आम आदमी पक्ष्ातर्फे अतिरिक्त मनपा आयुक्त संजय निपाणे यांना निवेदन
आंदोलनाचा दिला इशारा
नागपूर,ता. २० जुलै: उत्तर नागपूर प्रभाग ५ अंतर्गत नवी मंगळवारी भागात सुमारे ३०० वर्ष जुना तलाव असून गेल्या २० ते ३० वर्षांपासून हा तलाव दुर्गंधीयुक्त व रोगराईस आमंत्रण देणारा झालेला आहे . हा तलाव पूर्वी तीन एकर परिसरात होता . या तलावाचे पाणी परिसरातील लोक पिण्यासाठी वापरत होते . कालांतराने तलावाच्या आजूबाजूला अतिक्रमण झाल्यामुळे तलाव फारच लहान झाला . या तलावात सिवरेजचे पाणी तसेच आजूबाजूला घाण, कचरा व निर्माल्य यामूळे तलाव पूर्णपणे दूषित झाला आहे . यामूळे परिसरातील नागरिकांना अनेक प्रकारच्या आजाराशी सामना करावा लागत आहे .या विषयी आम आदमी पार्टी उत्तर नागपूरचे सह संयोजक विजय नंदनवार यांच्या नेतृत्वात संजय निपाणे अतिरिक्त आयुक्त , नागपूर महानगर पालिका यांना निवेदन देण्यांत आले .
तलावाच्या सौंदर्यीकरण करण्याकरिता येथील नागरिकांनी स्थानिक नगरसेवक , स्थानिक आमदार व खासदारांना व मनपा अधिकारी यांना निवेदने दिलीत परंतू याकडे दुर्लक्ष केल्या गेले .यापूर्वी २६ मार्चला सहायक आयुक्त सतरंजीपूरा झोन यांना आम आदमी पक्षाच्या वतीने निवेदन देण्यात आले .
तलावाच्या सौंदर्यीकरणाच्या कामाला सुरुवात न झाल्यास आंदोलन करण्याचा इशारा देण्यांत आला , परंतू प्रशासनाने निवेदनाला केराची टोपली दाखविली . नागपूरला स्मार्ट सिटी बनविण्याच्या दृष्टिने प्रयत्न केले जात असताना उत्तर नागपूरातील या ऐतिहासीक तलावाकडे स्थानिक पदाधिकारी व प्रशासनाचे अक्ष्म्य दूर्लक्ष दिसून येते .
सौंदर्यीकरणाच्या कामास सुरुवात झाली नाही तर आम आदमी पक्षाच्या वतीने दिनांक २६ जुलै दुपारी २ ते ४ दरम्यान नारे निदर्शने करण्यात येईल , तसेच 3३ ऑगष्ट ला दुपारी १२ ते २ या वेळांत सतरंजीपूरा झोन कार्यालयावर लोकशाही मार्गाने मोर्चा काढण्याचा इशारा आम आदमी पक्ष्ाने दिला.
या उपरोक्त काहीही कार्यवाही न झाल्यास दि ९ ऑगस्ट क्रांती दिनापासून तलावाजवळ बेमुदत साखळी उपोषण करण्यांत येईल असा इशारा देण्यांत आला .
यावेळी आम आदमी पक्षाचे शहर सचिव भूषण ढाकुलकर , उत्तर नागपूर विधानसभा संयोजक रोशन डोंगरे , संघटन मंत्री प्रदिप पौनीकर ,सचिव गुणवंत सोमकुवर, प्रभाग सचिव राज कुंभारे , वार्ड अध्यक्ष योगेश पराते , अमित अंबादे , उत्तर नागपूर महिला संघटन मंत्री स्विटीताई इंदोरकर , उत्तर नागपूर युवा संयोजक स्वप्नील सोमकुंवर , जगदिश रोकडे इ. पदाधिकारी उपस्थित होते .
आमचे चॅनल subscribe करा
