‘ओबीसी‘असल्यामुळे कुलगुरु डॉ.सुभाष चौधरींचे निलंबन:प्रवीण राऊत

डॉ.कल्पना पांडे यांनी निलंबित कुलगुरु डॉ.सुभाष चौधरी यांची बाजू मांडण्यासाठी पत्रकार परिषद घेतली असता,पाच वर्षांपूर्वीची जुनी प्रकरणे उकरुन काढून त्यांच्या विरोधात पत्रकार परिषद घेतली जात आहे,असा आरोप राऊत यांनी केला.यावर,प्रकरण कितीही जुने असले तरी अन्याय झाल्याची भावना लक्षात घेऊन न्याय मागता येत नाही का?असा सवाल केला असता,हे कोणी करवलं सर्वांना माहिती असल्याचे उत्तर त्यांनी दिले.या मागे आर्थिक,राजकीय आणि अति-राजकीय हेतू असल्याचे राऊत सांगतात.अति-राजकीय म्हणजे ‘जातीवादाचे’ राजकारण होय,असे ते म्हणाले.

याप्रसंगी बोलताना,कुलदीप साेनकुसरे म्हणाले,की विद्यापीठात ९२ जाग रिक्त आहेत,अद्याप भर्ती झाली नाही.ज्यांची भर्ती झाली त्यांच्यात पदाला अपेक्षीत असणारी गुणवत्ता आहे का?भर्ती प्रक्रियेत मोठे अर्थकारण दडले असल्याचा आरोप त्यांनी केला.भाजपने विद्यापीठाच्या मोकळ्या मैदानावर राजकीय कार्यक्रम घेतला.असाच युवा संकल्प घेण्याची परवानगी विद्यापीठ प्रशासन काँग्रेस,राष्ट्रवादी काँग्रेस किवा इतर राजकीय पक्षांना देईल का?रातुम विद्यापीठाच्या गौरवशाली इतिहासात ६ विभागप्रमुख बलात्काराच्या अारोपामध्ये निलंबित झाले आहेत!नोकरीवरुन न काढता अनेकांचे पगार घरी बसल्या सुरु आहे.याचा अर्थ अध्यापनाचे काम न करताही त्यांना विद्यापीठ पोसत आहे,हा कोणाचा पैसा आहे?यावर का नाही आवाज उचलत?असा सवाल त्यांनी केला.

अन्यायग्रस्त आदिवासी संस्थेचे नेते संजय हेडाऊ यांनी बहूजनांवर अन्याय आम्ही सहन करणार नसल्याचा इशारा दिला.खैरे कुणबी समाजाचे संघटक डॉ.प्रदीप महाजन यांनी राजकारणासारखा दूसरा चांगला बिजनेस नसल्याची कोटी केली.व्यक्ती महत्वाचा नसून राजकारण महत्वाचे असल्याचे ते म्हणाले.खासगी कंपन्यांसाठी नागपूर विद्यापीठात राजकारण रंगले असून विद्यार्थ्यांचे प्रश्‍न कुठे आहेत?संपूर्ण खापर डॉ.चौधरींवर फोडण्यात आले असून, विद्यापीठाच्या संदर्भात त्यांनी एकट्याने निर्णय घेतले होते का?असा प्रश्‍न त्यांनी केला.काही लोकं काही कुळांपर्यंतच विद्या सीमित ठेवण्याचा प्रयत्न करीत असल्याचा आरोप त्यांनी केला.डॉ.धोबे हे कोणाच्याही कुबड्या न घेता मेरिटवर नियुक्त झाले आहेत.कुलगुरुंना चार पदे भरण्याची मुभा असते,प्र-कुलगुरु पदांवर आपली माणसे भरण्यासाठी डॉ.चौधरींचे निलंबन करण्यात आले,असा आरोप त्यांनी केला.ओबीसी महिला अध्यक्ष सुषमा भड यांनी यंत्रणेने विद्यार्थ्यांचे हित लक्षात घेऊन पारदर्शक चौकशी करावी,अशी मागणी त्यांनी केली.

कुलगुरु ओबीसी असल्यामुळे त्यांच्यावर अन्याय करण्यात आला असा आरोप करुन आ.दटके यांच्याविरुद्ध  अनेक आरोप करीत आहात मात्र,आ.दटके हे देखील ओबीसी नेते आहेत,सर्वण नाहीत,याकडे लक्ष वेधले असता आम्ही राष्ट्रसंत तुकडोजी महाराजांचे भक्त असून विद्यापीठ  एखाद्या राजकीय पक्षाची मक्तेदारी नाही,असे उत्तर त्यांनी दिले.जो कमजोर वर्गाचा आहे त्याला आपण आधार दिला पाहीजे,याचा संविधानात उल्लेख आहे,असे ते म्हणाले.यावर,कमजोर वर्गाचे असले आणि ते भ्रष्ट असले तरीही आधार देणार का?असा प्रश्‍न केला असता,युवा संघटनेचे कुलदीप साेनकुसरे यांनी अतिशय गंभीर बाबी आमच्या समोर अाणल्या आहेत,विद्यापीठासारख्या संस्थेत बलात्काराच्या घटना घडतात,याची देखील चौकशीची मागणी आम्ही करु,याचा मागोवा संवैधानिक प्रक्रियेतून मानवीय दृष्टिकोणातून घेऊ,असे उत्तर देऊन मूळ प्रश्‍नाला त्यांनी बगल दिली.

डॉ.कल्पना पांडे यांच्यावर भ्रष्टाचार व लिफाफा संस्कृती रुजवण्याचे अतिशय गंभीर आरोप करण्यात आले आहे,याकडे कसे बघता?असा प्रश्‍न केला असता,ज्यांनी हे आरोप पत्रकार परिषद घेऊन केले त्यांनी कल्पना पांडे यांच्या पत्रकार परिषदेच्या आधी केले असते तर विश्‍वासहर्ता प्राप्त झाली असती ,असे ते म्हणाले.आमच्याकडे बिल्डरपासून अनेकांच्या विरोधात तक्रारी येतात,आम्ही त्याचा पाठपुरावा करतो.दूर्देवाने आम्ही अश्‍या शहरात राहतो ज्या शहरात न्यायमूर्ती लोया यांचा संशयित मृत्यू होतो त्याची बातमी अगदी लहानशी छापून येते.जेव्हा गारपिट येते ती कोणताही भेदभाव करत नाही.ज्या प्राध्यापिकांनी कल्पना पांडे यांच्या विरोधात तक्रार केली, त्या पुराव्यांची प्रत आम्हाला ही द्यावी,आम्ही देखील त्यात सहभागी होऊ,असे ते म्हणाले.