मतदानाच्या तीन दिवस आधी देखील कामठीत मतदार नोंदणी!

कामठीत ५०० बूथ होते ज्यावर ५ लाख १ हजार मतदान झाले.३५ हजार वाढीव मतदान झालं.एकट्या नागपूर तालुक्यात साढे सतरा मतदार वाढले,पंचायत मधील मतदारांची संख्या ही देखील लक्षणीय होती.बिडगांव नगर पंचायतमध्ये २ हजार १६१,बहपूर खरबी मध्ये ५ हजार ८४,बेसा पिपळा मध्ये ३ हजार ६६७,नरसाळा हुडकेश्‍वरमध्ये ४ हजार ७१२ महादूला मध्ये ६७७,मौदा इत्यादी अश्‍या प्रत्येक बूथवर वाढीव मतदान झाले.कामठी नगरपालिकाही ‘अ‘दर्जाची नगरपालिका असून ३ हजार २६ मतदार वाढले होते.मूळात लोकसभा निवडणूकीनंतर अवघ्या चारच महिन्यात कामठीत अश्‍या किती इमारती उभ्या झाल्या की ज्यात हजारो मतदार वाढले?असा प्रश्‍न त्यांनी केला.

लोकशाहीची आणखी क्रूर थट्टा करीत निवडणूक आयोग माहिती अधिकारात ‘माहिती उपलब्ध नाही’असे उत्तर देते.आमचे नेेते राहूल गांधी यांनी महाराष्ट्राच्या निवडणूकीविषयी सत्य परिस्थिती सांगितली.भाजप नेते काँग्रेसने १७ हजार मते टाकली असा आरोप करते मात्र,१७ हजार हा आकडा त्यांच्याकडे आला कुठून?याचे उत्तर ते देत नाहीत.निवडणूक आयोगाने हा १७ हजार मतदारांचा आकडा स्पष्ट करुन दाखवावा,असे आव्हान त्यांनी केले.महाराष्ट्राची ही पहिली निवडणूक आहे ज्यात अंतिम मतदार यादी प्रसिद्ध झाल्यानंतर देखील मतदानाच्या तीन दिवस आधी मतदार नाेंदी होत राहीली!

मला स्वत:ला १ लाख ३४ हजार मत मिळून देखील पराभूत व्हावे लागले.२०१९ मध्ये देखील मी कामठी मतदारसंघातून १ लाख ४० हजारच्या जवळपास मते घेतली होती.यावेळी बोगस मतदारांकरवी माझा पराभव करण्यात आला,असा आरोप त्यांनी केला.

आता बिहारमध्ये निवडणूका आहे,त्यात भाजप महाराष्ट्राची पुनरावृत्ती करेल का?असा सवाल केला असता,यश-अपयश ही बाब गौण असून आमचा लढा हा भाजपशी नसून निवडणूक आयोगाशी असल्याचे ते म्हणाले.हरियाणाची निवडणूक जिंकण्यासाठी भाजपने हीच खेळी खेळली होती,याकडे त्यांनी लक्ष वेधले.आज ना उद्या सत्य हे बाहेर येईलच,असा  दावा त्यांनी केला.

महाविकासआघाडीतील काँग्रेसचे १६ उमेदवार विजयी झाले मग बोगस मतदार वाढीचा दावा कसा करता?ते कसे विजयी झाले?असा सवाल केला असता,काँग्रेसचे जे उमेदवार ७० -८० हजार मतदान मिळणारे होते ते विजयी झाले मात्र,ज्या उमेदवारांकडे २० ते २५ हजार मतदानाचे मार्जिन होती त्यांना निवडणूक आयोगाने बोगस मतदानातून पराभूत केले,असे भोयर यांनी सांगितले.वडेट्टीवार यासारखे मजबूत नेते यांना देखील १५ हजारांच्या मताधिक्याने विजय मिळवावा लागला,याकडे त्यांनी लक्ष वेधले.मी स्वत: २८ हजार मताधिक्याने विजयी झालो असतो असा दावा त्यांनी केला.

राहूल गांधी यांनी निवडणूक आयोगावर मॅच फिक्सिंगच्या केलेल्या आरोपावर उत्तर देताना निवडणूक आयोगाने,मतदानाच्या दुस-या दिवशी ‘आरो’ म्हणजे निर्णय अधिकारी तसेच ‘इओ’ म्हणजे निवडणूक निरीक्षक यांच्या समोर झालेल्या परिक्षणादरम्यान काँग्रेसच्या उमेदवारांनी किंवा त्यांच्या अधिकृत प्रतिनिधींनी मतदानाबद्दत कोणतेही आक्षेप नोंदवले नाही असे उत्तर दिले.याशिवाय मतदर यादी यांचे फेरनिरीक्षण जेव्हा केले जाते त्याची अंतिम प्रत सर्व राष्ट्रीय आणि राज्य पातळीवरील राजकीय पक्षांना प्रदान केली जाते,काँग्रेसने अंतिम मतदार यादी प्रसिद्ध झाल्यावर ठोस तक्रार नोंदवलीच नाही,असे निवडणूक आयोगाचे म्हणने आहे,यावर प्रश्‍न केला असता,आम्ही मतदार यादी व मतदानासंबंधीचे संपूर्ण विश्‍लेषण देशाच्या सर्वोच्च न्यालयात दिले आहे,निवडणूक आयोग तद्दन खोटे बोलत असून आम्हाला सर्वोच्च न्यायालयाकडून न्यायाची अपेक्षा आहे,असे ते म्हणाले.

…………………………….