नागपूर विद्यापीठ झाले पैशे कमवण्याचे कुरण!

नागपूर,ता.१६ ऑगस्ट २०२४: कोणतेही संवैधानिक पद नसताना विद्यापीठाच्या प्राध्यापक नियुक्तीच्या समितीत अवैधरित्या घूसखोरी करीत, राष्ट्रसंत तुकडोजी महाराज नागपूर विद्यापीठाशी संलग्न विविध महाविद्यालयात कोट्यावधीची माया जमवून प्राध्यापकांच्या नियुक्तया करण्याचा गोरखधंदा ,माजी महापौर व शिक्षण मंचाच्या अध्यक्षा,भारतीय जनता पक्षाच्या नेत्या डॉ.कल्पना पांडे करीत असल्याचा गंभीर आरोप, गेल्या वीस वर्षांपासून व्हीएमव्ही महाविद्यालयाच्या हिंदीच्या शिक्ष्िा असलेल्या डॉ.सोनू जेसवानी यांनी आज प्रेस क्लब येथे आयोजित पत्रकार परिषदेत केला.

याप्रसंगी बोलताना,डॉ.जेसवानी म्हणाल्या की डॉ.पांडे यांनी विद्यापीठातील पवित्र शैक्षणिक वातवारण पूर्णत:भ्रष्टाचाराच्या अड्ड्यात पैसे कमविण्यासाठी परिवर्तित केले.विद्यापीठ सारखे ठिकाण अनैतिक मार्गाने पैसे कमावण्यासाठीचे दूकान बनवले.केवळ प्राध्यपकांच्या नियुक्तीतच भ्रष्ट मार्गाने कल्पना पांडे यांनी अमाप पैसा कमावला नाही तर,गरीब,गरजू विद्यार्थ्यांचे पीएच.डी चे ऑनलाईन अहवाल थांबवणे,प्राध्यापकांवर धाक दपटशाही करणे,त्यांना भाजप व गडकरींचा रोब दाखवून ब्लॅकमेल करने,कंत्राटी प्राध्यपकांच्या पगारातून दहा-वीस टक्के रक्कम कापून स्वत:चा खिसा भरणे,अनुभवाचा प्राधान्यक्रम नाकारुन कनिष्ठ तसेच मर्जीतील प्राध्यापकांना कॉलेज ऑडिट समितीत पाठवणे इत्यादी सर्वप्रकारच्या गैरकृत्यात डॉ.कल्पना पांडे सहभागी असल्याचा गंभीर आरोप डॉ.जेसवानी यांनी केला.

निलंबित कुलगुरु डॉ.सुभाष चौधरी हे डोळे मिटून कल्पना पांडे यांच्या प्रत्येक अनाधिकृत व अन्यायकारक कृत्याचे पालन करीत होते,डॉ.धवनकर व मनोज पांडे प्रकरणाचे अहवाल उघडकीस आल्यावर डॉ.पांडे यांचे संपूर्ण काळे-कृत्य जगा समोर येईल,असा दावा जेसवानी यांनी केला.मात्र,गेल्या अनेक वर्षांपासून हे अहवाल दाबून ठेवण्यात आले असल्याचे त्या म्हणाल्या.

भाजपच्या वरीष्ठ नेत्यांच्या नावावर कल्पना पांडे यांनी अक्षरश:गुंडगिरी केली व कोट्यावधीचा मलीदा भ्रष्ट मार्गाने लाटला.इतकंच नव्हे तर कल्पना पांडे यांनी त्यांच्या मुलीच्या लग्नात प्राध्यपकांना प्रत्येकी ५ ते ७ लाख रुपयांची मागणी केली.माझी परिस्थिती नसल्याने मी केवळ ‘शुभआर्शिवादपर‘ एक लाख रुपये पाकिटात घालून दिले.यावर चिडून अवघ्या पंधरा दिवसात कल्पना पांडे यांनी हिंदी विषयाची गाईडशिप माझ्याकडून कटकारस्थान करुन,कुलगुरु सुभाष चौधरी यांना हाताशी धरुन काढून घेतली.इतकंच नव्हे तर विद्यापीठातून हिंदी पीएच.डी संबंधित आरएसी समितीच्या सदस्यत्वातून,विद्यापीठाच्या हिंदी अभ्यास मंडळाच्या सदस्यत्वातून,विद्यापीठाच्या वाणिज्य भाषा अभ्यास मंडळाच्या सदस्यत्वातून ,विद्यापीठ वार्षिक पुस्तक निर्णय समितीच्या सदस्यत्वातूनही मला काढून टाकण्यात आले.

माझ्या मार्गदर्शनात दोन मुली या आचार्य(पीएच.डी)पदवीसाठी संशोधन करीत होत्या,त्यांची देखील कल्पना पांडे यांनी ‘कुख्यात’मनोज पांडे यांना हाताशी धरुन छळवणूक केल्याचा गंभीर आरोप या प्रसंगी जेसवानी यांनी केला.केवळ माझ्या मार्गदर्शनात त्या मुली संशोधन करीत असल्यामुळे तासनतास त्यांना उभे ठेवण्यात येत होते.मनोज पांडे यांनी तर त्या दोन्ही गरीब मुलींकडून,यातील एक अकोला मधून येत होती तर एक विद्यार्थिनी दिव्यांग होती,पहले ७००-७०० रुपये व यानंतर ५००-५०० रुपयांची लाच घेतली असल्याचा आरोप केला.ज्या विभाग प्रमुखांना आधीच लाखो रुपयांचा पगार आहे,ते गरीब विद्यार्थ्यांकडूनही लाच घेतात,याहून दूसरी शरमेची बाब नाही,अशी खंत डॉ.जेसवानी यांनी व्यक्त केली.मनोज पांडे यांच्या या छळवणूकीच्या विरोधात माझ्या विद्यार्थिंनींनी विद्यापीठासमोर आंदोलन केले,याचा राग धरत कल्पना पांडे या माझ्या व्हीएमव्ही महाविद्यालयात आल्या व मी वर्ग घेत असताना देखील कक्षात येऊन मला बाहेर चलण्यास दरडावू लागल्या.मी त्यांना वर्ग संपल्यानंतर येते असे सांगितले असता,माझे  दोन्ही हात धरुन मला बाहेर ओढले.मला धक्काबुक्की केली.माझ्या विद्यार्थ्यांना त्यांनी सांगितले की,ही बाई नालायक आहे!माझ्यासोबत बसून पुस्तके लिहली,ही आज जी काही आहे ती माझ्यामुळे,असे शब्द कल्पना पांडे यांनी वापरले.मी कल्पना पांडेंसोबत वाजिण्य भाग-१ आणि भाग-२ चे तसेच विज्ञान विषयाचे पुस्तक संयुक्तरित्या लिहले मात्र,मी कल्पना पांडे यांच्या कितीतरी आधीपासून अध्यापनाचे कार्य करीत असल्याचे जेसवानी यांनी सांगितले.