नागपूरात पोटनिवडणूकीत काँगेससह आघाडीची तब्बल ९९ मते फूटली!

विरोधी पक्षातील जी अंदाजे ९९ मते फूटली याविषयी माध्यमांसोबत बोलताना डॉ.पोतदार म्हणाले की,महायुती म्हणून आमच्या जवळ ५८२ मते होती मात्र,भाजपला ६८२ मते मिळाली आहे म्हणजे १०० मत अधिकची मला मिळाली असून, भारतीय राष्ट्रीय काँग्रेसचा या निवडणूकीत अतिशय दारुण पराभव झाला असल्याचे विजयी उमेदवार राजीव पोतदार म्हणाले.

काँग्रेस जवळ स्वत:ची १७० मते होती व महाविकास आघाडी म्हणून २०० मते होती तरी देखील ते १३० वर आले.याचा अर्थ महाविकास आघाडीची ७० व काँग्रेसची ४० मत ही फूटली असल्याचे सिद्ध झाले.यामुळे काँग्रेसच्या नेतृत्वावरच गंभीर प्रश्‍नचिन्ह निर्माण झाल्याचे पोतदार म्हणाले.

या निवडणूकीची संपूर्ण धुरा पालकमंत्री व महसूल मंत्री चंद्रशेखर बावणकुळे यांनी आपल्या खांद्यावर घेतली होती व त्यांच्या अतिशय सूक्ष्म व चांगल्या नियोजनाचे फळ पुन्हा एकदा मिळाले.ते पूर्णपणे माझ्या पाठीशी उभे होते.नगर पालिकांमधील एकेका नगरसेवकाचे मत माझ्या पारड्यात पडले.या शिवाय आमचे निवडणूक प्रभारी प्रवीण दटके यांच्यासह संपूर्ण पदाधिका-यांनी या निवडणूकीत सुनियोजितपणे परिश्रम घेऊन हे यश संपादन केले आहे.हा केवळ डॉ.राजीव पोतदार यांचा विजय नसून महायुतीचा विजय असल्याचे ते म्हणाले.याशिवाय राज्यमंत्री ॲड.आशिष जयसवाल,शिवसेनेचे आमदार कृपाल तुमाने तसेच राष्ट्रवादी काँग्रेसचे अजित पवार गटाच्या सर्व पदाधिका-यांचा देखील मोलाचा सहयोग लाभला असल्याचे पोतदार यांनी सांगितले.आपल्या या यशाचे श्रेय मुख्यमंत्री देवेंद्र फडणवीस,केंद्रीय मंत्री नितीन गडकरी यांच्यासह सर्व आमदारांना त्यांनी दिले.

जे विरोधक आरोप करायचे की भाजपची ताकद फक्त नागपूरपुरती असून जिल्ह्यात नाही,त्यांना देखील उत्तर मिळाले असल्याचा टोला डॉ.पोतदार यांनी हाणला.जिल्ह्यांमध्ये भाजपची ताकद निश्‍चितच वाढली आहे.एकूण २९ पैकी २४ नगरपालिका व नगर परिषदेत महायुतीचे नगराध्यक्ष आहेत.मोठी संख्या नगरसेवकांची महायुतीकडे आहे.एक जबरदस्त ताकत ग्रामीणमध्ये महायुतीची आणि भाजपची निर्माण झाली असल्याचा दावा त्यांनी केला.

…………………….