा हात आहे हे स्पष्ट होईल, असेही दरेकर यांनी पुढे म्हटले आहे.
दरेकर यांनी शिवसेनेवरही निशाणा साधला. महाराष्ट्रात साधूंची भगवी वस्त्रे रक्ताने भिजली याचे राजकारण करू नये, असा सल्ला सामनामधून देण्यात आला आहे. त्यावर दरेकर यांनी तोफ डागली. भगवी वस्त्रे रक्ताने लाल झाली आहेत त्याचे काय? भगव्यावर झालेला हा लाल रक्ताचा हल्ला भगवी विचारधारा घेऊन राज्यकारभार करणाऱ्यांना आता धार्मिक व जातीय तेढ निर्माण करणारा वाटतो आहे. खुर्ची ही शिवसेनाप्रमुख दिवंगत बाळासाहेब ठाकरे यांच्या विचारधारेपेक्षा मोठी व महत्त्वाची ठरल्याचेच यातून दिसत आहे, अशी टीका दरेकर यांनी केली.
दरेकर यांनी शिवसेनेवरही निशाणा साधला. महाराष्ट्रात साधूंची भगवी वस्त्रे रक्ताने भिजली याचे राजकारण करू नये, असा सल्ला सामनामधून देण्यात आला आहे. त्यावर दरेकर यांनी तोफ डागली. भगवी वस्त्रे रक्ताने लाल झाली आहेत त्याचे काय? भगव्यावर झालेला हा लाल रक्ताचा हल्ला भगवी विचारधारा घेऊन राज्यकारभार करणाऱ्यांना आता धार्मिक व जातीय तेढ निर्माण करणारा वाटतो आहे. खुर्ची ही शिवसेनाप्रमुख दिवंगत बाळासाहेब ठाकरे यांच्या विचारधारेपेक्षा मोठी व महत्त्वाची ठरल्याचेच यातून दिसत आहे, अशी टीका दरेकर यांनी केली.
रेड झोनमधून प्रफुल्ल पटेल ग्रीन झोनमध्ये!
करोनासारख्या संकटकाळातही महाविकास आघाडीचे सरकार सापत्न भावनेने व सूडबुद्धीने वागत असल्याचा आरोप दरेकर यांनी केला. भंडारामध्ये भारतीय जनता पार्टीच्या खासदारांनी बैठक मागितली असता जिल्हाधिकाऱ्यांनी वेळ नसल्याचे सांगितले. मात्र, त्याचवेळेस सध्या लोकप्रतिनिधी नसलेले राष्ट्रवादी कॉंग्रसेचे नेते प्रफुल्ल पटेल हे मुंबईसारख्या रेड झोनमधून बाहेर पडून ग्रीन झोन असलेल्या भंडारा येथे गेले व जिल्हाधिकाऱ्यांनी त्यांना बैठक दिली. रेड झोनमधून प्रफुल्ल पटेल ग्रीन झोनमध्ये कसे गेले, असाही सवालही दरेकर यांनी केला.
आमचे चॅनल subscribe करा
