हॉटेल रॅडीसन ब्ल्यू समोरील जागेचे गौडबंगाल,खाली जागेवर पंचतारांकित हॉटेलचे नियोजन

एका खस-याचा खरेदी विक्री व्यवहार झाला. त्याच्या चर्तुसिमा अशा होत्या. पूर्वेस लक्ष्मण बोरकुटे यांचे शेत,पश्चिमेस आजाद हिंद सोसायटीची जागा,उत्तरेस रस्ता आणि दक्षिणेस आर्डिन्स फॅक्ट्रीची रेल्वे लाईन आहे. या जागेचे विक्री पत्र १६ मे १९८८ साली करण्यात आले. दुसरा भूखंड १.५० हेक्टर असून दोन भूखंडात सुमारे हजार फुटाचे अंतर आहे.

एका खस-याचा खरेदी विक्री व्यवहार झाला. त्याच्या चर्तुसिमा अशा आहेत. पूर्वेस लक्ष्मण बोरकुटे यांचे शेत,पश्चिमेस आजाद हिंद सोसायटीची जागा,उत्तरेस रस्ता आणि दक्षिणेस  रेल्वे लाईन आहे. या जागेचे विक्री पत्र १६ मे १९८९ साली करण्यात आले. दुसरा भूखंड अडीच एकराचा . दोन भूखंडात सुमारे चारशे फुटाचे अंतर आहे.  

(छायाचित्र :गाव नमुना सात,मिलकियत सरकार,जे ई सेन्ट्रल रेल्वे,वर्ग अ १.५२,वर्ग ब १.५२,रजिस्ट्री एकच…चर्तुसिमा वगेळ्या!)

  त्यासाठी जुनी रेल्वे लाईन काढली. त्या ठिकाणी नरेंद्रनगर उड्डाण पूल बांधले. या बदलाने झोपडपट्टी असलेल्या खसरा नंबरच्या दक्षिणेला मनिषनगरातून जाणारी मोठी रेल्वे लाईन आली. हा बदल भूमाफियासाठी खास तयार करून दिलेली संधी ठरली.या टोळीच्या मदतीला कांचनगंगा डेव्हलपर्स लि. कंपनी आली. तिने साम, दाम, दंड,भेद अंमलात आणला. त्यातून भूखंडाचा श्रीखंड झाला. अशा पध्दतीने दुसरा भूखंड लाटला. उपनिबंधक, तलाटी, युएलसी अधिकारांच्या संगनमताने हा प्रकार घडला. दुरूस्ती रजिस्ट्री दुस-या भूखंडावर होऊ शकत नाही. दुरूस्ती मुळ भूखंड रजिस्ट्रीतच करता येते,हा महसूली नियम आहे. दुसऱ्या भूखंडासाठी वेगळी स्वतंत्र रजिस्ट्री लावावी लागते.येथे मात्र शासकीय चमत्कार घडवून आणण्यात आला…!  ती रजिस्ट्री टाळून भूमाफिया टोळीने सरकारी तिजोरीचेही खुल्या दिलाने नुकसान केले.एकाच्या मोबदल्यात दोन भूखंड लाटले. महसुल खात्यातील हा अफलातून प्रकार होय. ‘दुरूस्ती रजिस्ट्री’ हा प्रकारच गैर आहे. तरी अधिका-यांच्या संगनमताने हा प्रकार घडला. अर्थात यात मोठा आर्थिक व्यवहार झाला. त्या यंत्रणेनेच या ठिकाणची झोपडपट्टी हटविण्यात हातभार लावला.

(छायाचित्र: पूलाच्या पलीकडील,गडकरी निवासाच्या लेनमधील हेच ते भुखंड…. पूलाच्या अलीकडे आणि पलीकडे..दोन भूखंडात सुमारे चारशे फुटाचे अंतर..मूळ भूखंडा ऐवजी साधण्यात आलेले दुरुस्ती रजिस्ट्रीचे गौडबंगाल…!)

थोडक्यात शेतीची ही जागा मूळ मालक बाेरकुटे यांनी १९८९ साली आजाद हिंद हाऊसिंग सोसायटीच्या नावे रजिस्ट्री करुन दिली.दुरुस्ती पत्र २४ सप्टेंबर १९९१ मध्ये झाले.यानंतर २०१४ मध्ये आजाद हिंद हाऊसिंग सोसायटीने ही जागा कांचनगंगा डेव्हलपर्सला विकली.त्यावेळी देखील एकच खसरा क्रमांकावर या दोन्ही जागा होत्या.कांचनगंगाने ही जागा घेतल्यानंतर अचानक नागपूर महानगरपालिका आणि नागपूर सुधार प्रन्यासला जाग आली आणि त्यांनी झोपडपट्टीधारकांना मूळ कागदपत्रांसह कार्यालयात बोलावले!सरकारी आदेश बघून झोपडपट्टीधारकांच्या मनात धडकी भरली त्यांनी त्याच भागात राहणारे भीम ज्योती बुध्द विहार समितीचे अध्यक्ष प्रकाश ठोंबरे यांच्याकडे धाव घेतली.ठोंबरे यांनी कायदेशीर पाऊल टाकताच,या दोन्ही स्थानिक स्वराज्य संस्थांनी आपल्या नोटीस मागे घेतल्या.यानंतर ‘बाय हूक’ काम झाले नसल्याने ’बाय क्रूक’चा आधार घेण्यात आला.२०१५ साली झोपडपट्टीवासियांनी ठोंबरे यांच्या नेतृत्वात सत्र न्यायालयात धाव घेतली मात्र,त्यांची याचिका खारिज झाली!

