लोकसभेत मोंदीना अपेक्षित यश मिळाले नाही कारण…

याप्रसंगी ‘रेवडी ’संस्कृतीवर विस्तृत विश्‍लेषण करताना देशमुख यांनी सांगितले की हिमालचसारख्या राज्यात टॉयलेट टॅक्सचा मुद्दा असो किवा जुनी पेशंन योजना,सर्व पक्षांच्या सर्व नेत्यांना माहिती असतं की जुनी पेंशन योजना देशात लागू होऊच शकत नाही,’रेवडी आप दे तो सकते है मगर वापस ले नही सकते’त्यामुळे विराेधक देखील या रेवडी संस्कृतीत उतरुन,सत्ता पक्षापेक्षा आम्ही जास्त देऊ,या स्पर्धेत उतरतात आणि अर्थव्यवस्थेचा बट्याबोळ करतात.जनतेला देखील या रेवड्या अावडत असतात,त्यांना माहिती असतं आताच मिळेल,पाच वर्ष त्यांच्याकडून लृबाडलेला हा माल त्यांना पुन्हा पुढील पाच वर्ष मिळणार नाही आहे.त्यांना कोणताही अपराधबोध होत नाही.रेवड्या नको,शाळा,रुग्णालये,रस्ते द्या.हे त्यांना मिळणार नाही,हे मतदारांनाही कळतं मात्र,गेल्या ७० वर्षात ते हे राजकारण्यांना सांगत नाही,रेवड्या घेऊन घेतात.जनतेच्या भल्यासाठी राजकीय नेत्यांना कटू निर्णय देखील घेणे क्रमप्राप्त आहे पण ते हे पराभवाच्या भीतीने घेत नाही,असे देशमुख म्हणाले.मोदींचा नोटबंदीचा निर्णय हा असाच कटू निर्णय होता त्यासाठी त्यांनी धाडस दाखवले,जनतेला भरपूर त्रास झाला मात्र त्यांनी तो निर्णय स्वीकारला,भ्रष्टाचा-यांचे या निर्णयामुळे कंबरडे मोडले,त्यांचा निर्णय चुकीचा असेलही पण ‘नीयत’साफ होती,असे देशमुख यांनी सांगितले.