देवीचा मंत्र आणि संभाेग!

नागपूर,ता.२२ मार्च २०२६: गेल्या तीन दिवसांपासून (पुरोगामी?)महराष्ट्रात सर्व प्रसार-प्रचार माध्यमांमध्ये नाशिकचा नराधम,विकृत लिंगपिसाट,भोंदूबाबा वगैरे विशेषणे लागलेल्या अशोक खरातच्या ‘खरात फाईल्स’चीच चर्चा आहे.मात्र,जे कोणत्याही इलेक्ट्रॉनिक मिडीयामध्ये नाही ती चर्चा समाज माध्यमात मोठ्या प्रमाणात व्हायरल झालेली दिसून पडते.त्यातील एक बोलकी पोस्ट म्हणजे,महाराष्ट्रातील गृहखात्याकडे या अशोक खरातांचे प्रकरण खूप आधीपासूनच ‘प्रलंबित’होते.योग्य वेळ येण्याचीच वाट होती!उपमुख्यमंत्री एकनाथ शिंदे यांच्या दिल्लीवारीनंतर या फुग्याला टाचणी लावण्यात आली,एवढंच!

चार दिवसांपूर्वी फोडलेल्या फुग्याच्या यज्ञकुंडात रुपाली चाकणकरांची प्रतिकात्मक आहूती पडली.निशाण्यावर मात्र चाकणकर नव्हत्याच.फक्त ‘त्यांची‘पण चाकणकरांसारखीच गत होऊ शकते हा ‘त्यांना’योग्य इशारा पोहोचला.चाकणकरांनी केलं त्याहून अधिक तुम्ही केलं आहे,ज्याचे आमच्याकडे सगळे रेकॉड्स आहेत,असा मॅसेज ज्याला द्यायचा होता,तो योग्यरितीने पोहोचला,फक्त यासाठीच एसआयटी व विशेष पोलिस कृतीदल इत्यादीचा खटाटोप होता.पिडीतांना न्याय वगैरे ‘साेपस्कार’आहेत.असा सूर समाज माध्यमांमध्ये उमटलेला दिसून पडतो.

या रेकॉड्समध्ये कोणाकोणाचे ओंगळवाणे ‘दिव्यदर्शन ‘आहेत हे सांगणे मात्र कठीण आहे.खरातचे खारे लिंबू शरबत म्हणजे त्यांचे बाटलीत भरलेले मूत्रप्राशन किती सत्ताधीशांनी केले?या शरबतातील भस्म म्हणजे इंद्रियोत्तेजक (वायग्रा)गोळ्यांचे चूर्ण याचा वापर कसा होत होता,हे सगळ्या जगाने पाहिले आहे.कोणी-काेणी केला,हे साक्षात ‘कामदेवालाच’माहित.मात्र,या खरात बाबांचा ‘योनी शुद्धीकरणाचा’एक व्हिडीयो तर राजकीय कार्यकर्त्यापासून तर पत्रकारांपर्यत प्रत्येकाला सहज उपलब्ध झाला आहे. अर्थात,या व्हिडीयोमधील महिलेला देखील अनेकांनी दोष दिला आहे.मात्र,अश्‍या या बाबाबुवांकडे वशीकरण शक्ती ही असते हे मान्य करावंच लागेल.तिच्या सासरची मंडळी ऑफिसच्या बाहेर बसलेली दिसत असताना ती कामुकतेनी आसुसलेली होती,असा आरोप चुकीचा असू शकतो.ती फक्त त्या खरातच्या आदेशांचे पालन करीत होती,जो वशीकरणातून तिला करण्यास सांगत होता.तिला एकटीला ऑफिसच्या आत बाेलावून दार लावून घेत या बाबांनी जे-जे काही तिच्यासोबत केले ते ओंगळवाणे तर होतेच मात्र,ते अधिक संतापजनक यासाठी होते कारण ते तो सर्व धर्माच्या नावावर करीत होता.तिला टेबलवर बसवून उभ्याने संभोग करीत असताना दुर्गा मंत्र ऐकू येत होते.

