महिला पत्रकारामुळे युती सरकारची दिसली मानसिकता

नागपूर,ता.२३ ऑगस्ट २०२४: बदलापूर येथील एका नामांकित शाळेत १३ ऑगस्ट रोजी चिमुकल्यांसोबत जे घडले त्या विरोधात शाळेत होणा-या आंदोलनाचे वार्तांकन करण्यासाठी एका मराठी दैनिकांची महिला वार्ताहर मोहिनी जाधव जात असताना, माजी नगराध्यक्ष आणि शिंदे सेनेचे शहरप्रमुख वामन म्हात्रे यांनी मोहिनी यांना अडवून,तुम्ही पत्रकार बातम्या करतात,आग लावतात आणि निघून जाता,अश्‍या भाषेत बोलले,आम्ही काय असं केलं,असे विचारले असता,तुम्ही शहानिशा करायला हवी होती बातमीची की खरंच चिमुकल्यांवर बलात्कार झाला की विनयभंग झाला,असे ते बोलले.आम्ही शहानिशा करुनच बातमी केली,असे मोहिनी यांनी सांगितल्यानंतर ते आणखी चिडले व खरं तर पत्रकारांवर गुन्हे दाखल झाले पाहिजे असे बोलून,पत्रकारांना अटक करायला हवी असे म्हणाले.यावर मोहिनी यांनी सांगितले की तसं तुम्ही सांगा पोलिसांना तर आणखी चिडून ,तुझ्यावर बलात्कार झाला आहे का?तू बातमी करायला आली,अश्‍या शब्दात महिला पत्रकाराशी असभ्य भाषेत वामन म्हात्रे बोलले.ही घटना फक्त लोकशाहीच्या चौथ्या स्तंभावर घाव घालणारीच नव्हे तर महाराष्ट्रासारख्या पुरोगामी राज्यात, महिलांविषयीची निम्नस्तराची मानसिकता ठलकपणे अधोरेखित करते.यावर आज नागपूरात प्रेस क्लब येथे आयोजित पत्रकार परिषदेत काँग्रेसच्या राष्ट्रीय प्रवक्त्या रागिनी नायक यांना प्रश्‍न विचारला असता,याला विकृत मानसिकता ही नाही म्हणू शकत,ही घटना सत्ताधा-यांचे चाल,चरित्र आणि चेहरा समोर आणते,असे त्या म्हणाल्या.त्यांची तर मानसिकताच महिला विरोधी असल्याची टिका त्यांनी केली.

जोपर्यंत दुस-या महिलेवर बलात्कार होत नाही तोपर्यंत त्या बलात्कार पिडीतांवर झालेल्या अन्याया विरोधात बाेलू ही शकत नाही का?हा कश्‍याप्रकारचा माहोल आहे महाराष्ट्रात?प्रश्‍न विचारण्याचा जो संवैधानिक अधिकार आहे,भारताच्या नागरिकांकडे,त्या अधिकारांचा गळा घोटणारी कृती असल्याचे त्या म्हणाल्या.तसेही भारताचे पंतप्रधान नरेंद्र मोदींचे राजकारण ही ‘अंगुठा टेक’राजकारण आहे,याचा अर्थ ,मी जे म्हणालो ते म्हणालो,यालाच ‘हूकूमशाही’म्हणतात,तीच वृत्ती प्रादेशिक नेत्यांमध्ये देखील आली असल्याची टिका नायक यांनी केली.प्रश्‍न विचारल्याने लोकशाही मजबुत होत असते.सरकारला सातत्याने प्रश्‍न विचारले गेले पाहिजे.त्यांचे सातत्याने उत्तरदायित्व निश्‍चित झाले पाहिजे.आता या देशातील महिलांना कळून चुकले आहे त्यांना एकत्रित येत,एकमेकींची मदत करावीच लागेल.त्या महिला पत्रकाराने खूप चांगले केलं,तिने प्रश्‍न विचारल्यामुळे महाराष्ट्रातील नेत्यांची मानसिकता जनतेसमोर आली,असे नायक म्हणाल्या.

सत्तेच्या खूर्चीवर बसण्यासाठी निर्भया घटनेनंतर याच मोदींनी नारे दिले होते ’बहोत हूआ नारी पर वार’,‘बेटी बचाओ बेटी पढाओ’ते नारे किती कुचकामी होते हे बदलापूरच्या घटनेने देशासमोर सिद्ध केले.बेटी वाचेल तरच शिकेल ना,असे म्हणायची वेळ आली आहे.खरे तर ‘भाजपा पासून बेटिया बचाओ’म्हणायची वेळ आली असून गेल्या दहा वर्षांपासून रक्षकच भक्षक झाल्याचे दिसून पडत असल्याची टिका त्यांनी केली.

नॅशनल क्राईम रेकॉर्ड ब्यूरो(एनसीआरबी)चे आकडे सांगतात आपल्या देशात दररोज ८६ बलात्कार होतात. २०१९ ते २०२३दरम्यान लहान-लहान मुलींच्या लैंगिक शोषणात ९६ टक्के वाढ झाली आहे.महाराष्ट्रात २० हजार ७६२ घटना अल्पवयीन मुलींसोबत घडल्या असून देशात अल्पवयीन मुलींसोबत घडलेल्या गुन्हात महाराष्ट्राचा पहीला क्रमांक आहे.मुख्यमंत्री एकनाथ शिंदेंच्या कार्यकाळात महिलांविरुद्ध ४७ हजार३८१ गुन्हे घडले.२०२१ मध्ये महाराष्ट्रात ७,५२१ बलात्काराच्या घटनांची नोंद झाली,याचा अर्थ महाराष्ट्रात दररोज २१ बलात्काराच्या घटना घडतात.

बदलापूरच्या घटनेने राज्य हादरले असतानाच अकोलामध्ये शिक्षकानेच सात लहान-लहान शालेय