पत्रकाराची ‘नेकी कर दरिया मे डाल…’

नागपूर,ता.१० जुलै २०२४: नागपूरातील एका  महिला पत्रकाराने भारती हाऊसिंग एजन्सीकडून(रजि.न.एन.जी.पी/६३८२/ईई/९९-२०००) २०१४ मध्ये न्यू स्वराज नगर,बेसा पिपळा रोड येथे ७८७ चौ.फूटांचा प्लॉट साढे पाच लाख रुपयांमध्ये घेतला.या हाऊसिंग सोसायटीचे मूळ मालक हे पुरुषोत्तम खराबे व दिपक मुंगले हे आहेत.या महिला पत्रकाराच्या पतीने प्लॉटसंबंधित संपूर्ण व्यवहार पुरुषोत्तम खराबे यांच्यासोबत केला.फक्त रजिस्ट्रीच्या वेळी दिपक मुंगले हे हजर होते.या दोघा भागीदारांनी त्याच वेळी या पत्रकाराकडून अडीच-अडीच लाख रुपये घेतले.हा प्लॉटचा व्यवहार झाला त्यावेळी या भागात संपूर्ण जंगल होतं.कोबरा सांपांची दहशत होती तसेच अनेक लोक कोबराच्या दंशाने मरण पावले होते.मात्र,कोणत्याही सामान्य मध्यमवर्गीय कुटूंबियांना शहरात कुठे का असो ना,स्वत:चे हक्काचे राहाते घर असावे,ही भावना असणे स्वाभाविक आहे.

श्रेया स्नेहदिप भोंगाडे या महिला पत्रकाराने देखील स्वत:च्या हक्काच्या घराचे स्वप्न असेच मनात बाळगले होते.यासाठी पती स्नेहदिप(सनी)भोंगाडे यांच्यासोबत पै-पै जोडून हा प्लॉट तिने खरेदी केला.मात्र,त्यांच्या दूर्देवाचे फेरे येथूनच सुरु झाले.बेसा ग्राम पंचायतीने नेमके भोंगाडे दाम्पत्याने खरेदी केलेल्या प्लॉटवरच सार्वजनिक टाकीचे बांधकाम सुरु केले!भोंगाडे दाम्पत्याने यावर आक्षेप घेत, ले-आऊट मालक तसेच जलप्रदाय विभागाच्या विरोधात कायदेशीर प्रक्रिया करण्याचे ठरविले.परंतु,सरपंच तसेच ले-आऊट मालकाने या भागात पाण्याच्या भीषण समस्येकडे भोंगाडे यांचे लक्ष वेधले.५०० फूट खोदून देखील बाेरवेलला पाणी लागत नव्हते.परिणामी,संपूर्ण बेसा परिसरात पाणी पुरवठा करण्यासाठी या टाकीचे निर्माणकार्य होणे अत्यंत गरजेचे असल्याची विनंती भोंगाडे दाम्पत्याला त्यांनी केली.

इतकंच नव्हे तर भारती हाऊसिंग एजन्सीचे मालक यांनी भोंगाडे यांना आश्‍वस्त केले की रजिस्ट्री झालेल्या प्लॉट क्र.६५ वर पाण्याची टाकी निर्माण होत असल्याने, त्या समोरच त्यांचा आणखी एक प्लॉट असून त्या प्लॉट क्र..६६ ची रजिस्ट्री त्यांच्या नावे करुन देतो.एवढंच नव्हे तर रजिस्ट्री झालेला प्लॉट क्र.६५ हा ७८७ चौ.फू.आहे तर प्लॉट क्र.६६ हा ९६० चौ.फूट असून ही वाढीव जागा देखील अतिरिक्त पैसे दिल्यास भोंगाडे यांच्या नावाने करुन देण्यात येईल.

पिण्याच्या पाण्याचा भीषण प्रश्‍न असल्याने व भोंगाडे कुटूंबियांना देखील याच ठिकाणी वास्तव्य करावयाचे असल्याने त्यांनी बिल्डरच्या या प्रस्तावाचा स्वीकार केला.बिल्डरने भोंगाडे दाम्पत्याकडून वाढीव जागेचे अडीच लाख रुपये अतिरिक्त घेऊन या संपूर्ण ९६० चौ.फूटांच्या प्लॉटचे ताबापत्र तसेच एनओसी बनवून दिली.२६ ऑक्टोबर २०१५ रोजी हे ताबापत्र बनवून देण्यात आले.त्यात ४ लाख ५० हजार रुपयात प्लॉट क्र.६६ श्रेया भोंगाडे यांना विक्री केल्याचे नमूद आहे.

