भन्ते सुरई ससाईंं विरोधात न्यायालयात जाणार!

कायद्यानुसार ज्या ठिकाणी आठ महिला काम करीत असतात त्या खासगी नोकरीच्या ठिकाणीही ‘विशाखा समिती’ असणे बंधनकारक आहे मात्र,एवढ्या नामांकित महाविद्यालयात विशाखा समितीच नाही,प्राध्यापिकेसोबत ही घटना घडल्यानंतर मागील तारखेत विशाखा समिती गठीत करण्यात आली,याकडे लक्ष वेधले असता,या सर्व बाबी घडत असल्यानेच आम्ही व्यथित असल्याचे ते म्हणाले.समिती ही पालक आहे,आम्ही निश्‍चितच वेळ प्रसंग आल्यास कठोर भूमिका घेऊ,असे उत्तर त्यांनी दिले.

एफआयआर दाखल झाल्यानंतर ही न्यायालयात बजाज नगर पाेलिस उपस्थित राहीले नाही किंवा त्यांच्या वतीने केस डायरी देखील सबमिट झाली नाही,बजाज नगर पोलिसांवर कोणाचा दबाव आहे?असा सवाल केला असता ,याचाच आम्ही शोध घेत असल्याचे गवई म्हणाले.समितीच्या आठ सदस्यांनी सह्या केल्या आहेत या अन्यायाच्या विरोधात ,तर स्वत:भन्ते व दोन्ही फूलझले हे आरोपींच्या बाजूने असलेले दिसून पडतात.फूलझले हे सचिव होते आज देखील ते सचिव पदावर आहेत,मीच सचिव पदाचा राजीनामा देण्यासाठी तयार आहे,दीक्षाभूमी परिसरात जी क्रीडा अकादमी होती,त्या अकादमीचा आर्थिक ताळेबंद आम्ही मागितला असता त्यांना ते रुचले नाही व त्यांनी सचिव पदाचा राजीनामा दिला.दीक्षाभूमीसारख्या ठिकाणी पारदर्शिकतेला वाव नसावा का?असा सवाल त्यांनी केला.

या संपूर्ण प्रकरणात निर्झर कुलकर्णी व प्राचार्य दिपा पानहेकर हे आराेपींना पाठीशी घालत असल्याचा आरोप पिडीतेद्वारे केला जात आहे,याविषयी प्रश्‍न केला असता,ही बाब आमच्याही समोर आली असून हे चुकीचे असल्याचे गवई म्हणाले.मात्र,निर्झर कुलकर्णी यांच्याशी माझी भेट होऊ शकली नाही तर भन्ते यांचे बैठकीविषयी पत्र नसल्याने प्राचार्य यांनी आम्ही घेतलेल्या बैठकीस उपस्थित राहण्यास नकार दिला,त्या अद्याप मला समितीचा सचिव मानत नसल्याचे गवई यांनी सांगितले.

भन्ते सुरई ससाई हे पवित्र दीक्षाभूमी स्मारक समितीचे अध्यक्ष तसेच धर्मगुरु आहेत मात्र,त्यांच्या नावाखाली संपूर्ण एकाधिकारशाही माजली आहे.दीक्षाभूमी व महाविद्यालयाची बदनामी समाजात होऊ नये म्हणून गेल्या दोन वर्षांपासून आम्ही सामंजस्याची भूमिका घेतली असल्याचे विलास गजघाटे म्हणाले.भन्ते यांनी एकाधिकारशाहीने समिती सदस्यांचे अधिकार डावलून अनेक आर्थिक व्यवहारांशी निगडीत धनादेशांवर सह्या केल्या आहेत जेव्हा की त्यांना लिहता ,वाचताही येत नाही.इतकंच नव्हे तर आपल्याच आंबेडकरी समाजाच्या २० कर्मचा-यांना कोणतीही कारणे न देता कामावरुन काढण्यात आले.यातील अनेकांची सेवा ही २० ते २२ वर्षांपासून अधिक झाली होती.आपल्याच आंबेडकरी समाजाच्या कर्मचा-यांवर झालेला हा अन्याय आम्हाला मुकाट्याने बघावा लागला.रवि मेंढे यांनी ताबडतोब त्यांना बोलावून ‘कल से यहा आओ मत,भन्ते जी नही बोला’अश्‍या शब्दात त्यांची हकालपट्टी केली!प्राचार्याने रवि मेंढे याचे ऐकून अनेक बहूजन समाजाच्या कर्मचा-यांची देखील कोणतेही कारण न सांगता,कायदेशीर नोटीस न देता हकालपट्टी केल्याचे गजघाटे म्हणाले.

आम्ही दोन वर्षांपूर्वीच रवि मेंढे याच्यावर दीक्षाभूमी परिसरात येण्यास बंदी घातली होती.भन्तेजींनी एका पत्रावर रवि मेंढेला खासगी सचिव,व्यवस्थापक केले जे पत्र बोगस आहे,बेकायदेशीर आहे.आज पवित्र दीक्षाभूमीचा नावलौकिक व नामांकित महाविद्यालयाचे नाव जे लयाला जात आहे त्याला सर्वस्वी वार्धक्यामुळे काहीही वाचू,बोलू न शकणारे भन्ते हेच कारणीभूत असल्याचा जळजळीत आरोप गजघाटे यांनी केला.या पुढे भन्तेजींनी दीक्षाभूमीच्या विकासासाठी व त्याचे पावित्र्य राखण्यासाठी आंबेडकरी समाजाला व आम्हाला साथ दिली नाही तर नाईलाजाने अश्‍या अध्यक्षांना समितीच्या अध्यक्ष पदी ठेवायचे की नाही,यावर निश्‍चितच पाऊले उचलली जाणार असा इशारा त्यांनी दिला.आपल्याच कष्टकरी कर्मचा-यांच्या पोटापाण्यावर ते लाथ घालत आहेत.

पवित्र दीक्षाभूमीवर बाऊंसर ठेवण्याचे काम ते करीत आहेत.मागच्या

गेल्या वर्षी धम्मचक्र प्रवर्तनाच्या दिवशीही वीस बाऊंसर ठेवण्यात आले होते.पवित्र दीक्षाभूमीवर पोलिस यंत्रणा असताना अनुयायांसाठी खासगी बाऊसंर ठेवण्याचे काय औचित्य होते?असा सवाल त्यांनी केला.आज देखील दुपारी १२ वाजता आम्ही दीक्षाभूमीत बैठक घेणार असल्याचे कळताच बाऊंसर बोलावण्यात आले ज्यांनी पत्रकारांना देखील आडकाठी केली.दीक्षाभूमीवर हे काय घडत आहे?असा सवाल त्यांनी केला.

समाजाचा  रोष मात्र,आमच्यावर असतो कारण आम्ही समोर येतो अशी खंत त्यांनी व्यक्त केली.आमच्याकडे भन्ते सुरई ससाई यांच्यावर अविश्‍वासाचा ठराव आणण्याशिवाय कोणताही पर्याय त्यांनी ठेवला नसल्याचे याप्रसंगी गजघाटे म्हणाले.

याप्रसंगी डॉ.प्रदीप आगलावे,पद्मश्री डॉ.चंद्रशेखर मेश्राम,प्रा.डी.जी दाभाडे,एर.आर .सुटे,कमलाताई गवई आदी समितीच्या आठ सदस्यांच्या सह्याचे पत्र त्यांनी माध्यमांना वितरीत केले.

…………………