नागपूरात अंदाजे पन्नास टक्के मतदान:काय-काय घडलं?

(छायाचित्र :गडकरी यांचे पत्र)

गडकरी स्वत:या प्रभागाचे मतदार असून त्यांनी या प्रभागात अनेक प्रचार सभा घेतल्या.मतदारांपर्यंत घरोघरी त्यांचे, आवाहन करणारे पत्र ही पोहोचले.शेवटच्या क्षणी कोणीही घात करु नये म्हणून बैठकांचा जोर ही गडकरींनी लावला.स्वत:चा मतदार संघ सोडून राज्याचे मुख्यमंत्री यांचा रोड-शो देखील याच मतदारसंघात झाला.यावरुन निदान भाजपसाठी तरी हा प्रभाग किती ‘संवेदनशील’आहे हे निर्दशनास येतं.परिणामी,सर्वात जास्त कोंडी झाली ती या प्रभागातील भाजपनिष्ठ कार्यकर्त्यांची.‘कोणता झेंडा घेऊ हाती’या गीताप्रमाणे अवस्था होऊन ’कोणते बटन दाबू हाताने’या अवस्थेपर्यंत मनोवस्था पोहोचली.उद्याच्या मतमोजणीत निकाल कळेलच मात्र,या प्रभागात ‘तीन कमळ एक सेब’(सेब हे भाजपचे बंडखोर अपक्ष उमेदवार धीरज चव्हाण यांचे निवडणूक चिन्ह आहे)याचीच चर्चा आज दिवसभर रंगली होती.मतदान केंद्रांवर आपल्या नावाचा शोध घेणा-या भाजपनिष्ठ मतदारांपर्यंत ’तीन-एक चालवा’हा संदेश योग्यरित्या पोहोचविल्या जात होता.परिणामी,महालच्या या किल्ला प्रभागात महापौर पदाचे प्रबळ दावेदार यांचा शोध भाजपचेच पदाधिकारी व श्रेष्ठी थांबविण्यात यशस्वी होतात का?याकडे संपूर्ण महालकरांचे लक्ष लागले आहे.प्रभाग क्र १८ मधून भाजपने बंडू राऊतसह सारिका नांदूरकर,वैशाली उदापूरकर तसेच सचिन नाईक यांना उमेदवारी दिली आहे तर काँग्रेसने नयन तरवटकर,शारदा लृटे,कृतल आकरे व प्रकाश बांते यांना मैदानात उतरवले आहे.