कुकरेजाचे सात मजले सोडून इतर सर्व मजले अवैध!

माहिती अधिकार कार्यकर्ते टी.एच.नायडू यांचा दावा

(छायाचित्र:कोणत्याही कायद्यान्वये सैन्य दलाशी संबधित आस्थापनेचा निर्णय घेण्याचे मनपा आयुक्ताला अधिकार दिले नाही)

मी सुरवातीपासून कुकरेजा यांच्या अवैध इमारतीच्या विरुद्ध लढा देत आहे.कामठी छावणीला याविषयी सविस्तर पत्र व्यवहार केला.२० नोव्हेंबर २०२३ रोजी मला कामठी छावणीतून रितसरपत्र आले की माहिती हवी असेल तर पैसे भरा.नायडू यांनी २०० रुपये भरुन माहिती मागवली की कुकरेजा यांच्या कुकरेजा इन्फिनीटी या २८ मजली अवैध इमारतीविषयी कामठी छावणीने काय कारवाई केली?यावर कामठी छावणीच्या अधिका-याच्या सहीनिशी, नायडू यांना टेकडी छावणीच्या माहिती अधिका-याकडून संबंधित माहिती घेण्याची सूचना करणारे उत्तर मिळाले.नायडू यांनी अनेकदा टेकडी गणपती येथील छावणीत जाऊन या अधिका-याला भेटण्याचा प्रयत्न केला,त्यांचा संपर्क क्रमांक मिळवून अनेकदा संपर्क करण्याचा प्रयत्न केला मात्र,एवढ्या गंभीर विषयाला बगल देऊन, टेकडी गणपती छावणीच्या माहिती अधिका-याने मला भेटण्याची किवा माहिती देण्याची कोणतीही तसदी घेतली नसल्याचे नायडू यांनी सांगितले.या मागे सत्ताधा-यांचा दबाब असून शकतो किवा आर्थिक लाभाचे कारण असू शकतं,अशी शंका ते व्यक्त करतात.यानंतर नायडू यांनी कुकरेजा यांच्या या अवैध इमारतीविषयीची माहिती मुंबईच्या मुख्य छावणीतून मागवली मात्र,अद्याप त्यांना कोणतीही माहिती मिळाली नाही.