Justice is Due…..

नागपूर,दि.११ डिसेंबर २०२४: बेंगलुरुच्या कंपनीत सॉफ्टवेअर इंजिनिअर असलेला ३४ वर्षीय अतुल सुभाषने आत्महत्या करण्यापूर्वी जौनपूरच्या कौटूंबिक न्यायालयाच्या न्यायमूर्ती रिता कौशिक यांच्यावर गंभीर आरोप करीत,सेटलमेंट करण्यासाठी पाच लाख रुपयांची मागणी करण्यात आली असल्याचे व्हिडीयोमध्ये सांगितले!तुझ्याकडे तीन कोटी रुपये असतील म्हणूनच तुझ्या पत्नीने इतक्या कोटींची मागणी केली असेल,असे न्यायमूर्ती म्हणाल्या.हे ऐकून अतूल याला मानसिक धक्का बसला.पाच लाख रुपये दिल्यास मी तुझी केस सेटल करुन देते अन्यथा तुला व तुझ्या कुटुंबियांना आयुष्यभर कोर्टाच्या चकरा माराव्या लागतील,असा दम दिला.या न्यायमूर्ती फक्त भ्रष्टच नव्हे तर दृष्ट देखील असल्याचा आरोप मृतक अतुल याने केला.अतुलने मृत्यू पूर्वी सर्वाधिक वेळ न्यायव्यवस्थेतील भ्रष्ट कारभारावर संभाषण केले,त्यामुळे अतुलच्या मृत्यूला पत्नी निकीताचा लोभ व स्वार्थापेक्षाही न्यायव्यवस्थेतील भ्रष्टाचार कारणीभूत असल्याचे बोल लावले जात आहे.

I

(छायाचित्र : पत्नी निकीता सिंघानिया)

आज,देशातील संपूर्ण  माध्यमे तसेच सोशल मिडीयावर अतुल सुभाष याचा ८१ मिनिटांचा मृत्यू पूर्वीचा व्हीडीयो व २४ पानी लिखित तक्रारींचीच चर्चा आहे.अतुलच्या अश्‍या जाण्यामुळे देशातील नागरिक स्तब्ध झाले आहेत!कलम ४९८(अ)च्या दुरुपयोगाची देखील चर्चा पुन्हा एकदा सुरु झाली.महिलांना कौटूंबिक हिंसेपासून संरक्षण देण्यासाठी असणा-या या कलमाचा कश्‍याप्रकारे फक्त सूड भावनेतून दुरुपयोग होत आहे,यावर देशातील अनेक न्यायालयांनी तसेच सर्वोच्च न्यायालयाने देखील अनेक खटल्यांच्या वेळी,वेळोवेळी कडक शब्दात ताशेरे ओढले आहे.२०१९ मध्ये एका विवाह संबंधित संस्थेच्या माध्यमातून अतुल याने निकीतासोबत विवाह केला.एका वर्षाने त्यांना मुलगा झाला मात्र,यानंतर अतुलची पत्नी निकीता सिंघानिया व सासरच्या मंडळींनी अतुलला पैशांसाठी त्रास देण्यास सुरवात केली,असा आरोप अतुलने केला आहे.लग्नाच्या दोनच वर्षात पत्नी जौनपूरला निघून गेली.तिने अतुल व त्याचे आई-वडील व भाऊ यांच्या विरोधात कौटूंबिक हिंसा,यौन उत्पीडन,हूंड्याची मागणी,जीवे मारण्याचा प्रयत्न इत्यादीसह अनेक गंभीर आरोप करीत गुन्हे दाखल केले.

अतुलला १२० वेळा कौटूंबिक न्यायालयाच्या तारखा पडल्या. ४० वेळा तो स्वत: बंगलुरुतून येऊन जौनपूरच्या न्यायालयात हजर झाला.त्याला फक्त २३ सुट्या वर्षातून मिळत होत्या.तो या सर्व कायदेशीर व कौटूंबिक उत्पीडनातून थकून गेला होता.निकिता सिंघानियाने ६ गुन्हे खालच्या न्यायालय तर ३ हायकोर्टात दाखल केले होते.निकीताने अतुल,त्याचा भाऊ व आई-वडीलांवर हत्या,हत्येचा प्रयत्न,अनैसर्गिक लैंगिक शोषण,कौटूंबिक हिंसाचार,हूंडा मागणे यासारखे अनेक गंभीर गुन्हे नोंदवले होते.

(छायाचित्र : कुटूंबियांसोबतचा एक सुखद क्षण)

अतुलने न्यायमूर्तीला उद्वीग्न होऊन,निकीता त्याला आत्महत्येसाठी प्रवृत्त करीत असल्याचे सांगितले.यावर न्यायमूर्ती हसल्या व तू हे प्रकरण तडजोड करुन का सोडवित नाही?अशी विचारणा केली.सुरवातीला न्यायमूर्तीनी पत्नी व मुलाची पोटगी ८० हजार रुपये देण्याचा आदेश काढला.यानंतर पत्नीने १ कोटीची मागणी केली.हे ही नसे थोडके तर ३ कोटींची मागणी रेटून धरण्यात आली.यावर आक्षेप घेतला असता न्यायमूर्तींनी,तुझ्याकडे तेवढे पैसे असतील म्हणूनच तुझी पत्नी एवढ्या पैश्‍यांची मागणी करीत आहे,असे विधान केले.असे खटले असेच चालत राहतात,असे त्या म्हणाल्या.मला पाच लाख दिल्यास मी तुमच्यात तडजोड घडवून आणते,अन्यथा तू आणि तुझे कुटंूबिय आयुष्यभर कोर्टाच्या चकरा मारत राहतील,न्यायमूर्ती रिता कौशिक यांचे हे शब्द अतुलला अगदी आतून तोडून गेलेत अन्…!

अतुलचा हा व्हिडीयो आज संपूर्ण वृत्त वाहिन्यांनी दाखवला,सोशल मिडीयावर यावर गंभीर चर्चा झडली.ज्या न्यायव्यवस्थेकडून न्यायाची अपेक्षा होती,त्यानेच अतुलचा घात केला,असा