भ्रष्ट अधिका-यांमुळे शहराचे आरोग्य धोक्यात:आ.विकास ठाकरे यांचा घणाघात

याला जबाबदार कोण?असा सवाल त्यांनी केला.

शहरात स्वच्छतेचा बोजवारा वाजला आहे,दहा-दहा दिवस कचरा उचलल्या जात नाही.शहराचे आरोग्यच पार बिघडले आहे.दहा वर्षात हाच विकास साधण्यात आला,घरा-घरात पाणी आणि घराघरात रुग्ण!फक्त विराेधकांवर टिका करण्याचा आमचा उद्देश्‍य नसून ,उपाय शोधण्याचे आवाहन आम्ही करतो.शहरातील तज्ज्ञांची मदत घ्या.शहरातील श्‍मशान घाटांची अवस्था देखील अतिशय दयनीय असल्याचे त्यांनी सांगितले.अंत्ययात्रेत शे-पाचशे लोक श्‍मशान घाटांवर असतात,किमान एक तास त्यांना उभेच राहावे लागते.त्यातही श्‍मशान घाटांवर इतकी अस्वच्छता आहे की डासांचा उपद्रव त्यांना स्वस्थ उभे ही राहू देत नाही.महिनो ना महिने श्‍मशान घाटातील कचरा उचलल्या जात नाही.घरी परतताना ते डेंग्यू,चिकन गुनियाच सोबत घेऊन येत असल्याची टिका विकास ठाकरेंनी केली.

अंबाझरी समोरील पूल चार वर्षांपूर्वीच सार्वजनिक बांधकाम विभागाने बांधला होता,आता तो अरुंद झाल्यामुळे अंबाझरी ओव्हर फ्लोचे पाणी तुंबत असल्याचा निष्कर्ष काढून तो पुन्हा तोडून रुंद बांधला जात आहे.हा जनतेचा पैसा असून वाट्टेल तसा उधळल्या जात असल्याचे ठाकरे म्हणाले.मनपा,नासुप्र किवा सार्वजनिक बांधकाम विभागाचे अभियंते यांना शहराचे शास्त्रशुद्ध नियोजन देखील करता येत नसेल तर पगार कशाचा घेतात?असा सवाल त्यांनी केला.

अंबाझरी येथील डॉ.बाबासाहेब आंबेडकर यांच्या स्मारकासाठी शासनाने आता १० कोटींचा निधी मंजूर केला आहे,याकडे लक्ष वेधले असता,ते पैसे स्मारक तोडणा-या प्रकल्पाच्या विकासकाकंडून वसूल करावे असे ठाकरे म्हणाले.पाचपावलीत अम्ली पदार्थाच्या कारखान्यावर मुंबईच्या महसूल गुप्तचर संचालनाच्या पथकाने छापा टाकून ७४ कोटी रुपयांचे  ५० किलो एमडी व ते बनवण्यासाठी १०० किलोचा कच्चा माल जप्त केला.गृहमंत्र्यांच्या शहरात झालेल्या या कारवाईकडे कसे बघता?असा सवाल केला असता,हे पोलिस विभागाचे कार्य आहे,ते करीत आहेत की नाही हे बघणे गृहमंत्र्यांचे काम असल्याचे त्यांनी सांगितले.शहरात जुआ,सट्टाचे देखील प्रमाण वाढले आहे.याबद्दल गृहविभागाला विचारणा केली जाईल प्रसंगी विधान सभेत लक्षवेधी लाऊ,असे ठाकरे म्हणाले.शहरात सर्वदूर ‘ओयो‘हॉटेल्सने देखील धुमाकूळ घातला असून,पोलिसांकडून त्या हॉटेल्सच्या रजिस्टरची कोणतीही तपासणी होत नसल्याचा आरोप त्यांनी केला.शहरात कोणताही उद्योपती आला व हॉटेलमध्ये थांबला तरी आधारकार्ड बघूनच त्याच्या नावाची नोंद रजिस्टरमध्ये केली जाते.सेमिनरी हिल्समधील आेयो हॉटेलमध्ये नागरिकांनी रंगेहात जाेडप्याला पकडले तरी पोलिसांनी त्या हॉटेलचे रजिस्टर तपासण्याची तसदीही घेतली नाही,असा आरोप त्यांनी केला.

नागपूरातील ६ विधानसभेच्या जागेसाठी ७१ इच्छूकांनी अर्ज केला,काँग्रेस कमेटी उमेदवारांची निवड कशी करेल?असा प्रश्‍न केला असता,हायकमांडचे स्पष्ट निर्देश आहेत,ज्यांना तिकीट नाही मिळाले त्यांनी पक्षासाठी व उमेदवारासाठी एकोप्याने काम करावे,येत्या ८ दिवसात नागपूरातील उमेदवाराचंी निश्‍चिती होईल,असे उत्तर त्यांनी दिले.

याप्रसंगी बोलताना विशाल मुत्तेमवार म्हणाले की,येत्या काही काळात शहराची लोकसंख्या ही ५० लाखांच्या वर जाईल,त्या अनुषंगाने शाश्‍वत विकास शहराचा साधला जात नाही आहे.स्ट्रॉम वॉटर ड्रेनेज व्यवस्था ही या शहराची सर्वात निकडीची गरज बनली आहे.सखल भाग कोणता आहे याची टोपोग्राफीद्वारे माहिती काढायला हवी.अनेक ठिकाणी नाल्यांवर अनाधिकृत बांधकाम करण्यात आले आहे,शहराचा श्‍वास आता गुदमरतोय,शहराच्या नियोजित व शाश्‍वत विकासासाठी आम्ही हस्ताक्षर मोहिम राबवित असून ते आम्ही प्रशासन व नेत्यांना देऊ.जनतेच्या मनात काय आहे हे सांगू.इतकंच नव्हे तर निवेदनासोबतच आम्ही उपाययोजना देखील सूचवणार असल्याचे त्यांनी सांगितले.भ्रष्ट अधिकारी व ठेकेदारांच्या मनमानी कारभारामुळे दरवर्षी शहराचे रुपांतर कृत्रिम जलाशयात होत असून त्या विरोधात सुरु असलेल्या आमच्या अभियानात सहभागी होण्यासाठी ०७१२-७१९१२३२ या क्रमांकावर मिसकॉल द्या किवा https:/chng.it/LNvWH25gnb लिंकवर क्लिक करुन ऑनलाईन पिटीशन साईन करण्याचे आवाहन त्यांनी नागरिकांना केले.