राजा तो राजा होता है…. 

कामठीतील यादव समाजाला भाजपकडे वळते करण्यासाठी यादव समाजाच्या व्हॉट्स ॲप ग्रूपमध्ये मध्यप्रदेशचे मुख्यमंत्री मोहन यादव यांची सभा असल्याची माहिती प्रसारित करण्यात आली.मोठ्या प्रमाणात यादव समाजातील लोक त्या सभेत हजर होते मात्र,अवघे काही जण सोडता यादव समाज भाजपच्या पाठीमागे गेल्या नसल्याचा दावा केला जातो.याच सभेत मुख्यमंत्री मोहन यादव व बावणकुळेंनी गळ्यातील नीळा दुपट्टा लगेच काढून टाकल्याचा व्हिडीयो देखील चांगलाच व्हायरल झाल्याने कामठीतील आंबेडकरी समाज देखील भाजपापासून दुरावला गेला.

महत्वाचे म्हणजे बेसा,बेलतरोडी,नरसाळा भागात बावणकुळेंसह त्यांच्या संपूर्ण कुटूंबियांनी दारोदारी जाऊन भाजपला मतदान करण्याचे आवाहन केले.बावणकुळे स्वत: दुचाकी घेऊन गल्लोगल्ली फिरलेत.ते दहा वर्षे आमदार होते,उर्जा मंत्री होते,पालकमंत्री होते मात्र,कामठीचा कोणताही विकास त्यांनी केला नसल्याचे मतदार सांगतात.कुटूंबियांसोबत वेळ घालावयला एक ही बगिचा किवा खेळाचे एक ही मैदान कामठीत नाही.वीस वर्षापासून ते जिल्हा परिषदेपासून राजकारणात आहेत मात्र,कामठीचा कोणताही विकास त्यांनी केला नसल्याची नाराजीही दिसून पडली.कामठीतील तरुणांसाठी कोणत्याही रोजगाराच्या संधी निर्माण केल्या नाही तर दूसरीकडे महागाईने सर्वसामान्यांचे कंबरडे मोडल्याची साफ नाराजी दिसून पडली.कामठीतील अनेक महिला या आठ हजार पगारात बिस्क़िट फॅक्टरीत काम करतात ज्यांचे चार हजार रुपये कारखान्यात जाण्या-येण्यातच खर्च होतात.अनेक युवा हे हल्दीराममध्ये ७ हजार पगारात काम करतात ज्यांचे अडीच हजार रुपये ऑटोमध्ये खर्च होतात.मुलांचे पालनपोषण,शिक्षण या जिवनावश्‍यक बाबींकडे पालकमंत्री बावणकुळेंनी लक्ष दिले नसल्याची नाराजी व्यक्त करीत कामठीतील किमान ५० हजार युवा बेरोजगार असल्याचा आरोप ही ऐकू आला.

बावणकुळेंनी कामठीत विकास कार्य केले असते तर त्यांच्या कार्यकर्त्यांनीच त्यांना निवडून आणले असते,मात्र आज आपल्या संपूर्ण कुटूंबियांसह घरोघरी फिरण्याची वेळ त्यांच्यावर आली असून,भोयर हे किमान वीस हजार मतांनी विजयी होतील,असे अनेक मतदारांनी मत व्यक्त केले.

२३ नोव्हेंबर रोजी, कामठीत स्पष्टपणे मुस्लिम व इतर धर्मिय यांच्यात विभागली गेलेली मते कोणाचा

नागपूर जिल्ह्यातील आणखी एक महत्वाची लढत हिंगणा मतदारसंघात भाजपचे समीर मेघे व राष्ट्रवादी शरद पवार यांचे खास समजले जाणारे रमेश बंग यांच्या हाेत असून आज दिवसभर या मतदारसंघात ब-याच घडामोडी घडल्या.विजयासाठी साम,दाम,दंड,भेदाची पुरजोर नीती या मतदारसंघात अवलंबविण्यात आली.मेघे यांच्याच महाविद्यालयातील विद्यार्थ्यांना,कर्मचारी व पदाधिका-यांना तसेच मेघे यांच्या रुग्णालयातील स्टाफ,डॉक्टर्स,कर्मचारी यांना मोठ्या प्रमाणात हिंगणा मतदारसंघात मतदार बनविण्यात आल्याचा आरोप माजी आमदार घोडमारे यांनी पत्रकार परिषद घेऊन केला होता.याशिवाय मेघे यांच्याच महाविद्यालयात सर्वाधिक मतदानकेंद्र निवडणूक आयोगाने दिले असल्याने त्याचा देखील प्रभाव मतदारांवर पाडला जातो,असा आरोप करीत याविरुद्ध निवडणूक आयोगाकडे दाद मागण्यात आली मात्र,ती धुडकावून लावित निवडणूक आयोगाने मेघे यांच्या महाविद्यालयातील ही मतदान केंद्रे कायम ठेवली.

त्याच केंद्रात मोठ्या प्रमाणात आज सुटी घोषित केली असताना देखील विद्यार्थी मतदान करीत असल्याचे लक्षात येताच,बंग यांच्या कार्यकर्त्यांनी त्यांना ओळखपत्र मागितले तसेच हूसकावून लावले.हे व्हिडीयो देखील तूफान व्हायरल झाले.हिंगणा मतदारसंघात सायंकाळी ५ वाजेपर्यंत  ५५.७९ टक्के मतदान झालेे असून,मेघे यांच्या विजयाची हमी दिली जात आहे.यावेळी राजकारणात मुरलेले रमेश बंग यांच्या उमेदवारीमुळे समीर मेघे यांना ही निवडणूक सोपी नव्हती.या ही मतदारसंघात पैशांचा महापूर वाहील्याची चर्चा चांगलीच रंगली.हिंगणा मतदारसंघाची निवडणूक एकतर्फी झाली नसून,तगडी लढत भाजप व राष्ट्रवादीच्या उमेदवारांमध्ये दिसून पडली.

उमरेडमध्ये भाजपतर्फे सुधीर पारवे यांना उमेदवारी देण्यात आली असूनउमरेडमध्ये तिहेरी लढत दिसून पडत आहे.काँग्रेसकडून संजय मेश्राम दंड थोपटून आहेत तर भाजपचे बंडखोर प्रमोद घरडे रिंगणात आहेत.हा मतदारसंघ अनुसूचित जातीसाठी राखीव आहे.पारवे हे दोनवेळा आमदार राहीले आहेत. तर दुस-यांदा निवडणूक लढवित असलेले काँग्रेसचे संजय मेश्राम यांच्याही पाठीमागे केदार यांचा वरदहस्त आहे.मूळक यांचे देखील पाठबळ मेश्राम यांना लाभले आहे.