निवडणूक खुमारी….लई भारी

लाडकी बहीण योजनेचा फ्लॅगशिप कार्यक्रमात देखील त्यांनी फक्त स्वतःलाच प्रोजेक्ट केले. तुमसर आणि भंडारा हे दोन्ही महत्वाचे मतदारसंघ जाणिवपूर्वक वगळून मुद्दामून हा कार्यक्रम साकोलीत आयोजित केला. कार्यक्रम जिल्ह्याचा होता पण फक्त साकोली विधानसभेतूनच गाड्या लावून महिला भगिनी कार्यक्रमात आणल्या गेल्या, मुख्य म्हणजे इतर कोणाही संभाव्य उमेदवारास त्यांनी या कार्यक्रमात भटकू दिले नाही. जिल्हा महामंत्री, तालुका अध्यक्ष, विविध आघाड्यांचे पदाधिकारी कुणीही कार्यक्रमात येऊ नये याची जाणिवपूर्वक काळजी घेतली. इतर सर्वच जिल्ह्यांमध्ये महिला भगिनींसोबतच पक्षाचे इतर नेतेही कार्यक्रमाला उपस्थित होते. साकोलीत मात्र या कार्यक्रमाच्या निमित्ताने कार्यकर्त्यांना हे एकट्याचेच पर्व आहे असा अनुभव आला.

भंडारा जिल्हा ऐकेकाळी भाजपचा बालेकिल्ला म्हणून ओळखला जायचा. पक्षासाठी जीव ओतून काम करणारे देव दुर्लभ कार्यकर्ते आणि आपल्या कार्यकर्त्यांची तेवढीच काळजी घेणारे नेते असे समीकरण भंडारा जिल्ह्यात सातत्याने पहायला मिळत होते. मात्र जेव्हापासून या जिल्ह्याला बाहेरचा अहंकारी वारा लागला तेव्हापासून जिल्ह्यात पक्षासाठी बुरे दिन सुरु झाले आहेत. सामुहिक नेतृत्व व सर्वांना सोबत घेऊन चालणार्‍या नेतृत्वाची वानवा असल्यामुळे कार्यकर्त्यांना आता पक्षाचे नव्हे तर वेगवेगळ्या नेत्यांचे पर्व पहावे लागत आहेत. पक्षाच्या नेतृत्वाने वेळीच याची दखल घेतली नाही तर विधानसभा निवडणुकीत भंडारा जिल्ह्याचे तिन्ही मतदारसंघ काॅंग्रेसला आंदण दिले जातील अशी भीती कार्यकर्त्यांना वाटत आहे.

………………………………..

(निवडणुकीच्या पार्श्वभूमीवर काही राजकीय चर्चा, गमतीजमती, किस्से, उखाळे पाखाळे काही खमंग चर्चा खास ‘सत्ताधीश’च्या वाचकांसाठी प्रसिद्ध केली जात आहे..लेखक,वाचक कोणीही असू शकतो)