पाटातली बाई…

महत्वाचे म्हणजे,मुन्ना यांनी केलेली शिवीगाळ ही चांगलीच व्हायरल झाली मात्र,त्यानंतर पती-पत्नीला झालेली जबर मारहाण याचा कोणीही व्हिडीयो काढलाच नाही!पोलिसांनी देखील शिवीगाळसाठी मुन्ना यांनाच दोषी ठरवले,मात्र,त्या शिवीगाळला एक प्रदीर्घ अशी पार्श्वभूमी आहे,जी माणसांच्या आत्मसन्मानाशी जुळलेली आहे,हे तपासण्याची साधी तसदी देखील पोलिस खाते घेत नाही.

मीना यांना घरकुल योजना मंजूर झाल्याने रामगुंडे यांना ते सहन झाले नसल्यानेच भांडण उकरुन काढण्यात आले असल्याचे खास ‘सत्ताधीश’कडे मीना सांगतात.मूळात तिचे आयुष्य हे तिने कसे जगावे?कोणासोबत जगावे?लग्नाने,बिगर लग्नाने जगावे,सोडचिठ्ठी घेऊन किवा बिगर सोडचिठ्ठी घेता जगावे?हे ठरविणारा समाज कोण होतो?ही ठेकेदारी कपाळावर कुंकुवाचा टिळा मिरविणा-या महिलांना कोणी दिली?एखाद्या अबला महिलेच्या छातीवर बसून तिचे अर्ध्याहून जास्त केस मूळासकट उपडण्याचा आणि तिला असह्य वेदनामध्ये ढकलण्याचा अधिकार समाजातील पुरुषांना कोणी दिला?याच प्रवृत्तीने अनेक महिलांना ‘चेटकीण’ठरवून आयुष्यातून कायमचे उठवून दिल्याचा अनेक घटना याच प्रगत,पुरोगामी महाराष्ट्रात घडल्या आहेत,त्यामुळे मीना यांचा संघर्ष,लढा हा किती गंभीर आहे,याचे ही गांर्भीर्य तहसील पोलिसांना राहत नसेल तर याचा अर्थ,त्यांच्या रेकॉर्ड डायरीतील आणखी एखादे पान,एखाद्या मीना पन्नासेचा जमावाद्वारे ‘चेटकीण,करणी करणारी बाई’ठरऊन मॉब लिंचिंगच्या घटनेची नोंद होण्याची वाट पाहत आहेत का?असा प्रश्‍न उपस्थित होतो.

‘

‘मी २१ एप्रिलच्या त्या रात्री पासून झोपली नाही’मीना यांची ही व्यथा काय सांगते?तिच्या आत्मसन्मानावर किती गहीरी चोट बसली आहे,याची जाणीव हे कृत्य करणारे रसूखदार,पोलिस विभाग व स्वत: स्त्रीच्या जातीत जन्म घेणा-या त्या दोन महिलांना तरी होणार का?महाराष्ट्रसारख्या राज्यात एखाद्या स्त्रीची झालेली इतकी पराकोटीची विटंबना कळमेश्‍वर पोलीस ठाण्यातील पोलिसांसाठी ही आयपीसी ३२४ अन्वये किरकोळ गुन्ह्याची नोंद ठरली?ते ही सहा ऐवजी चारच आरोपींवर ती दाखल झाली?तिच्या छातीवर बसणारा तिला ‘ठोकेली’म्हणत असताना तिच्या देहासोबत केलेले कृत्य,हा पुरुषार्थाच्या कोणत्या कलमाखाली अपराध ठरतो?हे कळमेश्‍वर पोलिस ठाण्यातील पीआय श्री.कलामे सांगतील का?खूनाचा प्रयत्न,महीलेचा विनयभंग,जादूटोणा विरोधी कलमे न लावणय्ा मागे पोलिसांचा काय हेतू होता?

(छायाचित्र : काय करायचे या पंतप्रधान घरकुलाचे?त्यांच्या देशातील पोलिस विभागाकडूनच न्याय मिळत नसेल तर!)

या घटनेला आता चार महिन्यांचा काळ लोटला असून एका महिला वकीलाच्या मार्फत पिडीत दाम्पत्यांनी न्यायालयात दाद मागितली आहे.मात्र,तोच न्याय ,न्यायाची सर्वात पहिली पायरी असणा-या एफआयआरमध्ये उमटायला हवा होता.पोलिसांचे काम रसूखदार यांची पाठराखण करणे नव्हे तर सज्जनांचे रक्षण करने हे आहे.कर्तव्यावर रुजू होताना घेतलेल्या शपथेची आठवण ,मुखंड बघून नाही तर घटना आणि कायदा बघून त्यांना व्हायला हवी,दूर्देवाने असे घडत नाही त्यामुळेच एखादी मीना ही अन्यायाच्या आगीत न्यायाचा प्रतीक्षेत…. अशी होरपळून जळत राहते…!

आपापसातील किरकोळ वाद एवढीच ही घटना नसून,एका स्त्रीला खाली पाडून तिच्या छातीवर बसून तिचा गळा आवळणे हे कृत्य करुन, एका पुरुषाने जो ‘पुरुषार्थ’ दाखवला आहे,त्या पुरुषाला तुरुंगात डांबण्यासाठी व तिच्या पतीचे डोके फोडून रक्तबंबाळ करणा-यांवर कठोर कारवाई करण्यासाठी ,पोलिस विभागाने त्यांचे कर्तव्य प्रामाणिकपणे पार पाडणे गरजेचे आहे अन्यथा पुरोगामी महाराष्ट्रात ‘बाई’ही कधीही ‘लाडकी बहीण’होऊ शकणार नाही, यात दूमत नाही.

(बातमीतील पहीले छायाचित्र : मीना यांचा गळा आवळल्यानंतर उमटलेले व्रण !)

……………………………..

(वलनी ग्राम पंचायत सरपंच-संपर्क क्रमांक – 8605262087)