१४ गुन्हे असलेल्या गुन्हेगारासाठी भाजप आमदार पोलिस ठाण्यात!

गंभीर हल्ला झाला असताना धंतोली पोलिसांनी केवळ कलम ३५३ सारखी किरकोळ कलम लावली.गंभीर घटनेच्या कलमा का लावल्या नाहीत?सर्वसामान्यांसाठी आणि भाजपच्या पदाधिका-यांसाठी कायदा हा वेगवेगळा आहे का? कौटूंबिक बाबतीत तलवारी चालतात का?

असा सवाल त्यांनी केला.आमचा पक्ष कधीतरी गुन्हेगारांच्या मागे गेलेला दिसला का?की पिडीतांच्या मागे दिसतो?असा सवाल त्यांनी केला.

गृहमंत्री फडणवीस यांच्या पक्षाच्या एका फार मोठ्या नेत्याच्या स्वीय सहायक(पी.ए)च्या दबावातून उमरेडचे पीआय अनिल राऊत यांची बदली करण्यात आली असल्याचा खळबळजनक आरोप याप्रसंगी रेवतकर यांनी केला.भाजप नेते तर सोडा त्यांच्या पी.ए.च्या दबावाला देखील नागपूरातील पोलिस प्रशासन बळी पडत असून, पोलिसांना महिन्याकाठी हप्ता वसूलीचे टार्गेट दिले जात असल्याचे व ज्यांनी ते स्वीकारले नाही,त्यांच्या बदल्या केल्या जात असल्याचा खळबळजनक आरोप रेवतकर यांनी केला.भाजपच्या या भ्रष्टाचाराला एक पोलिस अधिक्षक देखील कंटाळला असल्याचा दावा त्यांनी केला.

खासदार क्रीडा महोत्सवात मुन्ना यादवच्या मुलाने एका सामन्यात पंचालाच बॅटने मारहाण करण्याची गंभीर घटना घडली होती,त्या घटनेत देखील गुन्हा दाखल झाला नाही,याकडे लक्ष वेधले असता,धंतोलीच्या घटनेत देखील गुन्हा दाखल झाला नसून फक्त ‘दिशाभूल’करतात आहे की गुन्हा दाखल झाला,मी दटकेंविरोधात आंदोलन केल्यामुळे माझ्या विरोधात गुन्हा दाखल करण्यासाठी ५० लोक पोलिस ठाण्यात दटके यांनी पाठवले होते,पोलिस हे इतके दबावात होते की त्यांनी मला १५ ऑगस्टला कोर्टात हजर राहण्याची नोटीस पाठवली,मी पण स्वातंत्र्य दिनी संपूर्ण देशाचा कारभार बंद असताना कोर्टात जाऊन झेंडा फडकावेन असा दम पोलिसांना दिल्याने खळबळ माजली होती अशी माहिती यावेळी रेवतकर यांनी दिली.या घटनेवरुन लक्षात येतं की पोलिस हे किती दबावात काम करतात,असे त्या म्हणाल्या.

दटके आता मध्य नागपूरमधून निवडणूक लढणार असल्याची चर्चा आहे,याकडे लक्ष वेधले असता,मध्यमधून दटके हे निवडून येणार नाही कारण त्यांची अरेरावी,दांभिकपणा याला जनता आणि पोलिसच नव्हे तर त्यांच्याच पक्षातील अनेक कार्यकर्ते कंटाळले असल्याचा दावा रेवतरकर यांनी केला.

निवडणूकीच्या पार्श्वभूमीवर दररोज ज्या जाहीराती प्रसिद्ध होत आहेत,त्या भूमिपूजनाच्या जाहीरातींमध्ये ही मुन्ना यादव यांचे छायाचित्र आहे,याकडे लक्ष वेधले असता,ज्या गुन्हेगारावर १४ गंभीर गुन्ह्यांची नोंद आहे,त्याला तडीपार करण्या ऐवजी गृहमंत्री फडणवीस यांच्या बरोबरीने जाहीरातीत स्थान मिळतंय,यांची ‘मिलीजुली सरकार’ असल्याची टिका त्यांनी केली.

कामगार किट एक थट्टाच झाली असून ,धंतोलीत मुन्ना यादव व लखन येरावार या पदाधिका-यांनी संगम चाळीतील घरोघरी घरकाम करुन कष्ट करणा-या अनेक महिलांना ही किट दिली नसून उलट अमर पॅलेस,भाजपच्याच कार्यालयातील एका फ्लॅटमध्ये राहणा-या महिलेला किट दिल्याचे प्रकरण घडले. धंताेलीसारख्या भागात ७० लाखांच्या फ्लॅटमध्ये राहणा-या एका मारवाडी कुटूंबातील महिला ही कष्टकारी कामगारांचा हक्क लाटते,लाडकी बहीण योजनेचा लाभ घेते,इतकंच नव्हे तर आणखी एका योजनेसाठी येरावारकडे आपल्या नव-याचाही अर्ज भरुन ठेवते,याकडे कसे बघता?असा प्रश्‍न केला असता,हा प्रकार गणेशपेठ हद्दीत देखील झाला अाहे.गुजरवाडी झोपडपट्टीतील गरीब,कष्टकरी बायांना ही किट मिळाली नाही तर भाजपच्या पदाधिका-यांनी आपल्याच एका-एका घरात तीन-तीन,चार-चार जणांना पेटी,भांड्यांची किट वाटली,पावती भरलेल्या कष्टकरी महिलांनी जेव्हा त्यांना किट मागितली तर काँग्रेसकडे अर्ज भरला आहे तर तिथेच जा,असे सांगतात.हे त्यांच्या बापाच्या पैशातून देत नसून ही शासनाची योजना आहे,याची देखील चौकशी झाली पाहिजे,अशी मागणी त्यांनी केली.

पत्रकार परिषदेत शैलेंद्र तिवारी,अमित श्रीवास्तव,महेेंद्र भांगे ,राजू चव्हाण,संजय आखरे,महेश अंबरवाडे, आदी उपस्थित होते.