मोदींचा ‘यूथ आयकॉन’ हे काय बोलून गेला!

त्याच्या या विधानाने देशात माजलेली खळबळ बघून रणवीर याने माफी मागितली आहे मात्र,त्याची माफी ही पुरेसी नाही.फ्रेम ऑफ माईंड था,असे तो सांगतो.मात्र,स्लिप ऑफ माईंड होता की कमर्शियल लोभ होता?असा सवाल केला जात आहे.हाच मोदी यांच्या ‘इंडियाज गॉट टेलेंट’चा परिणाम आहे.पैशांसाठी ही पिढी आपल्या जन्मदात्यांच्या अंतरंग क्षणाचाही व्यापार आणि बाजार करण्यासाठी मागे पुढे पाहणार नाही,असा संताप व्यक्त होतोय.त्यांच्या खासगी अंतरगं क्षणांना रणवीर व मंचावर बसलेले व त्या शोमध्ये उपस्थित असलेली तरुण पिढी शब्द देऊ शकतात,संवाद देऊ शकतात,चित्रबद्ध करु शकतात,ते काहीही करु शकतात,असा संताप आता देशातील बुद्धीजीवी व्यक्त करतात.

–

(छायाचित्र : चेह-याचा रंग उडाला,माफीनामा पुरेसा नाही)

२०१५ पासून यूट्यूबरवर आपल्या शरीर षोष्ठवाचे प्रदर्शन करणारे भाग त्याने सुरु केले होते.‘मोंक एंटरटेनमेंट‘च्या माध्यमातून तो युवांना प्रेरित करण्याचे काम करीत होता.तो नैराश्‍यचा बळी झाला होता मात्र,त्यातून बाहेर निघत या अभियंता तरुणाने युवा पिढीचे फिटनेस,पुरुषांमधील फॅशन,ग्रुमिंग इत्यादी वर लक्ष केंद्रित केले.बघता बघता कोट्यावधी फॉलोअर्स त्याच्यासोबत जुळले.त्याचा जन्म २ जून १९९३ रोजी मुंबईत एका सुशिक्षित कुटूंबात झाला.त्यांचे वडील गौतम अलाहबादीया स्वत: एक डॉक्टर आहेत.आई  स्वाती अलाहबादीया या देखील स्त्रीरोग तज्ज्ञ आहे. अतिशय लठ्ठ असल्याने वय वर्षे १६ पर्यंत रणवीर याने अनेक शस्त्रक्रिया करुन घेतल्या व यातूनच फिटनेसविषयी तो जागरुक झाला.

या यूट्यूबरने केंद्रिय मंत्री नितीन गडकरी,माजी मंत्री स्मृति इराणी,वाणिज्य मंत्री पियुष गोयल,सुब्रम्हण्यम स्वामी, यांच्यासह भाजपच्या मोठमोठ्या नेत्यांना आपल्या पॉडकास्टमध्ये मुलाखतीसाठी आणले आहे.भारतातील मोठमोठ्या व प्रतिष्ठित पत्रकारांना ज्या केंद्रिय मंत्र्यांच्या मुलाखतीसाठी तारखा मिळत नाही त्यांना या यूट्यूबरने कोणत्याही संकोचाशिवाय पॉडकास्टमध्ये आणले.अर्थात यासाठी या मंत्र्यांनी पैसे ही मोजल्याची चर्चा आहे! ‘द रणवीर शो’या पॉडकास्टमध्ये अध्यात्मिक गुरु यांच्यापासून तर प्रियंका चोपडा,अभिषेक बच्चन,बॉडीबिल्डिंगचे दिग्गज अर्नोल्ड श्र्वार्जनेगर आदी यांचा देखील मुलाखती घेतल्या.२०२० मध्ये रणवीर याचा हा शो सर्वोच्च पॉडकास्ट स्थानावर होता.

आजचे त्याचे विधान हे देखील या शो ची प्रसिद्धी वाढवून पैसा कमावण्यासाठीच होते असा आरोप होत आहे.मात्र,असे असले तरी पंतप्रधान नरेंद्र मोदी यांची गेल्या अकरा वर्षांची एकंदरीत कार्यशैली बघता ते यावर काही कृती करतील,अशी आशा नाही.सुवर्ण पदके जिंकून देशाची मान अभिमानाने उंचावणा-या महिला कुश्‍तीपटू यांनी केलेल्या गंभीर लैंगिक शोषणाच्या आरोपानंतर देखील मोदी यांनी भाजप खासदार बृजशरण सिंग याची हकालपट्टी कुस्तीसंघाच्या अध्यक्ष पदावरुन केली नव्हती,तो अनुभव बघता त्यांच्या हस्ते पुरस्कृत झालेल्या रणवीर याचा ‘यूथ आयकॉनचा ’पुरस्कार परत घेतला जाईल किवा त्याला जबर शिक्षा होईल,अशी काेणतीही आशा भारताची जनता करीत नाही कारण हा भाजप आता तो भाजप राहीला नाही,असे डिजिटल माध्यमावर देशातील बुद्धीवंत सांगतात आहेत.

आज संसदेत जे घडले त्याचाही उल्लेख करीत,आज संसदेत एका खासदाराने विचारले,पेरिस से भी ज्यादा महंगे तिकीट हो गये प्रयागराज के,ये लृट है, ही सनातनी धर्माची थट्टा आहे,यावर राज्यभेचे उपसभापती व उपराष्ट्रपती जयदीप धनखड  म्हणाले की, अरे भाई सनातनी हो अपने धर्म के लिये कुछ पचना सिखो!कहर तर तेव्हा झाला जेव्हा हवाई वाहतूक मंत्रीच म्हणाले ‘आपको खुश होना चाहीये के अपना प्रयागराज पॅरिस से भी बडा हो गया’इतक्या गंभीर प्रश्‍नावर देशाचा उपराष्ट्रपती व केंद्रीय मंत्री अशी टिपण्णी करीत असतील तर या देशाचे मोदी काळात तरी काहीही होऊ शकत नाही,असे सांगून आता पालकांनाच, या डिजिटल माध्यमाच्या युगात आपापल्या पाल्यांचा बचाव करण्याची दुहेरी कसरत करावी लागणार असल्याचा इशारा प्रज्ञावंत देतात.
……………………………….