– मारहाणीचा व्हीडीओ व्हायरल ः पीआय हिवरेंवर कारवाई करण्याची मागणी
नागपूर, ता. ५ : मोकाट कुत्र्यांच्या अधिकारांसाठी लढणाऱ्या व माहिती अधिकार कार्यकर्त्या अॅड. अंकिता शाह यांना लकडगंज पोलीस ठाण्यात मारहाण करण्यात आल्याचा धक्कादायक प्रकार समोर आला आहे.
यासंदर्भातील एक व्हिडीओ सोमवारी सोशल मिडीयावर व्हायरल झाला. त्यानंतर पोलीस वर्तुळात पोलिसांच्या भूमिकेबाबत उलटसुलट चर्चेला उधान आले.
सूत्रानी दिलेल्या माहितीनुसार, अंकिता शाह या तुलसी अपार्टमेंट, टेलिफोन एक्सचेंज चौकात राहतात. मोकाट कुत्र्यांच्या अधिकारांसाठी त्या अनेक वर्षांपासून लढा देत असून करोनामुळे देशात लॉकडाऊन जाहीर झाल्यानंतर मोकाट कुत्र्यांना अन्न व पाणी देण्याची मोठी समस्या निर्माण झाली. त्यावेळी त्यांनी आपल्या इमारतीच्या समोर रस्त्याच्या कडेला कुत्र्यांसाठी एक पात्र ठेवले.
या पात्रात त्या अन्न व पाणी कुत्र्यांसाठी ठेवत होत्या. २४ मार्च रोजी दुपारी १ वाजता त्या आपल्या पतीसह कुत्र्यांना अन्न व पाणी देण्यासाठी गेले असता इमारतीमध्ये राहणाऱ्या करण सचदेव यांनी पात्राला लात मारली. २५ मार्च २०२० ला संध्याकाळी ७.३० वाजता असाच प्रकार घडल्याने त्या लकडगंज पोलीस ठाण्यात गेल्या होत्या. त्या ठिकाणी पोलिसांसोबत त्यांचा वाद झाला. या वादातून पोलिसांनी अंकिता यांना जबर मारहाण करण्यात आली.
याविरुद्ध त्यांनी पोलीस उपायुक्तांकडे तक्रार केली. तसेच माहितीच्या अधिकारात पोलीस ठाण्यातील सीसीटीव्ही फुटेज मागितले. प्रथम पोलिसांनी त्यांना फुटेज देण्यास नकार दिला. माहितीच्या अधिकारात अपीलामध्ये गेल्यानंतर उपायुक्तांनी फुटेज देण्याचे आदेश दिले. शाह यांना रविवारी हे फुटेज मिळाले. त्यानंतर त्यांनी ते समाजमाध्यमांवर प्रसारित केले असता उलटसूलट चर्चेला उधान आले. अंकिता यांनी गृहमंत्री अनिल देशमुख, पोलीस आयुक्त अमितेश कुमार आणि पोलीस उपायुक्तांकडे वरिष्ठ पोलीस निरीक्षक नरेंद्र हिवरे, पोलिस उपनिरीक्षक भावेश कावरे, शिपाई आतीश भाग्यवंत, प्रमोद राठोड, हिरा राठोड, देवीलाल तपे, चेतना बिसेन आणि माधुरी खोब्रागडे यांच्याविरुद्ध तक्रार केली असून त्यांच्यावर भादंविच्या कलम २९४, ३२४, ३३६, ३३७, ३४७, ३४८, ३८९, ३९१, ३९५ आणि ४२७ अंतर्गत गुन्हा दाखल करण्याची मागणी केली,
त्यावेळी करोनाचा प्रादुर्भाव असल्यामुळे मास्क लावण्यावरून वाद झाला होता, त्यामुळे अंकिता यांना मारहाण केल्याचे लकडगंज पोलिसांनी सांगितले. मात्र फुटेजमदध्ये चक्क पोलिस निरीक्षक नरेंद्र हिवरे विना मास्कचे फिरताना दिसत आहेत, हे विशेष. अकिता यांनी पोलिस आयुक्तांकडे पीआय हिवरेंवर गुन्हा दाखल करण्याची मागणी केली आहे.
खाकी वर्दीची गुर्मी नागपूरातही!
ॲड.अंकिता शाह यांनी व्हायरल केलेल्या व्हिडीयोमध्ये त्यांच्या मागे उभा असणा-या पुरुषाने देखील मागून त्यांच्या पाठीवर गुद्दा हाणला,एखादी सुशिक्ष्ति महिला पोलिस ठाण्यात तक्रार नोंदवण्यास येते,पोलिसांसोबत होणा-या वादावादीमध्ये त्यांच्यावर पोलिस ठाण्यातच मारहाण झाल्याने गरीब,निम्न,अशिक्ष्ति वर्गातील नागरिकांसोबत कसा व्यवहार होत असेल,असा प्रश्न आता निर्माण होत आहे. खाकी वर्दी अंगावर चढवताच असे कोणते संवैधानिक अधिकार पोलिसांना मिळतात की महिल्या पोलिसांसह पुरुष पोलिस हे एका निशस्त्र,सुशिक्ष्ति महिलेला घेरुन मारहाण करु शकतात?असा संताप आता व्यक्त केला जात आहे.
नागपूर हे शहर गृहमंत्री अनिल देशमुख यांचे गृहशहर असल्यामुळे लकडगंज पोलिस ठाण्यात घडलेल्या घटनेचे गांर्भीय आणखी वाढले आहे. वर्दीच्या जोरावर कायदा हातात घेणा-यांवर आता गृहमंत्री व पोलिस आयुक्त कोणती कारवाई करतात याकडे शहरवासियांचे लक्ष् लागले आहे.
आमचे चॅनल subscribe करा
