महाराष्ट्रात मोदींची लोकप्रियता ‘या ‘कारणाने घटली!

मुख्य निवडणूक आयुक्त शेरोशायरीत मशगुल:पवन खेडा यांची टिका 

नागपूर,ता.२५ जानेवरी २०२५: महाराष्ट्रात लोकसभेच्या निवडणूकीत जनतेने ४८ पैकी ३० जागा महाविकास आघाडीच्या पारड्यात टाकल्या,महायुतीपेक्षा लोकसभेच्या निवडणूकीत आघाडीला मिळालेली मतांची टक्केवारी ही देखील किती तरी अधिक होती मात्र,साढे पाच महिन्यात असा कोणता चमत्कार घडला की, आघाडीची मत टक्केवारी कमी होऊन युतीची १४ टक्क्यांनी वाढली?अवघ्या सहाच महिन्यात ७२ लाख अतिरिक्त मते आली कूठून?पाच वर्षात २०१९ ते २०२४ दरम्यान फक्त ३२ लाख नवे मतदार निवडणूक आयोगाला जोडता आले मात्र, अवघ्या साढे पाच महिन्यात ४८ लाख नवे मतदार जोडण्याचा आयोगाने चमत्कार केला कसा?ही अतिरिक्त ७२ लाख मते युतीलाच कशी मिळाली?लोकसभेत तर याच महाराष्ट्राच्या जनतेने पंतप्रधान मोदी प्रचारात उतरले असताना सुद्धा त्यांना जनतेने नाकारले मात्र,त्याच जनतेने त्यांच्या भारतीय जनता पक्षाला भरभरुन मते दिली,याचा अर्थ मोदी यांनी आता हे स्वीकारले आहे का,महाराष्ट्रात त्यांची लोकप्रियता घटली आहे,त्यांना नाकारुन महाराष्ट्राच्या जनतेने त्यांच्या पक्षाला अधिक मते दिली?असा खडा सवाल आज प्रेस क्लब येथे आयोजित पत्रकार परिषदेत  काँग्रेसचे राष्ट्रीय प्रवक्ते पवन खेडा यांनी केला.

लोकसभेत जी २४ लाख मते आघाडीला मिळाली होती विधानसभेत ती २४ लाख मते महायुतीकडे वळती झाली,याशिवाय अतिरिक्त ४८ लाख मते देखील महायुतीला मिळाल्याने आम्ही केंद्रीय निवडणूक आयोगाला मतदारांची यादी मागतोय मात्र,ती आम्हाला मिळत नाही उलट आमच्या कोणत्याही मागणीवर किवा प्रश्‍नावर मुख्य निवडणूक आयुक्त राजीव कुमार हे शेरोशायरी ऐकवायला लागतात!महाराष्ट्राचा मतदार,विपक्ष मॉक पोलिंगची मागणी करतोय ती देखील त्यांनी फेटाळली.लोकशाहीत प्रत्येक विधानसभेच्या प्रत्येक बूथवरील मतदान हे पारदर्शक व्हायला हवे मात्र,असे घडत नाही.आम जनता,मतदार किवा विरोधक कोणालाही मतदानाशी संबंधित कोणतीही माहिती निवडणूक आयोग देत नाही,त्यांची विश्‍वाहर्ता तर पंतप्रधान मोदी यांच्या भाषणापेक्षाही खालच्या स्तरावर पोहोचली आहे,अशी जहाल टिका याप्रसंगी पवन खेडा यांनी केली.

आज निवडणूक आयोगाचा ७५ वा वाढदिवस आहे मात्र,आयोगाच्या वाढदिवशी निवडणूक आयोग हा ‘जिवंत’तरी आहे का की आम्ही आयोगाचा वाढदिवस मरणोपरांत साजरा करीत आहोत?अशी कोटी ते करतात.आम्ही जेव्हा पण निवडणूकीच्या प्रक्रियेशी संबंधित प्रश्‍न करतो,मुख्य निवडणूक आयुक्त राजीवकुमार ‘वाहियात’शेरोशायरी करायला लागतात.आज आयोगाच्या वाढदिवशी आम्ही पण त्यांना एक शायरी ऐकवतो ’जो कमाया है सालो मे उसे गवांने में एक पल नही लगता,जो उडते है गुरुरु के आसमानो में जमीं पर आने में वक्त नही लगता,हर तरह का वक्त आता हे जिंदगानी में,वक्त के गुजर जाने में वक्त नही लगता’ही आमची निवडणूक आयोगाला ताकीद आहे वेळ आहे, अजूनही सशक्त बना,ताकतवान बना,परंतु आज निवडणूक अायोगाची अशी दशा झाली आहे की वो ‘हांफता है,कांपता है’अश्‍या शब्दात खेडा यांनी निवडणूक आयोगावर टिका केली.

आमचा आक्षेप फक्त ईव्हीएम मशीनवर नाही तर संपूर्ण निवडणूक प्रक्रियेतील धांधली वर आहे.मतदारांच्या बोगस यादीवर आहे.उत्तर देण्या ऐवजी ते शेरोशायरी ऐकवतात नाही तर विरोधकांवर तानेबाजी करताना दिसून पडतात.विरोधी पक्ष म्हणून आम्ही प्रश्‍न नाही विचारु शकत का?संविधानानुसार आमच्या प्रश्‍नांना उत्तरे देणे त्यांना बंधनकारक आहे पण ते उत्तरे देत नाहीत.केंद्र सरकारच्या कुटूंब कल्याण मंत्रालयाने वयस्कर(Adult) लोकांची जी यादी प्रसिद्ध केली त्यात ९ कोटी ५४ लाख संख्या दिली आहे मात्र,निवडणूक आयोगाने प्रसिद्ध केलेल्या अहवालात हीच वयस्कारांची संख्या ९ कोटी ७० लाख कशी होते?संख्येमध्ये इतक्या लाखांचे अंतर कसे?याचे उत्तर ते देत नाहीत.प्रत्येक मतदार हा लोकशाहीचा पाईक असून प्रत्येक मतदाराचा हा अधिकार आहे त्याच्या मताचे काय झाले,अशी विचारणा करण्याचा,असे पवन खेडा म्हणाले.

दोनच दिवसांपूर्वी देशात निवडणूक व्यवस्थापन संस्थांच्या आंतरराष्ट्रीय परिषदेत मुख्य निवडणूक आयुक्त हे संतप्त झाले व निवडणूक पद्धतीवर संशय घेण्यासाठी खोटी विधाने हा उपदव्याप हे निवडणूक प्रक्रियेवरील विश्‍वास डळमळीत करण्यासारखे असल्याचे म्हणाले,यावर