मुख्यमंत्र्यांच्या शहरात देशभक्त यशश्री शेंडेची आत्महत्या की परिस्थितीजन्य हत्या!

राजनगर येथील राष्ट्रीय अग्निशमन महाविद्यालयात सात हिंदी भाषिक विद्यार्थ्यांनी केली पराकोटीची छळवणूक

नागपूर,ता.२२ मे २०२५: राष्ट्रीय खेळाडू असणारी व देशासाठी काही तरी करण्याचे स्वप्न मनात बाळगून चक्क शासकीय अग्निशमन महाविद्यालयात प्रवेश मिळवणा-या यशश्री शेंडे या विद्यार्थिनीला मात्र, हिंदी भाषिक राज्याचे सात अतिशय भिकार विचारधारेच्या विद्यार्थ्यांच्या छळवणूकीला सामोरे जावे लागले व पराकोटीची देशसेवेची भावना घेऊन या महाविद्यालयात प्रवेश घेणा-या या अतिशय गुणवंत विद्यार्थिनीला, उत्तर प्रदेश,राजस्थान,बिहार या हिंदी भाषिक विद्यार्थ्यांच्या छळवणूकीला कंटाळून व प्राचार्य व पोलिसांच्या निष्क्रियतेने निराश होऊन, मागील महिन्यात ७ एप्रिल २०२५ रोजी आत्महत्येचा मार्ग पत्कारावा लागला.मृत्यू पूर्वी या सात ही विद्यार्थ्यांच्या नावे तिने चिठ्ठी लिहून ठेवली व आपल्या कुटूंबियांची व देशाची माफी मागितली!

मुख्यमंत्र्यांच्या नागपूर शहरात व गृहखाते ज्यांच्या हातात आहे त्यांच्या पोलिस विभागाच्या निष्क्रियतेवर आता संताप व्यक्त केला जात आहे.पोलिसांकडून या सात ही विद्यार्थ्यांच्या विरोधात तक्रार करुन देखील मुख्यमंत्री देवेंद्र फडणवीस यांच्या मतदार संघातील बजाज नगर पोलिस ठाण्यातील पोलिसांनी आरोपींवर कोणतीही कारवाई केली नाही. २०२२ पासून पोलिसांनी एका विद्यार्थिनीची सात परप्रांतीय विद्यार्थ्यांच्या विरोधात इतकी गंभीर तक्रार प्राप्त होऊन देखील तिच्या मृत्यूची वाट पाहिली! यशश्रीच्या आत्महत्येनंतर आता आरोपींविरुद्ध १०८ ची कलम जोडण्यात आली मात्र, अद्यापही त्या सात ही आरोपींना त्यांच्या राज्यात जाऊन अटक करण्यासाठी कोणतीही पावले उचलली नसल्याची धक्कादायक माहिती मृतक यशश्रीची आई सुषमा शेंडे देतात!२०२२ मध्येच पोलिसांनी व महाविद्यालय प्रशासनाने यशश्रीच्या या आत्मसन्मानाच्या लढ्यात कायदेशीर साथ दिली असती, तर कदाचित यशश्री या वर्षी पदवी घेऊन देशसेवेसाठी तत्पर झाली असती,अशी वेदना सुषमा व्यक्त करतात. शासन,प्रशासन व पोलिस विभाग यांच्या निष्क्रिय व असंवेदनशील धोरणामुळे माझ्या अतिशय हूशार व स्वाभिमानी मुलीचा मृत्यू झाला असल्याचा आरोप त्या करतात.

यशश्रीला तिचे कुटूंबिय नेहमी बलात्कार पिडीतांना मिळालेला न्याय याचे दाखले देत,लढण्याची प्रेरणा देत होते मात्र,यशश्रीच्या उज्जवल भविष्यावर घृणित कुठाराघात करणारे एक -दोन नव्हे तर सात बिहारी विद्यार्थी होते जे तिला महाविद्यालयात सातत्याने बलात्कार करण्याची धमकी देत होते,यशश्री ही नेहमी आपल्या कुटूंबियांना ते ‘सात’ जण असल्यामुळे मी अन्यायाच्या या लढ्यात ‘कमजोर’ असल्याचे सांगत राहीली.यावरुन ती मानसिकरित्या किती खचली होती याचा प्रत्यय येतो.महत्वाचे म्हणजे त्या सात विद्यार्थ्यांच्या मानसिक व शारीरिक त्रासाला कंटाळून तिने २०२२ साली तृतीय वर्षात एक वर्षाचा ड्रॉप देखील घेतला होता जेणेकरुन ते विद्यार्थी उत्तीर्ण होऊन महाविद्यालयातून निघून जातील मात्र,दूर्देवाने मुख्य आरोपीने आपले काही पेपर बॅक ठेवले होते.उर्वरित सहा आरोपी विद्यार्थी पदवी प्राप्त करुन परराज्यात शासकीय नोकरीत लागले.परिणामी,अग्निशमन अधिकारी होण्याचे व देशसेवा करण्याचे यशश्रीचे स्वप्न भंगले व ती निराशेच्या खोल गर्तेत सामावली.