शिर्के गल्लीतील ‘त्या‘व्यापाराच्या गाड्या आधीच कशा सुरक्षित ठिकाणी?

नागपूर,ता. १८ मार्च २०२५ : काल महाल भागातील शिर्के गल्लीत दंगलखोरांचा जमाव चाल करुन आला.मोठमोठे दगड,विटा,पेट्रोल बॉम्ब,तलवारी सोबत तो जमाव चाल करुन आला,घरा समोरील उभ्या असलेल्या दूचाकी रस्त्यावर आणून पेटवण्यास सुरवात केली.एकूण १९ दूचाक्या त्यांनी जाळल्या,याच शिर्के गल्लीत एक कार देखील त्यांनी पेट्रोल बॉम्बने पेटवली,हतबल नागरिक जिवाच्या भीतीने आपाल्या घरात दार बंद करुन आत बसली होती मात्र,कष्टाच्या पैशातून घेतलेल्या दुचाक्या एकानंतर एक आगीत भस्म होत होत्या,मात्र,याच गल्लीत एक मुस्लिम व्यापारी असा ही होता ज्याच्या गाड्या नेहमी याच गल्लीत दररोज राहत होत्या,दंगलीच्या दुपारी मात्र,त्या ’नेहमीच्या’ठिकाणावरुन ‘सुखरुप’जागेवर नेण्यात आल्या होत्या!

अमरावतीलमधील भाजपचाच पाठिंबा घेणारे एका आमदार-खासदाराचे जोडपे यांचा हा व्यापारी बिजनेस पार्टनर असल्याचे येथील प्रत्यक्षदर्शीने सांगितले.मुंबईत मोठ्या प्रमाणात बिल्डरगिरी करणा-या या व्यापारीची भूमिकाही पोलिसांनी तपासावी,असे येथील नागरिकांची मागणी आहे.याच गल्लीतील रहीवासी माधुरी पेशने यांनी रडत-रडत माध्यमांच्या कॅम-यासमोर सांगितले,कसा तिचा काल जीव वाचला! पेशने यांच्या घराच्या खिडकीला उन्मत्त,मस्तवाल जमावाने आग लावली,सगळा धूर आतमध्ये दाटला, घराच्या मागून,पुढून दोन्ही बाजूने दगडांचा मारा होता.तो थरार सांगता ही येत नव्हता.जमावाने आधी सीसीटीव्ही फोडण्याचे काम केले.

गोरगरीब रुग्णांवर गेल्या चाळीस वर्षांपासून उपचार करणारे बंडू क्लिनिकचीही तोडफोड केली.तेथील कर्मचा-यांना पकडण्याचा प्रयत्न केला.गीतांजली टॉकिज जवळ गॅरेजमधील कारांची तोडफोड केली. ७० वर्षात पहिल्यांदा असा हिंसाचार झाला असल्याचे प्रत्यक्षदर्शी सांगतात.आता मनात भीती दाटली असल्याचेही वास्तव ते बोलून दाखवतात!

आता…येथील रहीवाश्‍यांच्या मनात कायमची भीती बसली आहे.आपल्याच घरात,आपल्याच शहरात सुरक्षेची हमी नाही ,जरी हे शहर राज्याचे मुख्यमंत्री व गृहखातं सांभाळणारे फडणवीस यांचे असले तरी!ते सुरक्षेत फिरतात,आमचा जीव स्वस्त आहे,अशी जहाल टिका देखील कानावर आदळली.जमाव याच शिर्के गल्लीत दगडफेक आणि जाळपोळ करुन थांबला नाही तर त्यानंतर पोलिसांना न जुमानता चिटणीस पार्ककडे त्यांनी आपला मोर्चा वळवला.याही ठिकाणी दगडांचा खच रस्त्यावर होता!

या संपूर्ण परिसराची आधी ‘रेकी’करण्यात आली होती,असा दावा येथील रहीवासी करतात.ताजबाग तसेच कामठीतून दंगलखोरांना बोलावण्यात आले,असे ते सांगतात.शिवजयंतीनिमित्त महाल येथील छत्रपती शिवाजी महाराजांच्या पुतळ्याजवळ संपूर्ण विद्युत रोषणाई करण्यात आली होती.याच ठिकाणी दूपारी एकच्या सुमारास विश्‍व हिंदू परिषद व बजरंग दलाने औरंगजेबचा पुतळा जाळला होता.या पुतळ्याला हिरव्या रंगाची चादर गुंडाळण्यात आली होती.यानंतर सोशल मिडीयावर त्याचे चित्र व्हायरल झाले आणि बजरंग दलाने कुराण मधील आयत जाळली अशी अफवाह सोशल मिडीयाच्या माध्यमातून क्षणार्धात पसरली.तब्बल चारशेचा जमाव‘बजरंग दल मुर्दाबाद’ची घोषणा देत गणेशपेठ पोलिस ठाण्यात पोहोचला होता व बजरंग दलाच्या कार्यकर्त्यांवर गुन्हे दाखल करण्याची मागणी करीत होता.याच ठिकाणी ‘औरंगजेब’चे आवाजी घोषणेने गुणगाणही गाण्यात आले!इतकंच नव्हे तर दुपारी गणेशपेठ पोलिसांनी दोन्ही गटाच्या लोकांची समजूत घालून प्रकरण ‘निपटवले’ आणि ‘निर्धास्त’झाले, मात्र,दुस-या गटातील लोकांच्या मनातील राग आतल्या आत धुसमुसत होता याचा अंदाजही पोलिस आयुक्त डॉ.रवींद्र सिंगल यांच्या पोलिस विभागाला आला नाही!सायंकाळी शिवाजी पुतळ्या जवळील मजिदीतून ‘इस्लाम खतरे में’अशी बाग देण्यात आल्याचा दावा येथील नागरिक करतात मात्र,यानंतर जे घडले ते ‘हिंदू खतरे में‘असल्याचे सिद्ध झाले.

……………………………………………..

तळटीप:-
विश्‍व हिंदू परिषद व बजरंग दलाने छत्रपती संभाजी महाराजांच्या छळावरुन ज्या औरंगजेबची कबर महाराष्ट्राच्या पुण्यभूमीतून उखडून टाकण्याची मागणी करीत, संपूर्ण महाराष्ट्रात आंदोलनाचे रण पेटवले आहे तेच, छत्रपती शिवराया व छत्रपती संभाजी यांचे प्रशंसक मावळे नागपूरात ज्या प्रशांत कोरटकर नावाच्या महाभागाने या छत्रपतींचा अवमान करण्याचे अशलाघ्य कृत्य केले त्या कोरटकर याचा साधा निषेध करणारे एखादे पत्रक देखील काढले नाही….!)