‘ ऊँ सर्व मंगल मांगल्ये शिवे सवार्थसाधिके शरण्य त्रंब्यके गौरी नारायणी नमोस्तुते….!’हे दुर्गा मंत्राचे उच्चार स्पष्टपणे ऐकू येतात!या मंत्राचा अर्थ,सर्वांचे कल्याण करणारी,शिवस्वरुप,सर्व इष्ट पूर्ण करणारी,शरण आलेल्यांना रक्षण करणारी,त्रिनेत्रा गौरी,हे नारायणी,तुला माझा नमस्कार,असा होतो.हे मंत्र सामान्यत: सर्व शुभ प्रसंगी,नवरात्री आणि पूजेमध्ये वापरले जाते.ज्यातून बुद्धी,शक्ती आणि समृद्धी मिळते.‘खरात फाईल्स’च्या एकूण ५८ व्हिडीयोजपैकी प्रत्येकाच्या मोबाईलवर उपलब्ध झालेल्या या एका व्हिडीयोमध्ये हे मंत्र स्पष्टपणे ऐकू येत आहे आणि हा बाबा चक्क त्यावेळी त्या महिलेसोबत संभोग करीत होता….!महिलेच्या भाबड्या विश्‍वासहर्तेचा तो गैरफायदा उचलत होता.स्वत:ला कृष्णाचा अवतार व महिलांना तो गेल्या जन्मीची त्याची ‘राधा’सांगत होता.

या अवतारीबाबाला सर्व तंत्रमंत्र,वशीकरण विद्या,काळी जादू,जारण-मारणसाखी विद्या अवगत असल्याचे सांगितल्या जातं.हे सगळं उघडपणे घडत असताना,सनातनी हिंदू धर्माचे पाईक मात्र,पेटून उठले नाही किंवा अंधश्रद्धेविरोधात मरेपर्यंत झटणारे व प्रसंगी हौत्यात्म पत्करणारे नरेंद्र दाभोळकरांसोबत जे केले तशी कृती ही केली नाही.२० मार्च २०१३ साली पुण्यात या वैज्ञानिक दृष्टिकोण असणा-या व मानवी हक्कांचे समर्थक असणा-या दाभोळकरांची गोळ्या झाडून हत्या करण्यात आली.त्यांनी १९८९ साली ‘महाराष्ट्र अंधश्रद्धा निर्मूलन समिती’स्थापन केली होती.ग्रामीणच नव्हे तर अगदी शहरी भागातील महिलांचे देखील अंधश्रद्धेतून कसे शोषण होतं हे त्यांनी अनेक उदाहरणातून जगाला सांगितले.त्यांनी हिंदू देवी-देवतांच्या नावावर समाजात सर्रास चाललेल्या बुवाबाजीवर सडकून टिका केली.मात्र,त्यांच्या विचारांचं मोल काही समाजकंटक आणि ‘अधर्मी’लोकांना कळलेच नाही.आज खरात फाईल्समधून जे बाहेर पडत आहे,ते काय आहे?एकीकडे मां दूर्गाच्या मंत्रांच्या उर्जावान लहरी तर दुसरीकडे कामुकतेने पछाडलेला बेडर व निर्लज्ज अशोक खरात,..किती क्रूर थट्टा त्या शक्तीच्या देवीची….दूसरी थट्टा परमेश्‍वराच्या निर्मितीची जिला स्त्री संबाेधलं जातं….!किती सनातनी हिंदूचे हात शस्त्र हाती घेण्यास सळसळले?धर्म विटंबनेच्या नावावार निरपराध दाभोळकरांची सुनियोजित हत्या करण्यास मात्र, तेच हात पुढे सरसावले होते….!

