खोपडेंच्या पूर्वने गडकरींना तारलं: पूर्वेतून गडकरींना ७३ हजारांचे मताधिक्य 

पुढील १० फे-यांमध्ये देखील हे अंतर वाढतच गेले.११ व्या फेरीत गडकरी हे ४,०२,३०१ मतांपर्यंत पोहोचले तर विकास ठाकरेंना या फेरीपर्यंत ३,२८,२४९ मते होती.या फेरीत गडकरींनी ७४ हजार ५२ एवढी लीड घेतली होती.१२ व्या फेरीत गडकरींची मते ४ लाख ३७ हजार २६७ पर्यंत पोहोचली तर विकास ठाकरेंची मते ३ लाख ५९ हजार ३०८ होती.या फेरीत गडकरींची लीड ७७ हजार ९५९ एवढी होती.१३ व्या फेरीत गडकरींना एकूण ४ लाख ८० हजार ७६२ मते होती तर विकास ठाकरेंना ३ लाख ८१ हजार ०४६ मते होती.या फेरीमध्ये गडकरींनी ९९ हजार ७१६ मतांची लीड घेतली.१४ व्या फेरीमध्ये गडकरींना ५ लाख २० हजार ६६५ मते होती तर विकास ठाकरेंना ४ लाख१२ हजार ७३९ मते होती.या फेरीमध्ये गडकरींची लीड वाढून १ लाख ७ हजार ९२६ एवढी झाली.१५ व्या फेरीमध्ये गडकरींची एकूण मते ५ लाख ५९ हजार १५७ एवढी झाली तर विकास ठाकरेंना एकूण ४ लाख ४० हजार १७५ मते मिळाली.या फेरीत गडकरींची बढत १ लाख १८ हजार ९८३ एवढी झाली.१६ व्या फेरीमध्ये गडकरींना एकूण ५ लाख ८७ हजार ५१४ मते होती तर विकास ठाकरेंना ४ लाख ६८ हजार २५७ मते होती.या फेरीमध्ये गडकरींची लीड १ लाख १९ हजार २५७ एवढी झाली.१७ व्या फेरीमध्ये गडकरींची मते ६ लाख १७ हजार ६३८ एवढी झाली तर विकास ठाकरेंची मतांची बेरिज ४ लाख ९० हजार ६११ एवढी झाली.या फेरीमध्ये गडकरींचे मताधिक्य १ लाख १९ हजार २५७ एवढे झाले.१८ व्या फेरीमध्ये गडकरींना एकूण ६ लाख ३४ हजार ८१२ मते मिळाली तर विकास ठाकरेंना ५ लाख ०५६,७२ एवढी मते मिळाली.या फेरीत गडकरींचे मताधिक्य १ लाख २९ हजार १४० एवढे झाले.१९ साव्या फेरीमध्ये  गडकरींना ६ लाख ४८ हजार २०१ मते होती तर विकास ठाकरेंना ५ लाख,१३ हजार ४१९ मते होती.शेवटच्या २० साव्या फेरीमध्ये गडकरींना ६ लाख ५२ हजार ८०९ मते होती तर विकास ठाकरेंना ५ लाख १५ हजार ९४१ मते मिळाली.या फेरीमध्ये देखील गडकरींना ४ हजार ६०८ मतांची लीड मिळाली.शेवटच्या काही फे-या या उत्तर नागपूरातील होत्या हे विशेष.

पोस्टल बॅलेट पेपरच्या मतगणनेतून गडकरी यांना २ हजार २१८ मत तर विकास ठाकरेंना १ हजार ४८३ मते मिळाली.पोस्टल बॅलेटची मते मिळून गडकरी यांना एकूण ६ लाख ५५ हजार २७ मते मिळाली तर विकास ठाकरेंना ५ लाख १७ हजार ४२४ मते मिळाली.

मतगणनेच्या वेळी उत्तर नागपूरातील ८१ क्रमांकाच्या वोट मशीनमध्ये बिघाड झाल्याने ती उघडत नव्हती.या मशीनचा क्रमांक BYTEYBE १२७११ होता.याशिवाय एका मशीनमध्ये एक मत मिसिंग होते.यानंतर ते सापडले.बूथनिहाय गडकरी व विकास ठाकरेंना किती मते पडली या मतगणनेला वेळ लागणार आहे.गडकरी यांनी हा विजय स्वप्रतिमवर खेचून आणला असल्याचे बोलले जात आहे.संपूर्ण देशात जिथे ‘मोदी’सरकारची गॅरेंटी जनतेनी काठावर उत्तीर्ण केली तिथे नागपूरात मात्र,गडकरी हे स्व-प्रतिमेवर निवडून आलेत,यात दुमत नाही.गडकरी यांच्या या विजयामध्ये भाजप,कमळ किवा पंतप्रधान मोदी यांचे कोणतेही श्रेय नसल्याचे जाणकार सांगतात.

गडकरी यांनी हा विजय अक्षरश: खेचून आणला असून पहिल्यांदा त्यांच्या राजकीय कारकीर्दीत संपूर्ण कुटूंबिय प्रचारात उतरले होते.