चार लाखांची ‘लाच ’नाही तर काम नाही!जिल्हाधिकारी कार्यालयात बाबूची लाचखोरी

सिंधी बांधव हे एकमेकांना साथ देत भक्कमपणे एकजुट राहून आपला समाज बांधून ठेवतात,मग तुमच्या लढ्यात ते का साथ देत नाहीत?असा प्रश्‍न केला असता,सिंधी बांधव हे पैशांनी नक्कीच साथ देतात मात्र,सरकारी कागदपत्रांसाठी,प्रशासनाच्या विरोधात जाऊन ते कधीही,साथ देऊ शकत नाहीत अशी अगतिकता ‘सत्ताधीश’कडे लीलाराय हताशपणे व्यक्त करतात.

जिल्हाधिकारी डॉ.विपीन इटनकर यांच्या निर्दशनास ही बाब आली असता, त्यांनी २३ फेब्रुवरी रोजी अपर मुख्य सचिव,महसूल,मंत्रालय मुंबई यांना पत्र पाठवले असून,योग्य मार्गदर्शन मागवले आहे.फाळणीच्या वेळी विस्थापित झालेले सिंधी बांधव मागील ७५ वर्षापासून वास्तव्यास असून त्यांना मालकी हक्काचे पट्टे वाटप करण्याचा शासन निर्णय जारी झाला आहे.मात्र,नागपूर शहरात विविध विस्थापितांच्या वासहतींमध्ये वसाहत करीत असलेल्या निर्वासितांकडे नोंदणी केल्याबात(रेफ्यूजी)असल्याचे पुरावे उपलब्ध नाहीत.त्यामुळे शासन निर्णय २० जुलै १९८२ नुसार ज्या व्यक्तीकडे रेफ्युजी पुरावे नसल्यास ‘कॉलम-ए तील (एफ)नुसार कार्यवाही अपेक्षीत आहे.या कलमानुसार अधिक भाेगवटामूल्य येत असल्याने विस्थापीत नागरिकांना ‘कॉलम-ए’तील (डी)प्रमाणे प्रती स्के.फूट २०० रुपये आकारुन भुखंडाचे पट्टे वाटप करण्याबाबत सिंधी समाजाच्या प्रतिनिधी व अतिक्रमणधारकांनी विनंती केली आहे.कॉलम-ए तील(डी)नुसार कार्यवाही करावी किंवा कसे?याबाबत मार्गदर्शन करण्याची विनंती करणारे पत्र जिल्हाधिकारी डॉ.विपीन इटनकर यांनी पाठवले असून,जून महिना उजाडला तरी देखील लोकसभेच्या निवडणूकीच्या धामधुमीत संपूर्ण सरकार व प्रशासनच व्यग्र असल्याने, नागपूरातील फार मोठ्या जनतेशी सरळ संबंध येत असलेल्या या पत्रावर मंत्रालयातून(महसूल)अद्याप तरी कोणतेही उत्तर अप्राप्य असून,लीलाराय किवा त्यांच्यासारख्या असंख्य सिंधी समाजातील शरणार्थींना त्यांच्या न्याय हक्कासाठी आणखी किती दशकांचा लढा द्यावा लागेल,याकडे आता जागरुक नागपूरकरांचे लक्ष लागले आहे.

(संपर्क क्रमांक-
लीलाराय शर्मा – ९०२१९०२१५०)

…………………………………………………………………..

(तळटीप- ‘सत्ताधीश‘आता नव्या स्वरुपात वाचकांसमोर आले असून,सत्यार्पित बातम्यांसाठी मोठ्या प्रमाणात वाचकांनी फेसबुक,एक्स,इन्सटाग्राम,टेलिग्राम  व व्हॉट्स ॲप वर ‘सत्ताधीश‘ वेब न्यूज पोर्टलला फॉलो करावे व ‘सत्ताधीश‘या यूट्यूब चॅनलला आजच सबस्क्राईब करावे,ही विशेष विनंती)