ज्या पिडीतेने पोलिसांकडे बलात्काराची तक्रार केली ती तिच्या कुटूंबियांसोबत २०२२ मध्ये खरातकडे गेली होती.तिचे लग्न जुळत नव्हते.खरातनी तिला एक तावीजसारखं गळ्यात घालायला पॅण्डल दिलं.ते तिने घातलं.याच दरम्यान तिचं लग्न देखील जुळलं. मात्र,परिक्षा असल्याने व परिक्षा कक्षाच्या नियमांमुळे तिने ते काढून ठेवलं.योगायोगाने तिच्या लग्नाची बोलणी तुटली.ते पॅण्डल काढल्यामुळेच तिचं लग्न तुटलं असा तिचा समज झाला व ती खरातकडे गेली.यानंतर खरातने तिच्यासोबतही तेच केलं जे इतर स्त्रियांसोबत करीत होता.२०२२ पासून तर २०२६ पर्यंत तिचं शारीरिक शोषण झाल्याने व खरात करीत असलेल्या उपचाराचा तिला कोणताही फायदा न झाल्याने अखेर तिने पोलिस ठाण्यात खरात विरोधात बलात्काराची तक्रार नोंदवली.मात्र,ही पिडीता समोर येण्यापूर्वीच खरात विरोधात कायदेशीर कारवाईसाठी पोलिस विभाग सज्ज झाला होता.

४ मार्च २०२५ रोजी नगरच्या श्रीरामपूरमध्ये एक बातमी प्रसिद्ध झाली.ती बातमी प्रसिद्ध झाल्यानंतर त्या वृत्तपत्राच्या संपादकाला दोन नोटीस आल्या.पहीली नोटीस ही नाशिकमधून कॅप्टन अशोक खरातने पाठवली व दुसरी नोटीस मुंबईच्या वांद्रे येथून आली,म्हणजे महाराष्ट्र राज्याच्या महिला अयोगाच्या अध्यक्षाची नोटीस या संपादकाला आली.या वृत्तपत्रात नाशिक येथील एका भोंदूबाबाच्या अनुषंगाने बातमी प्रसिद्ध झाली.यात फक्त ‘कॅप्टन‘हे विशेषण वापरण्यात आले,त्यात कोणाच्याही नावाचा उल्लेख नव्हता.तरी देखील राज्याच्या महिला आयोगाने याची तातडीने दखल घेत संपादकाला पुरावे सादर करण्याची सूचना केली,नसेल तर माफिनामा प्रसिद्ध करा,असा हूकूम देण्यात आला.

महत्वाचे म्हणजे,आयोगाच्या अध्यक्षा रुपाली चाकणकर व लिंगपिसाट मनोविकृत अशोक खरात यांच्यात अतिशय घनिष्ठ संबंध होते,हे अनेक पुराव्यांनिशी महाराष्ट्राला आता माहिती झालं आहे.हे वृत्तपत्र होते दैनिक खबरदार पुढारी व संपादक होते दत्ता खेरणार.खेरणार यांनी माध्यमांना सांगितल्याप्रमाणे, एक वर्षापूर्वी शोध पत्रकारितेतून त्यांनी कॅप्टनचे कारनामे प्रसिद्ध करणार असल्याची वृत्त दिले.अनेक तक्रारदार महिला व त्यांचे परिचितांकडून या संपादकाला खरातचे काळे कारनामे कळले होते.हे गंभीर प्रकरण असल्याचे सपांदकाला माहिती होतं.राज्याचे उपमुख्यमंत्री एकनाथ शिंदे व किमान ९ मंत्री खरातच्या फॉर्महाऊसवर खरातला‘मुजरा’करुन गेली होती.याशिवाय इतर राजकीय पक्षातील देखील मोठे नेते,स्वत: देशाचे गृहमंत्री अमित शहा त्या फॉर्म हाऊसवर खरातला भेटून गेली होती.महत्वाचे म्हणजे महाराष्ट्र राज्य महिला आयोगाच्या अध्यक्षा रुपाली चाकणकर स्वत: या लिंगपिसाट बाबाच्या ट्रस्टमधील एक विश्‍वस्त होती.

याशिवाय,आमदार,खासदार,मंत्री,पोलिस अधिकारी,आयएस अधिकारी ते काही न्यायाधीश देखील या ‘नरकात’हजेरी’लावून गेली होती. इतक्या प्रभावशाली बाबाच्या विरोधात ,एका लहानशा स्थानिक मराठी दैनिकाने वृत्त छापणार असल्याची बातमी छापताच सगळीकडे खळबळ माजली.

