देशातील करोनाच्या रुग्णांची संख्या ९३५वर

केंद्रीय आरोग्य मंत्रालयाचे सहसचिव लव अग्रवाल यांनी करोना संदर्भातील घडामोडींची आज माहिती दिली. केंद्र सरकारने राज्यांच्या मदतीने ज्या ठिकाणी करोनाचे अधिक रुग्ण आहेत त्या भागांमध्ये लक्ष केंद्रीय केलं आहे. करोनाचा फैलाव होऊ नये यासाठी आवश्यक त्या सर्व उपाययोजना केल्या जात आहे. करोनाचा प्रादुर्भाव समाजात होऊ याची पूरेपूर काळजी घेतली जात आहे, अशी माहिती अग्रवाल यांनी दिली.

प्रत्येक राज्यांत करोना रुग्णांसाठी स्वतंत्र हॉस्पिटल बनवण्यात येणार आहे. १७ राज्यांनी या दृष्टीने तयारी सुरू केली आहे. यामुद्द्यावर आम्ही सतत राज्यांच्या संपर्कात असून त्यांच्याशी चर्चा करण्यात येत आहे, असं अग्रवाल म्हणाले.