काँग्रेसला मत देण्याचा आम्ही ठेका घेतला नाही!

राज्यातील अल्पसंख्यांक आयोगाचे अध्यक्ष प्यारे खान यांची आज नागपूरात भेट घेऊन रामगिरी महाराजांच्या विरोधात त्यांनी काय केले?याचा जाब विचारला असल्याचे जलील यांनी सांगितले.ते अल्पसंख्याक आयोगाचे अध्यक्ष आहेत,अल्पसंख्यांकांमध्ये फक्त मुस्लिम समुदाय येत नसून जैन,पारसी,शिख,बौद्ध व इतर समुदाय देखील येतात.,त्या सर्वांच्या संवैधानिक हक्कांचे रक्षण करण्याची नैतिक जबाबदरी प्यारे खान यांच्यावर आहे.भाजपच्या मोठ्या नेत्यांचे ते जवळचे असून त्यामुळेच त्यांना त्या पदावर बसवण्यात आले आहे,हे जगजाहीर आहे.त्यामुळे त्यांना मी हा सरळ प्रश्‍न विचारला की मुस्लिम समुदायावर खुलेआम या राज्यात इतके अत्याचार होत आहेत,त्यांना उघडपणे धमक्या दिल्या जात आहेत,जे नितेश राणे हे पोलिसांच्या पत्नीच्या बाबतीत ही इतक्या खालच्या स्तरावर जाऊन भाष्य करतात,ते उघडपणे मुस्लिमांच्या मजिदीमध्ये घुसून त्यांना मारण्याची वलग्ना करतो,मूळात नितेश राणे हे सहा-सहा जीपभरुन पोलिस व बाऊंरर्सच्या गराड्यात वावरतो,वरुन म्हणतो मला हिंदूंचं रक्षण करायचं आहे,जो स्वत:चं  रक्षण करु शकत नाही तो हिंदूंचं काय रक्षण करणार?असा टोला हाणत,प्यारे खान यांना आम्ही रामगिरी महाराज तसेच नीतेश राणेंच्या वादग्रस्त वक्तव्यावर काय कारवाई केली,अशी विचारणा केली असल्याचे जलील यांनी सांगितले.