‘लिंगपिसाट कॅप्टन भोंदूबाबा याचा दैनिक खबरदार पुढारी लवकरच पोलखोल करणार’असा मथळा प्रसिद्ध केला.यानंतर खरात याने तात्काळ वाडी पोलिस ठाण्यात अब्रू नुकसानीचा पाच कोटींचा दावा ठोकत संपादकाच्या विरोधात अदखलपात्र तक्रार नोंदवली व तशी नोटीस संपादकाला पाठवली.या पूर्वी खरातच्या माणसांनी संपादकाला अनेक फोन करुन कॅप्टन कसा चांगला माणूस आहे याचे पाढे वाचले,तू छापायला नको होते,असा दबाव टाकला.यावर संपादकाने,मी कुठेही कॅप्टन अशोक खरातांचे नाव बातमीत छापले नाही,मी फक्त भोंदूबाबत,लिंगपिसाट व कॅप्टन असं छापलंय.ते जर तसे नाहीत तर ते का खुलासा करत आहेत.मी कोणाचीही बदनामी करण्यासाठी वृत्त छापले नसून,हा मला पत्रकार म्हणून या देशातील संविधान व कायद्याने अभिव्यक्तीचे स्वातंत्रय दिले आहे,त्याचा उपयोग केला,असा खुलासा संपादकाने केला.

यानंतर चाकणकरच्या पी.ए.चे दोन दिवस फोन आले.ताईंचा तुम्हाला निरोप येईल.तुम्ही तो खुलासा करुन टाका की तो बाबा तसा नाही म्हणून.यावर संपादकाने त्यांनी पाठवलेल्या नोटीसला उत्तर देत,मी तर पत्रकार आहे,पण तुमच्याकडे संवैधानिक पद असल्यामुळे संपूर्ण यंत्रणा आहे त्यामुळेच तुम्हीच त्या तक्रारींचा शोघ घ्यावा.मी फक्त बातमी छापली आहे.त्यामुळे मला नोटीस पाठवण्यापेक्षा हे पत्र तुम्ही तर पोलिसांना दिलं असतं तर लवकर तपास होईल.असे उत्तर संपादकाने पाठवले व यात कोणाच्याही बदनामीचा हेतू नसल्याचे नमूद केले.

महिला आयोगाचा अधिकार वापरत चाकणकरांनी ‘सूमोटो’चा वापर करुन श्रीरामपूर पोलिसांना संपादक खैरनार यांना एक तर पिडीतांना समोर आणा किंवा खैरनार विरोधात गुन्हा दाखल करण्यास सांगितले.मूळात,लैंगिक शोषण झालेल्या पिडीता किती समोर येतात?उच्च घराण्यातील तर महिला या कधीच समोर येत नाहीत.आज जी महिला समोर आली तिलाही २०२२ पासून आतापर्यंत खरातचा लैंगिक अत्याचार सहन करावा लागला,शेवटी तिने आता गुन्हा नोंदवला.हेच धाडस तिने आधी केलं असतं तर खरात आणखी लवकर तुरुंगात गेला असता.हूंडा बळी ठरलेल्या वैष्णवी हगवणेंच्या प्रकरणात मृत पिडीतेच्याच चारित्र्यावर पत्रकार परिषदेत शिंतोडे उडवणा-या रुपाली चाकणकराची राज्याच्या महिला आयोगाच्या अध्यक्ष म्हणून ‘कुवत’ त्याच वेळी वादग्रस्त ठरली होती.

पत्रकार व संपादक म्हणून खरातच्या फॉर्महाऊस तसेच कार्यालयात काय-काय घडतंय याची माहिती मला होती.याच माहितीचा वापर मी बातमीत करणार होतो.मात्र,माझ्यावर दबाव आणला गेला.आज त्याच खरातच्या मोबाईलमध्ये ५८ व्हीडीयो सापडले,याचा अर्थ पत्रकार म्हणून माझ्यापर्यंत आलेली माहिती खरी होती तरी मग एका पत्रकाराची मुस्कटदाबी का करण्यात आली?रुपाली चाकणकरनी मला नोटीस का पाठवली?खरातांची पाठराखण का केली?

