निवडणूक जिंकण्यासाठी अधिका-यांचा इस्त्रायल दौरा!

दक्षिण नागपूरातील काँग्रेसचे पराभूत उमेदवार गिरीश पांडव यांनी ३ लाख रुपये भरुन आक्षेप नोंदवला.आम्ही फेरमतमोजणी करणारा नसून केवळ मेमरी तपासणार आहोत,असे उत्तर निवडणूक आयोगाने स्पष्ट केले….!निवडणूक निकाल जाहीर झाल्याबरोबर सात दिवसांच्या आत दुस-या व तिस-या क्रमांकावरील सर्वाधिक मते मिळालेल्या उमेदवाराला  ५ टक्के ईव्हीएमची पुन्हा तपासणी करण्यासाठी अर्ज करता येतो.निकाल लागल्यानंतर ४५ दिवस ईव्हीएम त्या-त्या विधानसभा मतदारसंघातील स्ट्रॉगरुममध्ये सुरक्षीत ठेवली जातात.निवडणूक आयोगाच्या मार्गदर्शनात अभियंत्याच्या उपस्थितीत ही तपासणी होत असते.अर्ज प्राप्त झाल्यानंतर विधानसभा मतदारसंघातील जास्तीत जास्त ५ टक्के मतदान केंद्रांवरील ईव्हीएम तपासता येतात.मात्र,यासाठी अर्ज करणा-या उमेदवाराला प्रत्येक मतदान केंद्रानुसार ४० हजार रुपये शुल्क व १८ टक्के जीएसटी असे एकुण ४८ हजार २०० रुपये भरावे लागतात.

या तपासणीत मतांची पुन्हा मोजणी करता येत नाही.केवळ यात ईव्हीएमची ‘बर्न्ट मेमरी आणि मायक्रोकंट्रोलर‘तपासले जातात.तपासणीसाठी पूर्ण सेट निवडावा लागतो.यात कंट्रोल युनिट,बॅलेट युनिटचा समावेश असतो.विधानसभा मतदानकेंद्रानुसारही ईव्हीएम निवडण्याची मुभा उमेदवाराला दिली जाते.अभियंत्याकडून मेमरी-मायक्रोकंट्रोलरची पडताळणी होते.या तपासणीत ईव्हीएममध्ये गडबडी झाल्याचे पुढे आल्यास उमेदवाराने त्यांनी भरलेले पैसे परत मिळत असतात.

नागपूरातील हिंगणा मतदारसंघात वानाडोंगरी येथील वायसीसीसीई कॅम्पस मधील महात्मा गांधी इंग्लिश मीडीयम हायस्कूल येथे दर निवडणूकीत सात-सात मतदान केंद्रे असतात.या शिक्षण संस्थेचे सचिव भाजपचे आमदार असलेले समीर मेघे असून शरद पवार गटाचे माजी आमदार विजय घोडमारे व पक्षाचे  यांनी जिल्हाध्यक्ष प्रवीण कुंटे आक्षेप घेत नागपूर खंडपीठात याचिका दाखल केली होती.परंतु.न्यायालयाने ही याचिका तथ्यहिन असल्याचे सांगत फेटाळली.ही शाळा मेघे ग्रुप्स ऑफ इन्सिटीट्यूटतर्फे संचालित केली जाते.या शाळेमध्ये मतदान क्र.२६०.२६१.२६२,२६३,२६४,२६५ आणि २६६ असे सात मतदार केंद्र आहेत.नियमानुसार मतदान केंद्रे ही शासकीय शाळा,महाविद्यालय किंवा संस्थेच्या परिसरामध्ये असायला हवे.मात्र,ही सात केंद्रे उमेदवार असलेले समीर मेघे यांच्याच खासगी शाळेत असतात.त्याचा प्रभाव मतदारांवर पडत असून मुक्त आणि निष्पक्ष निवडणूकीत अडथळा निर्माण होत असल्याचा दावा याचिकाकर्त्यांनी केला होता.ही अवैध मतदार केंद्रे इतर ठिकाणी स्थानांतरित करावी,अशी विनंती याचिकेतून करण्यात आली होती.

हिंगणा विधानसभा मतदारसंघातील मतदार यादीवर ८ हजार ८७० आक्षेप आले होते,विजय घोडमारे यांनी हिंगण्यात ९ हजार बोगस मतदार असल्याचा आरोप केला होता.याचिकेनुसार,निवडणूक आयोगातर्फे २०२० मध्ये जाहीर करण्यात आलेल्या मतदारयादीमध्ये अनेक मतदारांची नावे दोन ते तीन वेळा आढळून आली आहे.घोडमारे यांनी ही नावे वगळण्याची मागणी केली होती.१ जुलै २०२४ रोजी पुन्हा मतदारयादी जारी करण्यात आली आणि याचिकाकर्त्याने पुन्हा त्यावर आक्षेप घेतला.परंतु,त्यावर कुठलाही निर्णय न घेण्यात आल्याने याचिकाकर्त्याने उच्च न्यायलयात धाव घेतली होती.वानाडोंगरी परिसरातील अभियांत्रिकी,वैद्यकीय आणि वर्धा येथील वैद्यकिय महाविद्यालयातील विद्यार्थ्यांची नावे हिंगणा मतदारसंघात समाविष्ट करण्यात आली असून या विद्यार्थ्यांच्या अाधार कार्डवरील मूळ पत्ता बदलून वानाडाेंगरी व परिसराचा पत्ता दाखविण्यात आला आहे.कुठलही शहनिशा न करता ही नावे मतदार यादीत समाविष्ट करण्यात आली असल्याचा आरोप निवडणूक आयोगाकडे करण्यात आला होता.४० हजार मतदारांची नावे नागपूरातील वेगवेगळ्या मतदार यादीत असून त्यांची नावे हिंगणा मतदारसंघात देखील समाविष्ट असल्याचा आरोप त्यांनी केला…!यावर निवडणूक आयोगाच्या नियमानुसार योग्य ती कारवाई करण्याचे आश्‍वासन निवडणूक निर्णय अधिकारी जिल्हाधिकारी डॉ.विपीन इटनकर यांनी दिले होते.