नागपूरकरांसाठी दहाव्या वर्षीही पुन्हा खासदार सांस्कृतिक महोत्सवाची पर्वणी

१७ तारखेला लोकप्रिय गायक व संगीतकार शंकर महादेवन यांची लाईव्‍ह इन कॉन्‍सर्ट होणार आहे. कोट्यवधी स्वयंसेवकांसाठी प्रेरक असलेली आणि त्याच्या मनात राष्ट्रभक्तीचे स्फुल्लिंग चेतवणारी काही निवडक संघ गीते एशंकर महादेवन यांनी नव्याने संगीतबद्ध केली असून ते यावेळी या संघगीतांसोबतच काही देशभक्‍तीपर गीते सादर करतील. समारोपाच्‍या दिवशी १८ तारखेला प्रसिद्ध मराठी संगीतकार जोडी अजय-अतुल यांची लाईव्‍ह इन कॉन्‍सर्ट होईल.

९ तारखेला होणा-या ‘फ्यूजन’ या विविध वाद्यांचा संगम असलेल्‍या कार्यक्रमात आंतरराष्‍ट्रीय ख्‍यातीचे बासरी वादक रोणू मजुमदार, संस्‍कार भारतीचे अखिल भारतीय अध्‍यक्ष व प्रसिद्ध व्‍हायोलिन वादक मंजुनाथ महादेवप्‍पा, प्रसिद्ध तालवादक तौफिक कुरेशी यांच्‍यासह बिक्रम घोष, सितार व संतूरवादक ‘स्‍वीकार’ सुनील कट्टी, मनीष कुळकर्णी, अतुल रनिंगा  व श्रीदर पार्थसारथी यांचा सहभाग राहणार आहे. ११ तारखेला ‘महाराष्ट्राची हास्यजत्रा’ हा अत्यंत लोकप्रिय मराठी विनोदी कार्यक्रम आयोजित करण्‍यात आला असून यात प्राजक्ता माळी, सई ताम्हणकर, प्रसाद ओक, समीर चौगुले, नम्रता संभेराव, गौरव मोरे इत्‍यादी कलाकारांचा सहभाग राहणार आहे.  १५ रोजी अखिल भारतीय हिंदी कविसंमेलन होणार असून त्‍यात हरिओम पंवार, दिनेश बावरा, सुदीप भोला अंकिता सिंह, तेजनारायण शर्मा व अमन अक्षर हे कवी सहभागी होतील.

वंदनीय राष्‍ट्रसंत तुकडोजी महाराजांच्‍या जीवनावर आधारित २००० कलाकारांचा सहभाग असलेला ‘राष्‍ट्रसंतांची जीवनगाथा’ हा दृक श्राव्‍य स्‍वरूपाचा संगीतमय कार्यक्रम १० तारखेला होणार असून १५ तारखेला बालकला अकादमी निर्मित संत ज्ञानेश्‍वरांचा ७५० वा जयंती उत्सवानिमित्‍ताने ‘ज्ञानियांचा राजा’ हा कार्यक्रम सादर केला जाणार आहे. यात नागपुरातील ४०० हून अधिक बालकलाकारांचा यात सहभाग राहील. संस्‍कार भारतीचा ‘मिट्टी के रंग : भारत की लोकसंस्‍कृती की संगीत नृत्‍यमय गाथा’ हा कार्यक्रम १३ नोव्‍हेंबर रोजी सादर होईल.

मागील वर्षी प्रमाणे यंदाही खासदार सांस्‍कृतिक महोत्‍सवात ८ ते १७ नोव्‍हेंबर या कालावधीत दररोज सकाळी ७ ते ८.३० वाजेदरम्‍यान ‘जागर भक्‍तीचा’ या उपक्रम आयोजित करण्‍यात आला आहे. या उपक्रमाची सुरुवात गीता पठणाने होणार असून यात ५वी ते १२वी इयत्तेतील ५०,००० हून अधिक विद्यार्थी एकाच ठिकाणी एकत्र येऊन भगवद्गीतेचा १२वा, १५वा आणि १६वा अध्याय सामूहिकरित्या पठण करतील. हा उपक्रम विद्यार्थ्यांच्या एकाग्रता, शिस्त, आत्मविश्वास आणि मूल्याधारित शिक्षण यांना प्रोत्साहन देणारा ठरणार आहे. यावेळी नितीन गडकरी यांच्‍या हस्‍ते गीता पठण कार्यक्रमाचा लोगोचे अनावरण करण्‍यात आले.

याशिवाय, श्रीराम रक्षा व मारुती स्‍तोत्र पठण, शिवमहिम्‍न पठण, श्री गणपती अथर्वशीर्ष स्‍तोत्र पठण, श्री हरिपाठ पठण, श्री गजानन विजय ग्रंथ २१ वा अध्‍याय पठण, श्री विष्‍णू सहस्‍त्रनाम पठण, हनुमान चालिका व सुंदरकांड पठण, परित्‍तदेशना (महा परित्राण पाठ) आणि श्री पुरूष सुक्‍त श्री सुक्‍त पठण यांचा समावेश राहणार आहे.

कोणत्‍याही अडथळ्याविना या महोत्‍सवाचा आनंद घेण्‍यासाठी क्‍युआर कोडद्वारे मोफत पासेस उपलब्‍ध करून देण्‍यात येणार आहे. जाहिराती, होर्डिंग्‍ज इत्‍यादी प्रसिद्धी साधनांवर असलेला क्‍युआर कोड स्‍कॅन केल्‍याबरोबर www.khasdarmahotsav.com हे संकेतस्‍थळ सुरू होईल व तेथून त्‍या-त्‍या दिवसाची मोफत पास प्राप्‍त करता येतील.

नागपूर-विदर्भाची व मध्‍य भारताची शान असलेल्‍या या खासदार सांस्कृतिक महोत्सवाला नागपूरकरांनी भरभरून प्रतिसाद द्यावा, असे आवाहन खासदार सांस्‍कृतिक महोत्‍सव आयोजन समितीचे अध्‍यक्ष प्रा. अनिल सोले, उपाध्यक्ष डॉ. गौरीशंकर पाराशर, अशोक मानकर, दिलीप जाधव, सचिव जयप्रकाश गुप्‍ता, कोषाध्यक्ष प्रा. राजेश बागडी, सदस्य बाळासाहेब कुलकर्णी, हाजी अब्‍दुल कदीर, सारंग गडकरी, अविनाश घुशे, डॉ. दीपक खिरवडकर, संदीप गवई, संजय गुळकरी, रेणुका देशकर,गुड्डू त्रिवेदी, किशोर पाटील, चेतन कायरकर, आशिष वांदिले, भोलानाथ सहारे, अॅड. नितीन तेलगोटे, मनिषा काशीकर, विजय फडणवीस, महेंद्र राऊत, दिलीप गौर, शैलेश ढोबळे यांनी केले आहे.

(बातमीशी संबंधित व्हिडीयोज Sattadheesh official युट्यूब चॅनलवर उपलब्ध)
…………………..