‘या‘ दोन आमदारांच्या आग्रहामुळे नागपूरात आता दोन शेवटची उड्डाणपुले:गडकरी

एका प्रश्‍नाच्या उत्तरात देशात २८ महामार्गांवर आम्ही सब-हायवे निर्माण केले असल्याचे सांगितले.त्या सब हायवेवर मोठ्यातील मोठे विमान हे सहज उतरु शकतात.त्याचा विमानतळासारखा देखील उपयोग होऊ शकतो.माझ्या मनात तर त्याचा रेल्वे फाटक सारखा उपयोग करण्याचा विचार आहे.रेल्वे येथे तेव्हा रेल्वे फाटक स्वयंचलितपणे बंद होतात व रस्त्यावरील वाहतूक थांबते तसेच महामार्गावर फाटक असतील.विमान उतरेल तेव्हा ते बंद होतील,विमान उतरेल,प्रवाशी विमानतळाच्या आत जातील व रस्ता पुन्हा सुरु होईल.राजस्थानमध्ये ४०० ते ५०० किलोमीटरपर्यंत संपूर्ण वाळवंट आहे.अश्‍या ठिकाणी विमानतळेच नाही.अश्‍या जागांवर सुरक्षेच्या दृष्टिकोणातून ही संकल्पना राबविण्याचा विचार आहे.

‘नागपूरची साडी‘याचा उल्लेख पत्रकार परिषदेत काही वर्षांपूर्वी तुम्ही केला होता.हातमाग इंडस्ट्री तसेच हजारो महिलांना रोजगार याचे काय झाले तसेच फूटाला येथे कोट्यावधीचे रंगीत कारंजे बंद आहेत,याचे काय कारण आहे?कारण फूटाळाच्या कारंजेविषयी सांगताना यामुळे नागपूरची ओळख ’फाऊंटेनचे शहर’म्हणन होणार असल्याचा दावा तुम्ही केला होता याचे काय झाले?असा प्रश्‍न केला असता,सध्या सर्वोच्च न्यायालयात खटला प्रलंबित आहे,त्याचा निर्णय न झाल्याने फूटाळ्यातील कामे अडकली आहे,असे गडकरी यांनी सांगितले.याशिवाय नागपूर तसेच विदर्भातील अनेक गावे ही हातमागसाठी प्रसिद्ध होती.माझ्या धापेवाडा गावात,बेला,खापा तसेच भंडारा जिल्ह्यात काम सुरु होणार होतं.धापेवाड्यात टेक्सटाईल्सचे काम सुरु झालं आहे.आम्ही पहिले उत्तम साड्या तयार केल्या,त्यावर झारखंडमधून पेंटिंग केले.मुंबईच्या काही मॉडेल्सनी त्या साड्या नेसून सुंदर प्रदर्शन केलं.हातमागाच्या साड्या तयार होतात आहे पण स्थिती अशी आहे की आम्हाला दाखवायला देखील साडी उपलब्ध नाही,एवढी त्यांची मागणी आहे.आता धापेवाड्यात मोठ्या टेक्सटाईल्सच्या इमारतीचे काम सुरु केले आहे.सहा महिन्यात त्याचे उद् घाटन होईल.याशिवाय उत्तम दर्जाची सुती साडी ही इलेक्ट्रॉनिक पाॅवरलूममध्ये तयार करुन त्याला ‘नागपूरची साडी‘असा ब्राण्ड तयार करुन गरीब,गरजू महिलांना ती चार हजार रुपयांची साडी केवळ ४०० रुपयात देणार असल्याचे गडकरी म्हणाले.यासाठी आम्ही धापेवाडा व पाचगावातील पंधराशे महिलांना प्रशिक्षण दिले असल्याचे त्यांनी सांगितले.आता बेला व खापा येथे देखील प्रशिक्षण सुरु करणार आहोत.हातमाग व्यवसाय पुन्हा एकदा नागपूरसाठी प्रसिद्ध करायचा प्रयत्न असल्याचे ते म्हणाले.

मदर डेअरीच्या प्रकल्पाविषयी मागील पत्रकार परिषदेत तुम्ही तीन हजार नोक-या मिळणार असल्याचे सांगितले होते,११ वर्षांचा लेखाजोखा मांडत असताना मोदी हे पत्रकार परिषद का घेत नाही?असा सवाल केला असता,तुमचा निरोप मी मोदींपर्यंत पोहोचवेल,अशी मिश्‍किली गडकरी यांनी केली.