उपराजधानी नागपूरच्या शिरपेचात आणखी एक मानाचा तुरा
नागपूर,ता.९ जून २०२२: संघटनात्मक निवडणुकीतून युवक काँग्रेसला अधिक बळकट करण्यासाठी सुरू असलेल्या प्रयत्नांत राष्ट्रीय सचिव बंटी शेळके यांना सरचिटणीसपदी पदोन्नती देण्यात आली. तर, उपराजधानीतून विधानसभा सचिव अजितसिंह यांनी थेट राष्ट्रीय सरचिटणीस करण्यात आले आहे. काँग्रेसचे राष्ट्रीय सरचिटणीस के. सी. वेणुगोपाल यांनी गुरुवारी नवीन पदाधिकाऱ्यांची घोषणा केली.
युवक काँग्रेसचे प्रदेशाध्यक्ष कुणाल राऊत तसेच राष्ट्रीय पातळीवर बंटी शेळके व अजितसिंह यांच्यामुळे संघटनेत नागपूरचे वजन वाढले आहे. हिमाचल प्रदेशच्या धर्मशाळा येथे राष्ट्रीय कार्यकारिणी सुरू असताना युवक काँग्रेसची घोषणा झाली. बंटी शेळके यांचे नाव बऱ्याच दिवसांपासून चर्चेत होते. दीड महिन्यापूर्वी आरटीओविरुद्ध केलेले भ्रष्टाचाराचे आरोप व आंदोलनामुळे त्यांच्यावर गुन्हा दाखल झाला. त्यामुळे ते कारागृहात होते.
पंजाबचे प्रभारी बंटी शेळके यांची अनेक आंदोलने गाजली. शेतकरी आंदोलनात सिंधू सीमेवर ते ७२ दिवस होते. कोव्हिडच्या संकटात मदतकार्य आणि सेवा उपलब्ध करून देण्यात त्यांची टीम आघाडीवर होती. पक्षाध्यक्ष सोनिया गांधी, राहुल गांधी आणि प्रियांका गांधी; तसेच राष्ट्रीय अध्यक्ष श्रीनिवास बी. व्ही., संघटनेचे प्रभारी कृष्णा अलवेरू यांच्यासोबत वा मतदारसंघात त्यांनी संघटनेचे काम केले. कर्नाटक, मध्य प्रदेश, दिल्ली विधानसभा, उत्तर प्रदेश लोकसभा निवडणुकीत त्यांनी विविध जबाबदाऱ्या सांभाळल्या. केरळच्या छाननी समितीचे ते अध्यक्ष होते.
पक्षाने सर्वसामान्य कार्यकर्त्यास न्याय दिला आहे. पदोन्नतीमुळे जबाबदारी वाढली असली; तरी, कार्यकर्त्यांना सक्रिय करणे व संघटना बळकट करण्यावर भर राहील, असे बंटी शेळके यांनी सांगितले.मेरा पद भी तुम हो.. मेरा संघटन भी तुम हो… मेरी दुनिया भी तुम हो…. मेरे जीवन की हर ख़ुशी भी तुम हो….. ये पदोन्नती बाबा के नाम….!
अश्या शब्दात बंटी शेळके यांनी ट्वीटरवर आपले यश आपल्या वडीलांच्या चरणी समर्पित केले.
आमचे चॅनल subscribe करा