लैंगिक शोषणाचे असे प्रकार नाशिकमध्ये घडत होते याची चर्चा सगळीकडे होती.पत्रकारांमध्येही ती चर्चा होती कारण पिडीता या कोणा ना कोणाच्या परिचित होत्या.मात्र,चाकणकर सरळ नोटीस पाठवतात की पिडीता आमच्याकडे न येता तुमच्याकडे कश्‍या आल्या?तो बाबा तसा नाही!मूळात तो बाबा तसा नाही असे प्रमाणपत्र देण्याचा व पत्रकाराला धमकविण्याचा अधिकार महिला आयोगाच्या अध्यक्षांना होता का?मला या सर्व गोष्टींची कल्पना होती की माझ्यावर गुन्हा दाखल होईल,मला अटक होईल,पोलिसांकडून,राजकारण्यांकडून माझ्यावर दबाव आणला जाईल,तरी देखील मी माझ्या महाराष्ट्राच्या माता-भगिनींना न्याय देण्यासाठी मी खूप मोठं धाडस केलं,असं संपादकांने सांगितले.

एका फार मोठ्या पोलिस अधिका-यालाही खरातने सांगितले की खेरणाराला माझ्याकडे घेऊन ये,त्याने माझी माफी मागितली तरच हे प्रकरण मिटेल नाही तर मी त्याल बर्बाद करेल.पोलिसांचे सूचनापत्र मिळाल्यानंतर वाडी पोलिस ठाण्यात मी पत्रकार असल्याने सगळे कॅमरे वगैरे घेऊन गेलो व जो काही माझा जबाब नोंदवायचा आहे तो ऑन कॅमरा होईल असे पोलिसांना सांगितले.दूसरीकडे अनेक लोकं असे होते ज्यांनी संपादकाचे कौतूक केले की या संपादकाने सत्य छापले आहे.अनेक लोक असे होते जे पिडीतांना ओळखत होते.या बाबाचा धंदा गेल्या अनेक वर्षांपासून बिनभोबाट सुरु होता त्यामुळे त्याने शेकडो महिलांचे व लोकांचे शारिरीक व आर्थिक शोषण केले.

हा खरात रत्न ही विकायचा.एक पिडीत धंदा नीट होत नाही म्हणून खरात कडे गेला,त्यालाच साढे तीन लाखांमध्ये खरातने एक रत्न दिला.एकाला त्याने दोन लाखांचा एक रत्न दिला मात्र,याचा कोणताही फायदा भक्तांना झाला नाही.ते रत्न नकली निघाले.इतकंच नव्हे तर या खरातने महाराष्ट्राच्या एका तत्कालीन मंत्री व आता माजी मंत्री असलेल्याला शक्तीवर्धक पाणी पाजले.म्हणजे स्वत:चे मूत्र प्यायला लावले,असा दावा केला जातो.

या खरातकडे दररोज भविष्य पाहयला शेकडो भक्त येतात.किमान दोनशे ते तीनशे महिलांचे तरी या खरातने शोषण केले असल्याचा दावा संपादक करतो.महत्वाचे म्हणजे या महिला उच्चवर्गीय होत्या.राजकारण किवा मोठे सरकारी अधिकारी यांच्या घरातील त्या महिला असायच्या.या सगळ्यांकडून खरातने भरघोस ‘माया’जमवली.केवळ शिर्डी,नाशिकच नव्हे तर विदेशात देखील खरातने पत्नी व स्वत:च्या नावाने खूप मालमत्ता जमवली असल्याचा दावा केला जातो.खरातच्या मुलीचं लग्न नुकतंच नाशिकला झाले असून यानंतर हा खरात विदेशात वास्तव्यास जाणार होता,अशी माहिती  मिळाली असल्याचा खुलासा माध्यमांसमोर खेरणार यांनी केला.त्याच्या मुलीच्या लग्नात झाडून पुसून महाराष्ट्रातील अनेक मंत्र्यांनी हजेरी लावली होती.मात्र,माझ्या बातमीनंतर तो घायकुतीला आला व त्याचं भांडं फूटणार असल्याची भीती वाटली व विदेशात पळून जाण्याचा त्याचा बेत होता.त्याने आतापर्यंत अनेक देशांचा दौरा केला आहे.२६-२७ देश तो फिरला आहे.या खरातची माया किमान ५०० कोटींची असावी,असा दावा त्यांनी केला.