२०१४ मध्ये केंद्रात व राज्यात भारतीय जनता पक्षाचे सरकार आले होते ‘योगायोगाने’ अब्जोवधीच्या भूखंडाचा (गैर)व्यहार ही पूर्ण झाला होता.यानंतर भाजपचे नेते मुन्ना यादव यांच्या भावाने गुंडगर्दीतून येथील झोपडपट्टीवासीयांना धमकावणे सुरु केले.हत्याराचा देखील धाक दाखविण्यात आल्याची माहिती ठोंबरे देतात.परिणामी,झोपडपट्टीधारक हे पुन्हा ठोंबरे यांच्याकडे गेले.ठाेंबरे यांनी झोपडपट्टीधारकांसोबत मुन्ना यादव याचे घर गाठले.त्यावेळी बुद्ध विहारामध्ये या प्रश्‍नावर सभा घेण्याचे ठरले.मे महिन्यात बुद्ध जयंतीच्या दिवशी सभेत किमान १५ लाख रुपये प्रत्येकी देण्याची मागणी करण्यात आली.मुन्ना यादव यांच्याकडे ६ कोटी रुपये देण्यात आले असल्याची माहिती ऐकिव आहे,असे येथील रहीवाशी सांगतात. जवळपास ५० झोपडपट्टीधारकांना १० लाख प्रत्येकी देण्यात आले व त्याच दिवशी,अगदी त्याच वेळी, आहे त्या कपड्यानिशी त्यांच्या झोपडया रिकाम्या करण्यात आल्या! त्यांचे सामान त्यांना हव्या त्या ठिकाणी पोहोचवण्याची ही व्यवस्था करण्यात आली व तातडीने मोठमोठ्या टिनाची संरक्षक भिंत उभारण्याचे काम सुरु झाले.ऐन बुद्ध जयंतीचा दिवस ही ‘बाहूबलींनी ‘झोपडपट्टीवासियांना साजरा करु दिला नाही कारण…१० लाख रुपये प्रत्येकी मोजून देण्यात आले होते!पैशांसमोर नीती-अनीती सारख्या गोष्टी गैरलागू ठरतात!

२ ५० झोपडपट्टीधारकांना १० लाख प्रत्येकी देण्यात आले व त्याच दिवशी,अगदी त्याच वेळी, आहे त्या कपड्यानिशी त्यांच्या झोपडया रिकाम्या करण्यात आल्या! त्यांचे सामान त्यांना हव्या त्या ठिकाणी पोहोचवण्याची ही व्यवस्था करण्यात आली व तातडीने मोठमोठ्या टिनाची संरक्षक भिंत उभारण्याचे काम सुरु झाले.ऐन बुद्ध जयंतीचा दिवस ही ‘बाहूबलींनी ‘झोपडपट्टीवासियांना साजरा करु दिला नाही कारण…१० लाख रुपये प्रत्येकी मोजून देण्यात आले होते!पैशांसमोर नीती-अनीती सारख्या गोष्टी गैरलागू ठरतात!

याच वेळी बुद्ध विहाराच्या मागच्या बाजूची अंदाजे ३० बाय ३० फूटांची जागा जी अनेक दशकांपासून विहार अन्नदानासाठी वापरत होती त्या जागेवर देखील टिना ठोकण्यात आल्या.विहाराला पाणी पुरवठा करणारे नळ,विजेचे खांब उखडून फेकण्यात आले.ठोंबरे यांनी या मोगलाई कृतीचा विरोध करीत पोलिस ठाणे गाठले.पोलिसांनी तातडीने घटनास्थळ गाठले.दूपारपर्यंत पोलिस होते तोपर्यंत काम थांबले,पोलिस हटताच संपूर्ण परिसर टिनाने बंदिस्त करण्यात आला!ठोंबरे यांनी महावितरणला देखील तक्रार केली मात्र,सरकारी वीजेचे खांब उखडून फेकण्यात आले,अनेक हिरव्यागार झाडांचा बळी घेण्यात आला तरी ‘बाहूबलींच्या’या कृती पुढे महावितरण आणि मनपाचा उद्यान विभाग मूग गिळून गप्प बसले कारण….केंद्रात व राज्यात भाजपची सत्ता आहे!