मुख्यमंत्र्यांचे मतदारसंघ की ‘हागणदारी!’

धंतोलीतील भाजपच्या प्रादेशिक कार्यालय इमारतीत देखील सांडपाणी तुंबत असल्याची गंभीर समस्या गेल्या अनेक वर्षांपासून तशीच आहे.या शहराचे भाग्यविधाते नेते,राजकारणी,मंत्री,संत्री,आमदार यांना नागपूरचा विकास म्हणजे शेकडो उड्डाणपुले,भुयारी मार्गे,अगदी गल्लीबोळ्यातही सिमेंट काँक्रिटचे रस्ते निर्माण करण्यातच वाटतो,मात्र,शुद्ध हवा,स्वच्छ पाणी,खड्डेमुक्त व अपघातमुक्त रस्ते तसेच आरोग्यदायी जीवनमान नागपूरकर नागरिकांना देण्यास गेल्या १७ वर्षांपासून मनपात भाजपचीच सत्ता असताना देखील ते अपयशी ठरले आहे.संपूर्ण शहरातच इंग्रजाच्या काळातील सांडपण्याची व्यवस्था काेलमडली आहे मात्र,सत्ताधा-यांच्या अजेंडात नागरिकांच्या दैनदिन जीवनाशी निगडीत या समस्या दुय्यम असून,पार कोलमडलेल्या सांडपाणी व्यवस्थेवरवच ’विकासाचे’इमले चढवले जात आहेत असा संताप समाज माध्यमांवर मोठ्या प्रमाणात व्यक्त होत असतो.

संपूर्ण शहरातच पूर्वीची जुनी घरे व मोजके कुटूंब सदस्य राहत असलेल्या इमारती मोठ्या प्रमाणात जमीनदोस्त होत असून त्या ठिकाणी मोठमोठ्या इमारती,मॉल्स ,व्यवसायिक संकुले इत्यादी झपाट्याने उभी राहत आहेत मात्र,त्या इमारतींच्या खाली असलेल्या १०० वर्षे जुन्या सांडपाणी वाहून नेणा-या पाईपलाईन्सची क्षमता कधीचीच संपली आहे,याकडे मोठमोठ्या नेत्यांच्या बैठकीत ‘हूशार’सनदी अधिकारी लक्ष वेधत नाहीत,याचा परिणाम सुभाष नगर नाईक ले आऊट,सुभाष नगर सारख्या मुख्यमंत्र्यांच्याच मतदारसंघातील नागरिकांवर व्हावा,यातच विकासाचे कोणते मॉडल या शहरात शासन व प्रशासनाकडून मोठ्या प्रमाणात राबविले जात आहेत,याची प्रचिती येते.

……………………………………………..