नागपूरातील शंभरावे मराठी नाट्य संमेलन देखील येणार वादाच्या भोव-यात!

सभासद नोंदणीचे गौडबंगाल: दामले यांचे कानावर हात

नागपूर,ता.१५ एप्रिल २०२५: अखिल भारतीय मराठी नाट्य परिषदेचे शंभरावे विभागीय नाट्य संमेलन येत्या २४ एप्रिल पासून नागपूरातील सुरेश भट सभागृहात पार पडणार आहे.या उपक्रमाची माहिती अ.भ.मराठी नाट्य परिषदेचे अध्यक्ष व प्रसिद्ध अभिनेते प्रशांत दामले यांनी आज प्रेस क्लब येथे पत्रकार परिषद घेऊन दिली मात्र,या संमेलनाच्या तोंडावर पुन्हा एकदा जुन्या वादाला तोंड फूटले आहे.९९ वे मराठी नाट्य संमेलनाचा थाट याच नागपूर नगरीत पार पडला होता.त्यावेळी नागपूरातील अनेक नाट्यकर्मींनी त्यात मोलाचा वाटा उचलला होता.प्रसंगी पदरातले पैसे ही खर्च केले,परंतू नंतर हेच पैसे नागपूर शाखेकडून परत मिळवताना अनेकांना ३३ कोटी देव आठवावे लागले.अनेकांना अद्याप ते पैसे मिळालेच नाही,एका नाट्यकर्मीला चिटणीस पार्क येथील दूकान विकून देणगीदारांचे पैसे चुकवावे लागले.याशिवाय नागपूर शाखेत सदस्यता नोंदणी,आर्थिक अनियमितता,मध्यवर्ती शाखेची परवानगी न घेताच बँक खाते बदलणे,झाडीपट्टी रंगभूमी महोत्सवात नागपूर शाखेच्या एका पदाधिका-याद्वारे किमान साठ झाडीपट्टी संस्थांचे नाटक डावलून स्वत:चे नाटक सादर करने,त्याचे १५ प्रयोग सादर करने,मध्यवर्तीकडून त्यासाठी १५ लाख रुपये प्राप्त करने,महत्वाचे म्हणजे मध्यवर्तीने संस्थेच्या नावे धनादेश न देता ‘व्यक्ति‘च्या नावे धनादेश देणे इत्यादी अनेक मुद्दांवर शंभराव्या संमेलनाच्या उद् घाटनाच्या दिवशीच नागपूरातील काही नाट्यकर्मींनी आंदोलनाचा शंखनाद फूंकण्याचा निर्धार केला आहे.

अनेक नाट्यकर्मींनी नागपूर शाखेत वारंवार होणा-या गैरव्यवहाराबाबत अ.भा.मराठी नाट्य परिषदचे अध्यक्ष(प्रमुख कार्यवाह)यांना पत्र लिहून या मुद्दांकडे लक्ष वेधले आहे.९९ व्या नाट्य संमेलनाचा हिशेबा संदर्भात वारंवार माहिती मागवून,पत्रव्यवहार तसेच माहिती अधिकारात माहिती मागून सुद्धा देण्यात आली नसल्याचे त्यांनी नमूद केले.या हिशोबाबाबत नागपूर शाखा व मध्यवर्ती शाखा मौन आहे.महत्वाचे म्हणजे नागपूर शाखेचे बँक खाते, हे बँक ऑफ महाराष्ट्र या राष्ट्रीयकृत बँकेत असताना अचानक नागपूर शाखेचे खाते. सहकारी पत संस्थेत उघडण्यात आले, जे संस्था नोंदणी अधिनियम तसेच महाराष्ट्र सार्वजनिक विश्‍वस्त निधी कायद्याच्या अनुषंगाने बेकायदेशीर कृती असल्याचा अरोप नाराज नाट्यकर्मींनी पत्राद्वारे केला.

याशिवाय १०० व्या नाट्य संमेलना अंतर्गत झाडीपट्टी रंगभूमीचे संवर्धन व्हावे व त्याचा प्रचार प्रसार व्हावा या अनुषंगाने प्रयोग घेण्यात आले व या प्रयोगाचे मानधन देखील देण्यात आले.परंतू,झाडीपट्टी रंगभूमीची एक संघटना असताना सुद्धा त्या संघटनेस या प्रयोगाची माहिती देण्यात आली नाही!झाडीपट्टी रंगभूमीमध्ये किमान ६० संघटना अस्तित्वात असताना केवळ विशेष एकास प्राधान्य देण्यात आले.त्या नाट्यकर्मीच्या १५ प्रयोगांसाठी १५ लाख रुपये संस्थे ऐवजी व्यक्तिगत खात्यात जमा करण्यात आले.या आर्थिक गैरव्यवहाराबाबत झाडीपट्टी संघटनाने अनेकवेळा मध्यवर्तीकडे पत्रव्यवहार केला मात्र,त्याचे कोणतेही उत्तर त्यांना प्राप्त झालेले नाही!

सभासद नोंदणीमध्ये हेतुपुरस्सर नव्या सभासदांची नोंदणी गेल्या अनेक वर्षांपासून नागपूर शाखेत थांबविण्यात आली आहे जेणेकरुन निवडणूकीत फक्त एकाच पॅनलला फायदा पोहोचावा.अ.भा.मराठी नाट्य परिषद नागपूर शाखेत दिनांक ३० मे २०१९ रोजी २०० सभासद,१२ फेब्रुवरी २०२० रोजी ३४ सभासद व १८ नोव्हेंबर २०२० रोजी १०२ सभासद असे एकूण ३३६ सभासद बनविण्यात आले.२०२३ च्या निवडणूकीचे मुख्य निवडणूक अधिकारी गुरुनाथ दळवी यांना या संपूर्ण सभासदांवर आक्षेप घेण्यासाठी पत्र लिहण्यात आले होते,नवीन कार्यकारिणी घोषित झाल्यावर सगळे आक्षेप त्यांच्याकडे सुर्पूर्द करु व नवीन कार्यकारिणी त्यावर निर्णय घेईल असे आश्‍वासन दळवी यांनी दिले होते मात्र,दळवी यांच्या पत्राचे पुढे काय झाले?त्यांनी सदर पत्राची प्रत नवीन अध्यक्षांना सुपुर्द केली का?केली असल्यास अध्यक्षस्तरावरुन प्रशांत दामले यांनी त्यावर काय कारवाई केली?याची कोणतीही माहिती नागपूरातील नारज नाट्यकर्मींना मिळाली नाही.