काही लोकांना कायदे जास्त ‘समान’

(छायाचित्र : ऑडीच्या नंबरप्लेट्स.पुढील नंबरप्लेट निघाली हे समजू शकतं मात्र मागची देखील नंबर प्लेट काढून ठेवण्या मागे काय हेतू आहे?असा प्रश्‍न उपस्थित करण्यात आला आहे)

दूर्घटनाग्रस्त ऑडी मानकापूरवरुन टो करुन सीताबर्डी ठाण्यात आणण्यात आली.दोन्ही आरोपींचे रक्ताचे नमुने रुग्णालयात पाठवण्यात आले.पुण्याच्या ससूनमध्ये रक्ताच्या नमुनामध्ये लाखो रुपये घेऊन जी लपवाछपवी झाली व ज्यात डॉक्टर्सपासून तर पॅथोलॉजी लॅबचा कर्मचारी ज्या प्रकारे आरोपी निघाले ते बघता,नागपूरातील ऑडी दूर्घटनेतही कोणता वेगळा निकाल निघेल,याबाबत आशा बाळगणे मूर्खपणाचे ठरेल.तिथे तर उन्मादी फार मोठ्या व्यवसायिकाचा मूलगा होता येथे तर अतिशय ताकतवर नेत्याच्या मूलावर संशयाची सुई रोखल्या गेली आहे,परिणामी भ्रष्ट आणि कुचकामी यंत्रणा ही सामान्यांवर तर शिरजोर होऊ शकते मात्र,राजकीय नेत्यांच्या लाडावलेल्या बाळांवर नाही कारण कायदा हा त्यांच्यासाठी जास्त ‘समान’ असतो,भारतात तर ही मानसिकता जणू संवैधानिक अधिकारासारखी खोलवर रुजलेली आढळते.परिणामी,रामझुल्यावर दोन मद्यधुंध महिला दोन निष्पाप तरुणांना सहज आपल्या कारने उडवून देतात,भोवाल नावाचा तपास पोलिस अधिकारी आरोपीला नव-याच्या कारमध्ये सहज घटनास्थळावरुन पळून लावतो,दबाव वाढल्यावर दुस-या दिवशी दूपारी आरोपी महिलांच्या रक्ताची तपासणी होते,पोलिसांच्या या कर्तव्यदक्षतेवर म्हणूनच न्यायालयाला ताशेरे ओढत,हा तपास सीआयडीकडे द्यावा लागतो!यावरुन नागपूरातील पोलिसांची तत्परता व कर्तव्यदक्षता लक्षात येते.नागपूरात तर दिवसाला तीन अपघाती मृत्यू होत असल्याचा धक्कादाय अहवाल प्रसिद्ध झाला आहे!याचा अर्थ तीन कुटूंबिय दररोज आपल्या आप्त-स्वकीयांना अपघातात कायमचे गमवत आहेत,२४ ऑगस्ट रोजी तर पोलिस उपनिरीक्षक दीपक ज्योतीराम चोरपगार रा.मानकापूर यांचा अपघाती मृत्यू मानकापूर उड्डाणपूलावर झाला.अज्ञात कारने त्यांना धडक देत पळ काढला होता.