माझी उमेदवारी ‘निरंकुश’निर्णया विरोधात:अनिल सोले

निर्णय प्रक्रिया खालून वर व्हायला पाहिजे,वरुन खाली नाही!त्यामुळेच वरुन उमेदवारी घोषित होईल व कार्यकर्ते गपगुमान ते मान्य करतील,हे कार्यकर्त्यांनाच मान्य नव्हतं.म्हणून पदवीधरची निवडणूक लढणार असल्याचा निर्णय आम्ही सहा महिन्यांपूर्वीच घेतला असल्याचे ते म्हणाले.

दुसरा महत्वाचा मुद्दा म्हणजे पदवीधर असो किंवा शिक्षण क्षेत्र,पदवीधरचा आमदार असताना मी भरपूर काम केले आहे.ही निवडणूक इतर निवडणूकीसारखी नाही.या निवडणूकीतील मतदार म्हणजे विविध संघटनेचा पदवीधर मतदार असतो.जे त्यांच्या विकासाकरिता काम करतात,विद्यार्थ्यांसाठी काम करतात,प्राथमिक,माध्यमिक शिक्षण क्षेत्रात काम करतात,एनसीबीसी असेल,तांत्रिक शिक्षण असेल,कौशल्य विकास असेल किंवा इतर कोणतेही उच्च शिक्षण असेल,संशोधन क्षेत्र असेल,या सर्व क्षेत्रात काम करणा-यांसोबत माझे जवळीकीचे संबंध असल्याचे सोले यांनी सांगितले.

त्या सगळ्यांचा आग्रह होता मी पदवीधर निवडणूक पुन्हा एकदा लढवावी,त्यामुळे मी हा निर्णय घेतला. विधान परिषदेचा सदस्य असताना मी माझ्या सहा वर्षांच्या कारकीर्दीत बेरोजगारांसाठी काम केलं.अंशकालीन पदवीधरांचे प्रश्‍न सभागृहात मांडले.डीएमएलटी करिता काऊंसिल निर्माण केली.पती-पत्नी एकत्रिकरण नोकरीच्या संदर्भात जिल्हा परिषद पातळीवर कसोशिने प्रयत्न करुन तो निर्णय करुन घेतला.तांत्रिक शिक्षणामध्ये ग्रामीॅण भागातील विद्यार्थी देखील सक्षम झाला पाहिजे यासाठी अनेक शाळांमध्ये संगणक शिक्षणाची सुरवात केली.ग्रंथालय सक्षम केलेत.सहकार क्षेत्रामध्ये अनेक ठिकाणी अडचणी निर्माण झाल्या त्या क्रेडित कॉ.सोसायटी असो किंवा अर्बन काॅपरेटीव सोसायटी असो,बँक असो तिथेही काम केलं.शिक्षण क्षेत्रामध्ये अगदी सर्वपल्ली डॉ.राधाकृष्णन समितीपासून तर २०२० मध्ये पंतप्रधान मोदी यांच्या ‘नॅशनल एज्यूकेशन पॉलिसी’पर्यत सर्व उपक्रमांमध्ये अभ्यासपूर्ण सहभाग घेतला.माझा या क्षेत्राशी जीवाभावाचा संबंध असल्यानेच कार्यकर्त्यांनी पदवीधरची निवडणूक लढण्याचा आग्रह धरला.त्यांच्या आग्रहामुळेच मी उमेदवारी अर्ज दाखल केला.

मला विश्‍वास  आहे नागपूर जिल्ह्यातील सुज्ञ पदवीधर मतदार.ज्येष्ठ,श्रेष्ठ शिक्षक,मार्गदर्शक,शिक्षणावर विश्‍वास असलेले प्राध्यापक,विभिन्न आयटी क्षेत्रात काम करणारे मतदार,विविध प्रतिष्ठांनामध्ये काम करणारे कर्मचारी मतदार,अर्बन असो किंवा राष्ट्रीयकृत बँकमधील पदवीधर मतदार,विविध शासकीय संस्थांपासून मॉईलमध्ये कार्यरत अधिकारी,कर्मचारी,वकील वर्ग,वैद्यकीय डॉक्टर्स,अभियंते,कंत्राटदार तसेच पत्रकार हे देखील माझ्या पाठीशी राहील,असा विश्‍वास त्यांनी व्यक्त केला.

ही निवडणूक बटण दाबण्याची नसून ‘१’लिहण्याची आहे.पसंदीक्रम देण्याची निवडणूक आहे.माझा विश्‍वास आहे आमच्या कार्यकर्त्यांची प्रेरणा,सहकार्य,परिश्रम व ज्येष्ठांचा आर्शिवाद,सुज्ञ मतदारांनी दिलेला कौल हा २३ ऑक्टोबर मतदानाच्या दिवशी निश्‍चितपणे माझ्याच बाजूने राहील,असा विश्‍वास त्यांनी व्यक्त केला.

याप्रसंगी बोलताना,माजी आमदार गिरीश व्यास म्हणाले की,सोले यांची उमेदवारी ही बंडखोरी नाही.या निवडणूकीत कोणताही पक्ष लढत नसतो,पक्ष चिन्ह नसतं,बॅनर नसतं,उमेदवारा समोर पक्ष चिन्ह नसतं तर फक्त त्यांची नावे आणि पसंदी क्रमांक असतात.त्यामुळे याला पक्षासोबत बंडखोरी म्हणता येत नाही.आधीच्या २०२० च्या निवडणूकीत संदीप जोशी यांना उमेदवारी घोषित झाली त्यावेळी आम्ही शांतपणे पक्षाचा निर्णय स्वीकारला.सगळ्यांनी मिळून काम केलं मात्र,त्या निवडणूकीत पक्षाच्या उमेदवाराचा पराभव झाला.यंदा पुन्हा निवडणूक जाहीर होण्या पूर्वी अनिल सोले यांनी पक्षातील शीर्षस्थ नेत्यांना ते ही निवडणूक लढणार असल्याचे सांगितले होते.मी हा मतदारसंघ शंभर टक्के पुन्हा भाजपकडे ओढून आणेल,माझ्या नावाचा निश्‍चित विचार करा,त्यांनी फार पूर्वी पासून सर्व जिल्ह्यात प्रचाराची तयारी ही पूर्ण केली.तरीही पक्षाने त्यांना उमेदवारी दिली नाही.त्यामुळे सोले यांनी ही निवडणूक लढण्याचा निर्धार कयम ठेवला.

आम्ही सर्व जण त्यांच्या विजयासाठी प्रयत्न करणार असल्याचे गिरीश व्यास यांनी सांगितले.ही निवडणूक छोटी निवडणूक नाही,प्रचाराची निवडणूक ही नाही तर मतदारांच्या संपर्कात राहण्याची निवडणूक आहे.ही निवडणूक सहा जिल्ह्यांची निवडणूक आहे.गडचिरोलीपासून तर उमरेडपर्यंतच्या अवघ्या १२ दिवसात पदवीधर मतदारांशी संपर्क साधायचा आहे.ही निवडणूक आपण जिंकण्यासाठी लढत आहोत,हरण्यासाठी नाही,असे आवाहन व्यास यांनी कार्यकर्त्यांना केले.