मोहब्बत की झुठी कहानी पे रोये….

मधुबाला- किशोर कुमार यांचा विवाह १६ ऑक्टोबर १९६० रोजी झाला.मात्र,किशोर कुमार यांच्या घरी हा निर्णय मान्य नव्हता कारण ती परधर्मिय होती.लग्नाच्या वेळी मधूबालाचे वय अवघे २७ वर्ष होते.मधूबालासोबत लग्न करण्यासाठी किशोर कुमार यांनी मुस्लिम धर्म स्वीकारल्याची अफवा बरेच काळ चर्चेत होती मात्र,मधुबाला यांची बहीण मधूर भूषण यांनी एका मुलाखतीत सांगितले,किशोर कुमार हे हिंदू होते व हिंदू म्हणूनच ते हे जग सोडून गेले…!’

लग्नानंतर केवळ १० दिवसातंच किशोर कुमार यांनी उपचारासाठी मधूबालाला परदेशात पाठवले होते.लग्नानंतर मधूबाला खूप आजारी असायची.रक्ताच्या उलट्या आणि ऑक्सिजन सिलेंडरवर अवलंबून तब्बल ९ वर्षे या दोन्ही महान तारकांचा संसार चालला.किशोर कुमार यांनी बांद्राच्या कार्टर रोडवरील फ्लॅटमध्ये मधुबालाला स्वतंत्र ठेवले होते.देखभालीसाठी एक नर्स देखील ठेवली होती.फार तर मधूबाला दोन वर्ष जगू शकेल असे लंदनच्या डॉक्टरांनी सांगितले होते मात्र,मधूबाला त्याच उत्साहाने चित्रपटात काम करीत राहीली.वडिलांना देखील मधूबालाने सांगितले,‘मी पूर्णपणे बरी आहे,तुम्ही चित्रपट साइन करा,माझ्या तारखा घ्या’यावर किशोर कुमार नाराज झाले व त्यांनी मधूबालाला तंबी दिली,’मधू ही गंमत नाही आहे,कृपया असे करु नको,निदान ६ महिने तरी आराम कर’.मधुबाला यांची जगण्याची जिद्द पहाता त्या दोन नव्हे तर नऊ वर्ष जगल्या.अति व्यस्तेमुळे किशोर यांनी मधुबालाला त्यांच्या वडीलांकडे आणून सोडले होते.पण मधुबालाला किशोर सोबत राहायचे होते.आयुष्याच्या शेवटच्या टप्प्यावर मधुबाला यांनी खूप एकटेपणा सहन केला होता….!