यानंतर भोंगाडे दाम्पत्यांनी कुवतीप्रमाणे या प्लॉटवर लहानसे घर उभारले.मात्र,त्यांनी संपूर्ण ९६० चौ.फूटांवर संरक्षण भिंत बांधली नाही तर काही जागा भविष्याचा विचार करुन दोन बाजूंनी मोकळी सोडली व १२ बाय ४० फूटात बांधकाम केले.भोंगाडे यांच्या शेजारचा प्लॉट एकनाथ रानडे यांनी २५ वर्षांपासून घेऊन ठेवला होता,रानडे हे त्यांच्या राहत्या घरापासून त्यांचा प्लॉट ४-५ किलोमीटरवर असतानाही वर्षानुवर्ष प्लॉवर येऊन बघत नसे.मात्र,माझे घर बांधल्यानंतर रानडे यांनी आरोप केला.माझ्या घराचे मोजमाप मागून बरोबर आहे पण,पुढील भागात मी दोन फूट जागा त्यांची घेतली,असा आरोप त्यांनी केला.वास्तवतेत रानडे यांनीच आता त्यांच्या शेजारील प्लॉट मधून दोन फूट जागा दुस-याची घेतली आहे! बिल्डर पुरुषोत्तम खराबे यांनी १३ बाय ४० चौ.फू.प्लॉट मला लिहून दिले असताना तसेच या प्लॉटवर बांधकाम होत असताना स्वत: ते हजर होते.रानडे आणि भोंगाडे यांना प्लॉट विकणारा एकच व्यक्ती आहे तरी देखील रानडे यांनी खोटी तक्रार भोंगाडे यांच्याविरोधात दाखल केली.सुनावणीच्या वेळी कोर्टमध्ये एकनाथ रानडे यांनी कबूल केले की मी भोंगाडे यांना कधीच भेटलो नाही,पहील्यांदा कोर्टमध्येच भेटलो,मग मी जीवे मारण्याची धमकी कधी दिली?आज त्याच केसच्या तारखेवर मला जावे लागत आहे.रानडे यांच्या घराचा खसरा क्र.१५७/२ असून भोंगाडे यांच्या घराचा खसरा क्र.१५७/३ आहे.मालमत्तेची मोजमाप हे कधीही कोप-याकडून होते.मात्र,सगळे माझ्या प्लॉटकडून मोजमाप करतात,असे भोंगाडे सांगतात.

(छायाचित्र : हीच ती प्लॉट क्र.६५ वरील पाण्याची टाकी.रस्त्याच्या त्या बाजूला प्लॉट क्र.६६ वर भोंगाडे दाम्पत्यानी बांधलेले घर)

महत्वाचे म्हणजे रानडे यांच्या जवळील ले-आऊट नकाशामध्ये भोंगाडे यांच्या जागेवर प्लॉट नसल्याने, भोंगाडे यांनी ही जागा अतिक्रमण करुन ताब्यात घेतली असल्याचा आरोप रानडे यांनी केला.भोंगाडे यांनी रानडे यांना स्वत:जवळील नकाशा दाखवला तसेच रजिस्टर नकाशा,ग्राम पंचायत,भू-मापन,सिटी सर्व्हेचा शिक्का या सर्व बाबी दाखवून सुटलेल्या सर्व जागेचा अधिकार सोसायटीचा असतो,सोसायटीने तो मला विकला असल्याचे सांगितले.ताबा पत्र ही दाखवले.मात्र,रानडे यांनी आपला दावा कायम ठेवला व भोंगाडे यांच्या प्लॉटला घेऊन दररोजची भांडणे होऊ लागली.हा वाद हुडकेश्‍वर पोलिस ठाण्यातही पोहोचला.रानडे यांनी सनी भोंगाडे यांच्या विराेधात जीवानिशी मारण्याची धमकी दिल्याची खोटी तक्रार केली.रानडे यांनी ले-आऊट मालका ऐवजी भोंगाडे यांच्या विरोधात प्लॉट संबधीची केस ठोकली.२०१९ पासून सनी भोंगाडे हे आपल्याच हक्काच्या घरात राहण्यासाठी कोर्टाच्या तारखेवर हजर होत असतात!