रुग्णालयासाठी एकशे तेवीस वर्ष जुन्या झाडाचा जाणार बळी!

(छायाचित्र : बांधकामाचा मंजूर नकाशा)

२०१४ साली प्रा.अनिल सोले हे महापौर असताना मनपाच्या सभेत एक ठराव घेण्यात आला.ठरावात धंतोली व रामदासपेठेत या पुढे कोणतेही नवीन रुग्णालये येणार नाहीत असा ठराव तो होता मात्र,तत्कालीन मनपा आयुक्तांनी तो ठराव संमत केला नाही.यासाठी रिजनल टाऊन प्लानिंग एक्ट(एमआरटीपी)दुरुस्ती करावी लागणार असल्याची सबब मनपा आयुक्तांनी पुढे केली त्यामुळे इतका महत्वाचा प्रस्ताव बारगाळला.या ठरावाची चर्चा वृत्तपत्रांमध्ये प्रसिद्ध झाल्याने धंतोलीतील काही डॉक्टरांनी त्यांचे प्लॉट्स असतानाही आपले रुग्णालय दूस-या भागात बांधले मात्र,९० टक्के डॉक्टर्स यांनी सातत्याने २०१४ पासून धंतोलीतील रुग्णालयाच्या संख्येत भर घालण्याचे काम केले.

महत्वाचे म्हणजे २००९ साली धंतोलीतील अमर्याद संख्येत उभारले जाणा-या रुग्णालयांच्या संदर्भात रुग्णालयांसाठी रहीवाशी भाग नसणार तर कोणता भाग असणार?असा निर्णय एका याचिकेच्या संदर्भात नागपूर खंडपीठाने दिला होता मात्र,२०१२ साली स्वानंद सोनी यांनी जनहित याचिका दाखल करीत,या संख्येला काही मर्यादा असावी की नाही,अशी न्यायालयालामार्फत नगररचना विभागाला विचारणा केली. तेव्हापासून या याचिकेवर फक्त सुनावणी पार पडत असून संबंधित विभागांना नोटीस दिल्या जात आहे.अद्याप तोडगा काहीही न निघाल्याने धंतोलीत रुग्णालयांची बजबजपुरी वाढत असून त्यामुळे होणा-या प्रदुषणात देखील भर पडली असल्याचे ते सांगतात.धंतोलीतील रुग्णालयांनी व मोठमोठ्या वाणिज्यिक ईमारतींनी पार्किंगच्या जागी केलेले अतिक्रमण तसेच रुग्णालयांची संख्या यावर मर्यादा,या याचिकेसाठी धंतोली नागरिक मंडळातर्फे ॲड.आशुतोष धर्माधिकारी व ॲड.अश्‍विन देशपांडे खटला लढत आहेत.