खंड न पडता यंदाही खासदार क्रीडा महोत्सवाचे आयोजन

नागपूर,ता.८ मे २०२६: केंद्रीय मंत्री नितीन गडकरी यांच्या संकल्पनेतून आयोजित, देशातील पहिल्या ठरलेला खासदार क्रीडा महोत्सव दर वर्षी १२ जानेवरी रोजी आयोजित होत असताे मात्र,यंदा जानेवरीत  मनपाच्या निवडणूका असल्याने यात खंड पडला व हा महोत्सव लांबल्या गेला.नागपूर व विदर्भातील अनेक खेळाडूंचे या स्पर्धेकडे लक्ष लागले असलेल्या खेळाडूंची वारंवार या महोत्सवाविषयी विचारणा होती होती,यामुळे यंदा मे महिना उजाडला व चांगलाच तापला असला तरी क्रीडा स्पर्धेत खंड न पडू देण्याचा निर्णय खासदार क्रीडा महोत्सवाचा संजयोक म्हणून मी व माझ्या सहका-यांनी निर्धार केला व या महोत्सवाचे आठवे पर्व आम्ही आयोेजित करण्यास सज्ज झालो असल्याचे आमदार संदीप जोशी यांनी आज पत्रकार परिषदेत सांगितले.

मात्र,दर वर्षीप्रमाणे या महोत्सवाचे स्वरुप व्यापक व भव्य नसून उन्हाचा तडाखा,उन्हाची काहीली बघता तसेच खेळाडूंच्या आरोग्याची काळती घेत मर्यादित स्वरुप ठेवण्यात आले असून यंदा केवळ १८ क्रीडा प्रकार स्पर्धेत ठेवले असल्याची माहिती त्यांनी दिली.आता पर्यंत खासदार क्रीडा महोत्सवात ६५ च्या वर खेळ होत होते तसेच एका-एका खेळाच्या संयोजकावर ४-४ क्रीडा प्रकाराच्या संयोजनाचा भार असायचा मात्र,यंदा आमची १८ जणांची चमू असून प्रत्येकाकडे एकाच खेळाचा भार सोपवण्यिात आला असल्याचे त्यांनी सांगितले.खेळाडूंच्या व स्पर्धेसाठी कार्यरत असणा-यांच्या आरोग्याची काळजी घेत ही स्पर्धा केवळ सकाळी व संध्याकाळी होणार आहे.दूपारी कोणत्याही स्पर्धा आयोजित करण्यात आल्या नाहीत.त्यात ही खेळाडू व इतर सर्वांच्या आरोग्याची काळजी घेत पिण्याच्या पाण्याची व्यवस्था,ग्लूकोज,इलेक्ट्रॉल यासह वैद्यकीय सुविधा उपलब्ध राहणार असल्याचे त्यांनी सांगितले.

उन्हाळी तापमानाविषयी जिल्हाधिकारी यांच्या संपूर्ण सूचनांचे पालन करुन खासदार क्रीडा महोत्सव यंदा देखील पार पडणार असल्याचे आमदार संदीप जोशी यांनी याप्रसंगी सांगितले.दरवर्षी हा महोत्सव नागपूर शहर व जिल्ह्यासह संपूर्ण महाराष्ट्रात मोठ्या उत्साहात पार पडत आला आहे. मात्र यावर्षी नागपुरातील वाढते तापमान लक्षात घेता क्रीडा साखळी खंडित न करता महोत्सवाचे आयोजन करण्याचा निर्णय घेतला असून, यंदा हा महोत्सव फक्त नागपूर शहरातील खेळाडूंकरिता मर्यादित ठेवण्यात आला आहे.