अभी ना जाओ छोडकर….

आशा भोसले यांना पद्मविभूषण,दादासाहेब फालके पुरस्कार तसेच अनेक राष्ट्रीय-फिल्मफेअर पुरस्कारांनी सन्मानित करण्यात आले आहे.त्यांना सर्वोकृष्ट महिला पार्श्वगायिका म्हणून ७ फिल्मफेअर पुरस्कार मिळाले आहेत.दोन राष्ट्रीय चित्रपट पुरस्कार,२००० साली दादासाहेब फाळके पुरस्कार,२००८ साली पद्मविभूषण यासह अनेक पुरस्कार मिळाले आहेत.सर्वाधिक गाणी असलेल्या कलाकार म्हणून २०११ मध्ये त्यांची गिनीज बुक ऑफ वर्ल्ड रेकॉड्समध्ये नोंद आहे.

संगीत क्षेत्राव्यतिरिक्त आशा भोसले यांनी उद्योजकतेतही प्रावीण्य मिळवलं आहे.त्यांनी दुबई,कुवेत आणि मँचेस्टरमध्ये‘आशा’नावाची रेस्टॉरेंट साखळी सुरु केली,जी आजही लोकप्रिय आहे.अाशा या स्वत: उत्तम स्वयंपाक करत होत्या.एका मुलाखतीत त्यांनी सांगितलं की,त्यांची गायन कारकीर्द सुरु झाली नसती तर तर त्या उत्तम स्वयंपाकी झाल्या असत्या.मी चार घरांमध्ये स्वयंपाक करुन पैसे कमावले असते.

२०१३ साली आशा यांनी अभिनेत्री म्हणून चित्रपटात पदार्पण केले.त्यांनी ‘माई’नावाच्या मराठी चित्रपटात आईची भूमिका साकारली होती.दूरदर्शनसह अनेक खासगी वाहीन्यांवरील गाण्याच्या स्पर्धांमध्येही त्या मुख्य अतिथी म्हणून झळकल्या.

१९६१ साली चित्रपट ’हम दोनो’मधील ‘अभी ना जाओ छोड कर के दिल अभी भरा नही’हे गीत संगीतकार जयदेव यांनी संगीतबद्ध केले आहे.हिंदी चित्रपटसृष्टीतील हे सदाबहार व रोमँटिक गीत सुरवातीला लता मंगेशकर गाणार होत्या मात्र,या गीताचे बोल ऐकून त्यांनी या गीताला ‘अश्‍लील’म्हणून गाण्यास नकार दिला.त्यानंतर हे गीत आशा भोसलें यांनी मोहम्मद रफींसोबत गायले व या गीतानेही एक इतिहास घडवला.त्या काळातील तरुणाईंच्या गळ्यातील हे गीत ताईत बनले होते.रफी यांच्या स्वरातील आर्जव आणि आशा भोसले यांच्या स्वरातील मार्दव यांची अनोखी व तितकीच पवित्र जुगलबंदी या गीतात उमटली होती. आशा भोसले यांचे निधन जरी वयाच्या ९२ व्या वर्षी झाले आणि ही निसर्गाची एक नैसर्गिक कृती असली तरी समस्त भारतीय व जगभरातील संगीतप्रेमींनी त्यांना ‘अभी ना जाओ छोडकर के दिल अभी भरा नही’असा भावपूर्ण आर्जव केला आहे.